Hadithi: Me të vërtetë, Allahu ka urdhëruar mirësinë në çdo çështje, andaj, kur të vrisni, vritni në mënyrën më të mirë dhe, kur të therni, therni në mënyrën më të mirë: mprihni thikat dhe qetësojeni bagëtinë (kurbanin)

  1. Ballina
  2. Kategoritë
  3. Sira dhe historia
Kategoria: Sira dhe historia . Jetëshkrimi i Profetit Muhamed ﷺ . Udhëzimi i përgjithshëm i Profetit Muhamed ﷺ . Tiparet morale . Butësia e Profetit Muhamed ﷺ .
+ - Vokalizimi

عن شداد بن أوس رضي الله عنه مرفوعًا:« إن الله كتب الإحسانَ على كل شيء، فإذا قتلتم فأحسِنوا القِتلةَ وإذا ذبحتم فأحسِنوا الذِّبحة، وليحد أحدُكم شَفْرَتَه ولْيُرِحْ ذبيحتَهُ».
[صحيح] - [رواه مسلم]
المزيــد ...

Shedad ibn Eusi (Allahu qoftë i kënaqur me të!) tregon se Profeti ﷺ ka thënë: "Me të vërtetë, Allahu ka urdhëruar mirësinë në çdo çështje, andaj, kur të vrisni, vritni në mënyrën më të mirë dhe, kur të therni, therni në mënyrën më të mirë: mprihni thikat dhe qetësojeni bagëtinë (kurbanin)."
Ky hadith është sahih. - E shënon Muslimi.

Shpjegimi

Prej muslimanit kërkohet ta ketë qëllimin dhe të fshehtën e tij të mirë; nënshtrimin dhe adhurimin ta ketë të mirë; si dhe veprat e tij t'i ketë të mira. Prej tij kërkohet që t'u bëjë mirë njerëzve dhe kafshëve; madje edhe gjërave të ngurta. Nuk ka dyshim se kasapi do ta bëjë kafshën të ndiejë dhimbje gjatë therjes, por ai medoemos duhet ta therë, që të përfitojë prej saj. Mirëpo, krejt qëllimi prej kësaj është që në shpirtin e besimtarit të ngulitet edukata e mëshirës, butësisë dhe dhembshurisë, që të mos i harrojë këto kuptime, nëse ther ose vret me të drejtë. Gjithashtu, kjo është tërheqje vërejtjeje se, meqë mirësia kërkohet gjatë vrasjes dhe therjes (së bagëtisë), atëherë kjo kërkesë në veprat e tjera është edhe më e kërkuar. Prej mirësisë (gjatë therjes) është mprehja e thikës dhe qetësimi i bagëtisë.

Përkthimi: Anglisht Frëngjisht Spanjisht Turqisht Urdu Indonezisht Boshnjakisht Rusisht Bangalisht Kinezisht Persisht Tagalogisht Indisht Vietnamisht Sinhalisht Ujgurisht Kurdisht Hausaisht Portugalisht Melejalemisht Gjuha telugu Sevahilisht Tamilisht Burmisht Gjermanisht Japonisht Gjuha Pashto Asamisht الدرية
Shfaq përkthimet

Mësime nga hadithi

  1. Urdhri për të bërë mirë është për çdo gjë, në varësi të veprës, kështu që mirësia në kryerjen e obligimeve të jashtme (të gjymtyrëve) dhe të brendshme (të zemrës) duhet të jetë në formën më të mirë. Kjo sasi e mirësisë gjatë kryerje së tyre është obligim, kurse mirësia për t'i kryer gjërat e rekomanduara është e rekomanduar. Sa i përket mirësisë lidhur me lënien e ndalesave, ajo nënkupton largimin nga ato dhe lënien e ndalesave të jashtme e të brendshme. Kjo sasi lidhur me to është obligim. Mirësia në durimin ndaj asaj që është e paracaktuar nënkupton durimin pa u hidhëruar e pa u zemëruar. Mirësia e obliguar në raport me sjelljen dhe jetesën me krijesat nënkupton kryerjen e detyrave të cilat Allahu na ka obliguar lidhur me të drejtat e tyre. Sasia e obliguar lidhur me kujdestarinë ndaj krijesave nënkupton kryerjen e detyrave të kujdestarisë legjitime. Mirësia në vrasjen e kafshëve që lejohet të vriten nënkupton nxjerrjen e shpirtit të saj në mënyrën më të shpejtë, më të lehtë dhe më të dëshirueshme, pa ia shtuar torturat, se i shkakton dhimbje pa pasur nevojë për të.
  2. Mëshira e Allahut të Lartmadhërishëm me robërit, meqë e ka bërë obligim mirësinë në çdo gjë.
  3. Allahut të Lartmadhërishëm i përket urdhri dhe tek Ai kthehet vendimi, bazuar në fjalën profetike: "Me të vërtetë, Allahu ka urdhëruar mirësinë në çdo çështje." Urdhërimi i Allahut të Lartësuar ndahet në dy lloje: urdhërim krijues dhe urdhërim fetar.
  4. Mirësia është gjithëpërfshirëse në çdo gjë, pra, çdo gjë në të cilën është e mundur mirësia, bazuar në fjalën profetike: "Me të vërtetë, Allahu ka urdhëruar mirësinë në çdo çështje."
  5. Mësimi i mirë i Profetit ﷺ duke sjellë shembuj; sepse shembujt afrojnë kuptimet, bazuar në thënien profetike: "kur të vrisni...", "kur të therni".
  6. Obligueshmëria që vrasja të jetë në formën më të mirë, sepse ky është një përshkrim i formës, jo i veprimit.
  7. Mirësia gjatë therjes se kafshës. Pra, ta therim atë në mënyrë legjitime.
  8. Ndalimi i torturimit të kafshës, si: marrja e saj si shënjestër, lënia e saj që ta marrë uria dhe mbyllja e saj pa ushqim e pije.
  9. Përsosuria e këtij sheriati (ligji islam) dhe se ai i përfshin të gjitha të mirat, duke përfshirë këtu mëshirën dhe butësinë ndaj kafshëve.
Kategoritë
Më shumë
عربي English Français Español Türkçe اردو Indonesia Bosanski Русский বাংলা ভাষা 中文 فارسی Tagalog हिन्दी Tiếng Việt සිංහල ئۇيغۇرچە كوردی Hausa Português മലയാളം తెలుగు Kiswahili தமிழ் ဗမာ Deutsch 日本語 پښتو অসমীয়া دری