که یو سړی د خپل ورور سره مینه ولري، نو هغه دې خبر کړي چې مینه ورسره لري. الله تعالی دې په هغه سړي رحم وکړي چې رویه یې نیکه وي کله چې څه خرڅوي، یا یې اخلی او یا څه غواړي. یو سړی و چې خلکو ته به یې قرض ورکاوه، او خپل سړي ته به یې وییل: کله چې د قرض دار پسې ورغلې او څه یې نه درلودل نو ورته ترې تېر شه، کیدای شي الله تعالی مونږ ته - زمونږ له ګناهونو - راتېر شي، نو - دا سړی - چې کله د الله تعالی سره مخ شو، الله تعالی ورته - له ګناهونو څخه تېر شو (بخښنه یې ورته وکړه). یو سړي رسول الله ﷺ ته وویل: ماته نصیحت وکړه، هغه وویل: مه غوسه کیږه، څو څو ځلې یې تکرار کړه، ویې ویل: مه غوسه کیږه. عدل کوونکي به د الله په وړاندې د رڼا په منبرونو وي: هغوی چې په قضاوت کې یې عدل وي، او په خپلو کورنیو کې او په هغوی کې چې دوی پرې ولایت لري له نیکیو څخه هیڅ سپک مه ګڼه، که څه هم له خپل ورور سره په ورین مخ؛ مخامخ شې. تکړه سړی په غیږه نیولو کې چپه کوونکی نه دی، بلکې تکړه سړی هغه دی چې د غصې پر مهال خپل ځان کنټرول کړي. څوک چي د نيكې لارې لارښوونه وكړي، نو هغه ته د عمل کوونکي په څېر اجر ورکول کیږي. څوک چې په الله او د آخرت په ورځ ایمان ولري، هغه دې ښې خبرې وکړي او یا دې چوپ پاتې شي، او څوک چې په الله او د آخرت په ورځ ایمان ولري، هغه دې د ګاونډي عزت وکړي، او څوک چې په الله او د آخرت په ورځ ایمان ولري هغه دې د میلمه عزت وکړي. څوګ چې په خلکو رحم نه کوي الله به پرې رحم ونه کړي. تر ټولو زیات هغه څه چې - انسان - جنت ته ننباسي، د الله تعالی ویره او غوره اخلاق دي. حیاء له ایمان څخه ده چا چې د خپل مسلمان ورور څخه -د هغه په نه شتون کې- دفاع وکړه، الله به یې د قیامت په ورځ له مخ څخه اور وګرځوي. الله تعالی پرهیزګاره، بډایه، او پټ بنده خوښوي تر ټولو د بشپړ ایمان لرونکي مؤمنان هغه دي چې تر ټولو غوره اخلاق ولري، او غوره ستاسو هغه څوک دي چې خپلو مېرمنو ته یې غوره وي. مهربانی په هیڅ شی کی نه وي مګر دا چی هغه ښکلی کوی او له هیڅ شی څخه نه لیرې کیږي مګر دا چی هغه سپکوي. مؤمن په خپلو نېکو اخلاقو سره د روژه دار او لمونځ کوونکي درجه او ثواب لاندې کوي. بیشکه تاسو کې غوره هغه څوک دی چې ښه أخلاق ولري. اساني وکړئ او سختي مه کوئ، زیری ورکړی او د - خلکو زړونه - مه توروئ. په رحم کوونکو - انسانانو - رحم کوونکی - ذات - رحم کوي، تاسو دځمکې په خلکو رحم وکړئ، نو په اسمان کې - ذات - به پر تاسو رحم وکړي. د قيامت په ورځ د مؤمن په ترازو کې له ښو اخلاقو څخه بل څه دروند نه نشته، او یقینا چې الله جل جلاله له فاحش او بې حيا څخه نفرت کوي مسلمان هغه څوک دی چې نور مسلمانان يې د ژبې او لاس له ضرر څخه په امان کې وي او مهاجر هغه څوک دی چې هغه څه پریږدي چې الله پاک ورڅخه منعه کړی وي