حدیث: الله په هر شي باندې نیکي کول لیکلي دي، نو کله مو چې وژل کول، په ښه توګه یې ووژنئ، او کله مو چې حلاله کوله، په ښه توګه حلاله وکړئ، او ستاسو څخه یو څوک باید خپل چوړکۍ تیره کړي او خپله قرباني دې راحت کړي.

عن شداد بن أوس رضي الله عنه مرفوعًا:« إن الله كتب الإحسانَ على كل شيء، فإذا قتلتم فأحسِنوا القِتلةَ وإذا ذبحتم فأحسِنوا الذِّبحة، وليحد أحدُكم شَفْرَتَه ولْيُرِحْ ذبيحتَهُ».
[صحيح] - [رواه مسلم]

له شداد بن أوس - رضي الله عنه - څخه مرفوع روایت دی چې : «الله په هر شي باندې نیکي کول لیکلي دي، نو کله مو چې وژل کول، په ښه توګه یې ووژنئ، او کله مو چې حلاله کوله، په ښه توګه حلاله وکړئ، او ستاسو څخه یو څوک باید خپل تیغ تیز کړي او خپله قرباني دې راحت کړي».
صحيح - مسلم روايت کړی دی

تشریح

مسلمان ته په کار دي چې په نيت او سلوکو کې مهربانه وي او په اطاعت او عبادت کې مهربانه وي او په خپل کار او کسب کې مهربانه وي او له انسانانو او څارویو سره مهربانه وي. آن پر بې روحه هم مهربانه وي، په دې کې شک نشته چې د څاروي حلالوونکی یې په حلالولو سره دردوي، او چاره هم نشته چې حلال یې نه کړي، ځکه ګټه ترې پورته کوي، نو له دې څخه مراد د انسان په نفس کې د رحمت، شفقت، زړه سوي او مهربانۍ روزنه ده، تر څو له دې اخلاقو څخه بې پروا نه شي که څه هم په حقه ذبح کوونکی یا وژونکی وي، او پدې کې پاملرنه ده دې ته چې که چیرته نیکي کول په وژلو او حلالولو کې مطلوب وي نو په نورو کارونو کې یې په غوښتلو زیات او سخت ټینګار شوی دی، او له نیکۍ څخه - د حلالې پر مهال - د چاقو تېزول دي تر څو څاروی راحت شي.