عن سعد بن أبي وقاص –رضي الله عنه- مرفوعاً: "إنَّ اللهَ يُحبُّ العَبدَ التقيَّ الغنيَّ الخفيَّ".
[صحيح] - [رواه مسلم]
المزيــد ...

سعد بن ابی وقاص رضی اللہ عنہ سے روایت ہے کہ رسول اللہ ﷺ نے فرمایا: ”بے شک اللہ تعالی اس بندے سے محبت رکھتا ہے جو متقی (پرہیزگار)، مخلوق سے بے نیاز اور پوشیدہ حال ہو“۔
صحیح - اسے امام مسلم نے روایت کیا ہے۔

شرح

نبى كريم ﷺ نے اس آدمی کی صفت بیان کی ہے جسے اللہ تعالی محبوب رکھتا ہے۔ آپ ﷺ نے فرمایا: ’’بے شک اللہ تعالیٰ متقی، بے نیاز اور پوشیدہ حال بندے سے محبت رکھتا ہے۔‘‘ متقی: وہ شخص ہے جو اللہ تعالی سے ڈرتا ہے چنانچہ اس کے احکامات کو بجا لاتا ہے اور اس کی ممانعتوں سے پرہیز کرتاہے، فرائض کی ادائيگی کرتا ہے اور حرام امور سے گریز کرتا ہے۔ اس کے ساتھ ہی اس کی ایک صفت یہ بھی ہے کہ وہ غنی و بے نیاز ہے۔ وہ اپنے دل کے ساتھ لوگوں سے بے نیاز ہوتا ہے، اور اللہ عزوجل کی ذات کے ساتھ اس کے ماسوا سے بے نیاز ہوتا ہے۔ نہ تو وہ لوگوں سے کچھ مانگتا ہے اور نہ لوگوں کے سامنے لجاجت کرتا ہے۔ بلکہ وہ لوگوں سے بے نیاز ہوتا ہے، اس کا رب اس کے لئے کافی ہوتا ہے, وه اس کے علاوہ کسی اور کی طرف متوجہ نہيں ہوتا ہے۔ نیز وہ پوشیدہ و گمنام ہوتا ہے، اپنے آپ کو ظاہر نہیں کرتا ہے اور نہ ہی اسے اس بات کی فکر ہوتی ہے کہ لوگوں کے سامنے وہ ظاہر ہو یا پھر انگليوں سے اس کی طرف اشارہ کیا جائے یا لوگ اس کے بارے باتیں کریں۔

ترجمہ: انگریزی زبان فرانسیسی زبان اسپینی ترکی زبان انڈونیشیائی زبان بوسنیائی زبان روسی زبان بنگالی زبان چینی زبان فارسی زبان تجالوج ہندوستانی ویتنامی سنہالی ایغور کردی ہاؤسا پرتگالی مليالم تلگو سواحلی تمل بورمی تھائی جرمنی جاپانی پشتو آسامی الباني السويدية الأمهرية
ترجمہ دیکھیں

حدیث کے کچھ فوائد

  1. فتنہ اور لوگوں کے بگڑ جانے کے وقت اللہ کی اطاعت کو لازم پکڑنے کے ساتھ لوگوں سے علاحدگی اختیار کرنے کی فضیلت۔
  2. ان صفات کا بیان، جن سے بندوں کو اللہ کی محبت حاصل ہوتی ہے۔ یہ صفات ہیں، تقویٰ، تواضع اور اللہ کی دی ہوئی چیزوں سے مطمئن ہونا۔
  3. اللہ تعالیٰ کے لیے صفت محبت کا اثبات، جو اس کی شایان شان ہے۔ ساتھ ہی اس کا اپنے فرماں بردار بندوں سے محبت کرنا۔
مزید ۔ ۔ ۔