Hadith: ((باوه‌ردارێ باوه‌رییا وی ژ یا هه‌مییان ته‌مامتر؛ ئه‌وه‌ یێ ڕه‌وشتێ وی ژ یێ هه‌مییان جوانتر، باشترینێ هه‌وه‌ ژی ئه‌وه‌ یێ ژ هه‌مییان باشتر بیت بۆ ئافره‌تێن مالا خۆ))

عن أبي هريرة رضي الله عنه قال: قال رسول الله صلى الله عليه وسلم:
«أَكْمَلُ الْمُؤْمِنِينَ إِيمَانًا أَحْسَنُهُمْ خُلُقًا، وَخَيْرُكُمْ خَيْرُكُمْ لِنِسَائِهِمْ».
[حسن] - [رواه أبو داود والترمذي وأحمد] - [سنن الترمذي: 1162]

ئه‌بو هوره‌یره‌ (خودێ ژێ ڕازی بیت) دبێژیت: پێغه‌مبه‌رێ خودێ (صه‌لات و سه‌لامێن خودێ ل سه‌ر بن) گۆت:
((باوه‌ردارێ باوه‌رییا وی ژ یا هه‌مییان ته‌مامتر؛ ئه‌وه‌ یێ ڕه‌وشتێ وی ژ یێ هه‌مییان جوانتر، باشترینێ هه‌وه‌ ژی ئه‌وه‌ یێ ژ هه‌مییان باشتر بیت بۆ ئافره‌تێن مالا خۆ)).
[حسن] - [رواه أبو داود والترمذي وأحمد] - [سنن الترمذي - 1162]

Explanation

پێغه‌مبه‌ر (صه‌لات و سه‌لامێن خودێ ل سه‌ر بن) به‌حسێ هندێ دكه‌ت كو ئه‌و كه‌سێ باوه‌رییا وی ژ یا هه‌مییان ته‌مامتر؛ ئه‌وه‌ یێ ڕه‌وشتێ وی یێ جوان و تازه‌ بیت، ئه‌ڤه‌ ژی ب ڕویگه‌شی و ده‌ڤ گڕنژینا خۆ و باشیكرنا د گه‌ل كه‌سێن دی و ئاخڤتنا خۆش و جوان و هێلانا دروستكرنا نه‌خۆشییێ بۆ خه‌لكی.
كا چاوا باشترین باوه‌ردار ئه‌ون یێن ژ هه‌مییان باشتر بن بۆ ئافره‌تێن مالا خۆ، وه‌كی هه‌ڤژینا خۆ و كچێن خۆ و خویشكێن خۆ و مرۆڤێن خۆ یێن نێزیك، چونكی ئه‌ڤه‌ ژ هه‌می كه‌سێن دی ژ هه‌ژیتر و نێزیكترن ڕه‌وشتێ مرۆڤی د گه‌ل یێ جوان و تازه‌ بیت.

Benefits from the Hadith

1. قه‌در و بهایێ ڕه‌وشتێ جوان و كو ئه‌و ژ باوه‌رییێیه‌.
2. كاركرن ژ باوه‌رییێیه‌، باوه‌ری ژی زێده‌ و كێم دبیت.
3. ئیسلامێ ڕێز ل ئافره‌تێ گرتییه‌ و هاندان كرییه‌ كو باشی د گه‌ل بهێته‌ كرن.