ဟဒီးဆ်: အလ္လာဟ်အရှင်မြတ်သည် ကိစ္စရပ်တိုင်းတွင် ကောင်းမွန်စွာကျင့်မူရန်သတ်မှတ်ပြဌာန်းထားသည်။ ထို့ကြောင့် သင်တို့သည် သတ်သည့်အခါ ကောင်းမွန်စွာဖြင့်သတ်ပါ။ သင်တို့(ဇဗဟ်)လှီးဖြတ်သည့်အခါ ကောင်းမွန်စွာဖြင့်လှီးဖြတ်ပါ။ အသင်တို့အနက်မှ တစ်ဦးတစ်ယောက်သည် မိမိ၏ဓါးသွားကို ထက်မြအောင်ပြုပါ၊ ၎င်း၏ သားကောင်အား နာကျင်မှုသက်သာအောင်ပြုလုပ်ပါ။

အမျိုးအစား: အတ္ထုပ္ပတ္တိနှင့် သမိုင်း။ . တမန်တော်မြတ် (ﷺ)၏ အတ္ထုပ္ပတ္တိ။ . တမန်တော်မြတ်(ﷺ)၏ ရုပ်ဆင်းအင်္ဂါတော်။ . တမန်တော်မြတ်၏ ကိုယ်ကျင့်တရားများ။ . တမန်တော်မြတ်(ﷺ)၏ နူးညံ့သိမ်မွေ့မှု။ .

+ - သရလက္ခဏာနှင့်ဖော်ပြခြင်း

عن شداد بن أوس رضي الله عنه مرفوعًا:« إن الله كتب الإحسانَ على كل شيء، فإذا قتلتم فأحسِنوا القِتلةَ وإذا ذبحتم فأحسِنوا الذِّبحة، وليحد أحدُكم شَفْرَتَه ولْيُرِحْ ذبيحتَهُ».
[صحيح] - [رواه مسلم]
المزيــد ...

ရှဒ္ဒါးဒ် ဗင်န်အောဝ်စ် (ရဿွိယလ္လာဟုအန်ဟု)က ဆင့်ပြန်ခဲ့သည်။ တမန်တော်မြတ်(ဆွလ္လလ္လာဟုအလိုင်ဟိဝစလ္လမ်)မိန့်တော်မူသည်။ အလ္လာဟ်အရှင်မြတ်သည် ကိစ္စရပ်တိုင်းတွင် ကောင်းမွန်စွာကျင့်မူရန်သတ်မှတ်ပြဌာန်းထားသည်။ ထို့ကြောင့် သင်တို့သည် သတ်သည့်အခါ ကောင်းမွန်စွာဖြင့်သတ်ပါ။ သင်တို့(ဇဗဟ်)လှီးဖြတ်သည့်အခါ ကောင်းမွန်စွာဖြင့်လှီးဖြတ်ပါ။ အသင်တို့အနက်မှတစ်ဦးတစ်ယောက်သည် မိမိ၏ဓါးသွားကို ထက်မြအောင်ပြုပါ၊ ၎င်း၏ သားကောင်အား နာကျင်မှုသက်သာအောင်ပြုလုပ်ပါ။
ဤဟဒီးဆ်သည် ဆွဟီးဟ် အဆင့်ရှိသည်။ - မွတ်စ်လင်မ်ကျမ်း။

ရှင်းလင်းချက်

မွတ်စ်လင်မ်တစ်ဦးသည် မိမိ၏(နိယသ်)ရည်စူးချက်၊ စိတ်သဘောထား၊ အမိန့်နာခံခြင်းနှင့် ခဝပ်ကိုးကွယ်ခြင်းတို့ကို ကောင်းမွန်အောင်ပြုလုပ်ရန်လိုအပ်သည်။ ထို့အတူ မိမိ၏ လုပ်ရပ်၊ ကျင့်ကြံမှုကိုလည်း တိုးတက် ကောင်းမွန်အောင်ပြုလုပ်ရမည်။ လူသားနှင့် တိရစ္ဆာန်တို့ကိုသာမက သက်မဲ့အရာများကိုလည်း ကောင်းမွန်စွာ ဆက်ဆံရမည်။ သားကောင်ကို ဇဗဟ် လုပ်သူသည် ဇဗဟ် လုပ်ခြင်းဖြင့် ယင်းသားကောင်ကို မုချနာကျင်စေမည်ဖြစ်သည်။ သို့သော် သားကောင်မှ အကျိုးခံစားရန်အတွက် မလွဲမသွေ ဇဗဟ်ပြုရမည်ပင်ဖြစ်သည်။ ဤသို့ဆိုလျှင် ၎င်း၏ ရည်ရွယ်ချက်မှာ မုအ်မင်န်၏ စိတ်နှလုံးသားထဲ၌ သနားကြင်နာမှု၊ နူးညံ့သိမ်မွေ့မှု ရှိလာစေရန် ပြုစုပျိုးထောင်ပေးပြီး အကယ်၍ ၎င်းသည် ဇဗဟ်ပြုလုပ်သည့်အခါတွင်ဖြစ်စေ၊ တရားတော်အရ သတ်ရသည့်အခါတွင်ဖြစ်စေ ထိုရည်ရွယ်ချက် သဘောတရားများကို မမေ့လျော့စေရန်အတွက် ဖြစ်သည်။ သို့ဖြစ်၍ သတ်ဖြတ်ခြင်းနှင့်၊ ဇဗဟ်ပြုလုပ်ခြင်းတို့တွင် ကောင်းမွန်ကြင်နာစွာ ပြုလုပ်ရန် လိုအပ်သည်ဆိုလျှင် အခြားသောလုပ်ရပ်များ၌ ထိုသို့ကြင်နာမှုထားရန် ပို၍ပင် လိုအပ်ကြောင်း သတိပေးထားသည်။ ကောင်းမွန်ကြင်နာစွာပြုလုပ်သည့် ကိစ္စရပ်တစ်ခုမှာ ဓားကို ထက်မြအောင်ပြုလုပ်ပြီး၊ သားကောင်အား နာကျင်မှု သက်သာအောင်ပြုလုပ်ခြင်းဖြစ်သည်။

ဘာသာပြန်: အင်္ဂလိပ် ပြင်သစ် စပိန် တူရကီ အုရ်ဒူ အင်ဒိုနီးရှား ဘော့စနီးယား ရုရှား ဘင်္ဂလီ တရုတ် ဖါရစီ(ပါရှန်း) တဂ္ဂလော့ ဟင်ဒီ ဗီယက်နမ် ဆင်ဟာလီ ဝီဂါ ကာ့ဒ် ဟောက်ဆာ ပေါ်တူဂီ မလေးရာလမ် တေလဂူ ဆွာဟီလီ တမီးလ် ဂျာမန် ဂျပန် ပါရှ်တို အာသံ အယ်လ်ဘေးနီးယန် الدرية

ဘာသာပြန်များကို ကြည့်ရှုရန်

ဟဒီးဆ်မှ သိမှတ်ဖွယ်ရာများ

အိဟ်စာန် ကောင်းကျိုးပြုခြင်း၏ အမိန့်သည် အရာရာတိုင်းတွင် သူ့အဆင့်နှင့်သူရှိသည်။ အပြင်ပိုင်းဆိုင်ရာနှင့် အတွင်းပိုင်းဆိုင်ရာ ဝါဂျစ်ဗ် တာဝန်များကို ဆောင်ရွက်ရာ၌ရှိရမည့် အိဟ်စာန်၏ အတိုင်းအတာမှာ ၎င်းတာဝန်များနှင့်အညီ အပြည့်အဝဆုံး ပုံစံရှိခြင်းကိုဆိုလိုပြီး ထိုအတိုင်းအတာမျှ အိဟ်စာန်ရှိခြင်းသည် ဝါဂျစ်ဗ်ပင်ဖြစ်သည်။ မွတ်စ်သဟဗ်များကို ပြည့်စုံအောင် ဆောင်ရွက်ရာ၌ရှိရမည့် အိဟ်စာန်သည်လည်း မွတ်စ်သဟဗ်ပင်ဖြစ်သည်။
ဟရာမ် တရားတော်ကတားမြစ်ထားသော အရာများကိုစွန့်လွှတ်ရာ၌ အိဟ်စာန် ရှိခြင်းဟူသည် ၎င်းဟရာမ်ကို ကျူးလွန်ခြင်းမှ ရပ်စဲလိုက်ပြီး ထိုဟရာမ်၏ အတွင်း၊ အပြင်အားလုံးကို စွန့်လွှတ်လိုက်ခြင်းပင်ဖြစ်သည်။ ၎င်းတွင် ထိုအတိုင်းအတာမျှ အိဟ်စာန် ထားခြင်းသည် ဝါဂျစ်ဗ်ပင်ဖြစ်သည်။ ထို့ပြင် တတ်စွမ်းနိုင်သော အရာများအပေါ် သည်းခံခြင်း၌ အိဟ်စာန် ရှိခြင်းဟူသည် ထိုအရာများအား မနှစ်မျို့ခြင်း၊ သည်းခံမှုမရှိခြင်း စသည်တို့မပါဘဲ ဆွဗရ်လုပ်ခြင်းဖြစ်သည်။ ၎င်းပြင် အဖန်ဆင်းခံတို့ဖြင့် အပေးအယူလုပ်ခြင်းနှင့် ပေါင်းသင်းဆက်ဆံခြင်းတို့၌ ထားရှိရမည့် ဝါဂျစ်ဗ် ဖြစ်သော အိဟ်စာန် ဟူသည် ၎င်းတို့နှင့်ပတ်သက်၍ အလ္လာဟ်အရှင်မြတ်က သတ်မှတ်ထားသော တာဝန်ဝတ္တရားများကို ကျေပွန်ခြင်းဖြစ်သည်။
အဖန်ဆင်းခံတို့အား အုပ်ထိန်းရာတွင် ထားရှိရမည့် ဝါဂျစ်ဗ် ဖြစ်သော အိဟ်စာန် ဟူသည် ၎င်းတို့နှင့်ပတ်သက်၍ တရားတော်က သတ်မှတ်ထားသည့် အုပ်ထိန်းမှုနှင့်သက်ဆိုင်သော တာဝန်ဝတ္တရားများကို ကျေပွန်ခြင်းဖြစ်သည်။
သတ်ပိုင်ခွင့်ရှိသော တိရစ္ဆာန်များကို သတ်ဖြတ်ရာ၌ အိဟ်စာန် ရှိရမည်ဟုဆိုခြင်းသည် တိရစ္ဆာန်အား အမြန်ဆုံး၊ အသက်သာဆုံးနှင့် အကောင်းဆုံး ပုံစံမျိုးဖြင့် မည်သည့် ဒုက္ခအပိုပေးခြင်းမျှမရှိဘဲ သေဆုံးစေခြင်း ဖြစ်သည်။ မလိုအပ်ဘဲ နာကျင်စေခြင်းသည် ဒုက္ခပေးခြင်းပင်ဖြစ်သည်။
ဘုန်းတန်ခိုးအာနုဘော်နှင့် ပြည့်စုံတော်မူသော အလ္လာဟ်အရှင်မြတ်သည် ကျွန်များအပေါ်တွင် ကရုဏာထားတော်မူပြီး ကိစ္စရပ်တိုင်းတွင် ကောင်းမွန်စွာကျင့်မူရန် သတ်မှတ်ပြဌာန်းထားသည်။
ဘုန်းတန်ခိုးအာနုဘော်နှင့်ပြည့်စုံတော်မူသော အလ္လာဟ်အရှင်မြတ်သည် အမိန့်အာဏာအလုံးစုံကို စိုးပိုင်တော်မူပြီး၊ စီရင်ဆုံးဖြတ်မှုသည်လည်း ထိုအရှင်မြတ်အတွက်သာဖြစ်သည်။ ကိုယ်တော်မြတ်၏ သြဝါဒတော်၌ “အလ္လာဟ်အရှင်မြတ်သည် ကိစ္စရပ်တိုင်းတွင် ကောင်းမွန်စွာကျင့်မူရန် သတ်မှတ်ပြဌာန်းထားသည်” ဟုမိန့်တော်မူထားသည်။ အလ္လာဟ်အရှင်မြတ်၏ သတ်မှတ်ပြဌာန်းချက်သည် နှစ်မျိုးရှိသည်။ (၁) သက္ကဒီရ် အကောင်းအဆိုးကို သတ်မှတ်ပြဌာန်းခြင်း၊ (၂) တရားတော်၏ အမိန့်ပညတ်ချက်ကို သတ်မှတ်ပြဌာန်းခြင်း။
အိဟ်စာန်သည် အရာရာတိုင်းတွင် ရှိပေသည်။ ကိုယ်တော်က “အလ္လာဟ် အရှင်မြတ်သည် ကိစ္စရပ်တိုင်းတွင် ကောင်းမွန်စွာကျင့်မူရန် သတ်မှတ်ပြဌာန်းထားသည်” ဟုမိန့်တော်မူထားခြင်းကြောင့် အရာရာတိုင်းတွင် အိဟ်စာန်ပါဝင်နိုင်ကြောင်းသိရသည်။
တမန်တော်မြတ်၏ ကောင်းမွန်သော သင်ကြားပေးသည့် ပုံစံတစ်ခုမှာ ဥပမာ များပေး၍ သင်ကြားပေးခြင်းဖြစ်သည်။ အဘယ်ကြောင့်ဆိုသော် ဥပမာများသည် ဆိုလိုရင်းအဓိပ္ပါယ်များကို ပို၍နားလည်သေဘောပေါက်စေသည်။ ကိုယ်တော်၏ မိန့်ကြားချက်တွင် အသင်တို့သတ်သည့်အခါ၊ ဇဗဟ် လုပ်သည့်အခါ ဟူ၍ပမာပေးထားသည်။
သတ်သည့် ပုံသဏ္ဍာန်တွင် အိဟ်စာန်ရှိရန် အရေးကြီးသည်။ ဤသည် သတ်သည့်နည်းလမ်းတွင် အိဟ်စာန်ရှိရန်ဆိုလိုခြင်းဖြစ်ပြီး သတ်ခြင်းကို မဆိုလိုပေ။
တရားတော်က သတ်မှတ်ထားသည့် နည်းလမ်းအတိုင်း တိရစ္ဆာန်များကို ကျွန်ုပ်တို့ဇဗဟ်လုပ်ခြင်းဖြင့် ဇဗဟ်လုပ်ရာတွင် အိဟ်စာန် ထားရှိရမည်။
တိရစ္ဆာန်အား ညှင်းပန်းနှိပ်စက်ခြင်းကို တားမြစ်ထားသည်။ ဥပမာ- တိရစ္ဆာန်အား ပစ်မှတ်အဖြစ် သတ်မှတ်ခြင်း၊ အငတ်ထားခြင်း၊ အစာရေစာ မကျွေးဘဲ ချုပ်ထားခြင်းတို့ဖြစ်သည်။
ဤရှရီအဟ်လမ်းစဥ်သည် ပြီးပြည့်စုံပြီး ၎င်း၌ကောင်းခြင်းအားလုံး ပါရှိသည်။ တိရစ္ဆာန်များကို ကရုဏာထားခြင်း၊ ညင်သာစွာဆက်ဆံခြင်း တို့သည်လည်း ထိုအနက်မှပင်ဖြစ်သည်။

အမျိုးအစားများ

အတ္ထုပ္ပတ္တိနှင့် သမိုင်း။ . တမန်တော်မြတ် (ﷺ)၏ အတ္ထုပ္ပတ္တိ။ . တမန်တော်မြတ်(ﷺ)၏ ရုပ်ဆင်းအင်္ဂါတော်။ . တမန်တော်မြတ်၏ ကိုယ်ကျင့်တရားများ။ . တမန်တော်မြတ်(ﷺ)၏ နူးညံ့သိမ်မွေ့မှု။

ထပ်၍

عربي English Français Español Türkçe اردو Indonesia Bosanski Русский বাংলা ভাষা 中文 فارسی Tagalog हिन्दी Tiếng Việt සිංහල ئۇيغۇرچە كوردی Hausa Português മലയാളം తెలుగు Kiswahili தமிழ் Deutsch 日本語 پښتو অসমীয়া Shqip دری