ਗੱਲ ਜਾਂ ਬਾਤਾਂ: ਬੇਸ਼ੱਕ ਅੱਲਾਹ ਉਸ ਬੰਦੇ ਨੂੰ ਪਿਆਰ ਕਰਦਾ ਹੈ ਜੋ ਪਰਹੇਜ਼ਗਾਰ, ਦਿਲ ਦਾ ਧਨੀ ਅਤੇ ਨਿਮਰਤਾ ਨਾਲ ਲੁਕ ਕੇ ਰਹਿਣ ਵਾਲਾ ਹੋਵੇ।

عن سعد بن أبي وقاص رضي الله عنه قال: سمعت رسول الله صلى الله عليه وسلم يقول:
«إِنَّ اللهَ يُحِبُّ الْعَبْدَ التَّقِيَّ الْغَنِيَّ الْخَفِيَّ».
[صحيح] - [رواه مسلم] - [صحيح مسلم: 2965]

ਸਾਅਦ ਬਿਨ ਅਬੀ ਵੱਕਾਸ (ਰਜ਼ੀਅੱਲਾਹੁ ਅਨਹੁ) ਤੋਂ ਰਿਵਾਇਤ ਹੈ, ਉਹ ਕਹਿੰਦੇ ਹਨ ਕਿ ਮੈਂ ਰਸੂਲੁੱਲਾਹ ﷺ ਨੂੰ ਇਹ ਕਹਿੰਦੇ ਹੋਏ ਸੁਣਿਆ:
"ਬੇਸ਼ੱਕ ਅੱਲਾਹ ਉਸ ਬੰਦੇ ਨੂੰ ਪਿਆਰ ਕਰਦਾ ਹੈ ਜੋ ਪਰਹੇਜ਼ਗਾਰ, ਦਿਲ ਦਾ ਧਨੀ ਅਤੇ ਨਿਮਰਤਾ ਨਾਲ ਲੁਕ ਕੇ ਰਹਿਣ ਵਾਲਾ ਹੋਵੇ।"
[صحيح] - [رواه مسلم] - [صحيح مسلم - 2965]

ਵਿਆਖਿਆ

ਅੱਲਾਹ ਦੇ ਨਬੀ ﷺ ਨੇ ਦੱਸਦੇ ਹਨ ਕਿ ਸਰਬਸ਼ਕਤੀਮਾਨ ਤੇ ਮਹਾਨ ਅੱਲਾਹ ਆਪਣੇ ਕੁੱਝ ਬੰਦਿਆਂ ਨਾਲ ਮੁਹੱਬਤ ਕਰਦਾ ਹੈ।
ਉਨ੍ਹਾਂ (ਅੱਲਾਹ ਦੇ ਪਿਆਰੇ ਬੰਦਿਆਂ) ਵਿੱਚੋਂ ਇੱਕ "ਪਰਹੇਜ਼ਗਾਰ" (ਮੁਤੱਕੀ) ਹੈ: ਭਾਵ ਜੋ ਅੱਲਾਹ ਦੇ ਹੁਕਮਾਂ ਦਾ ਪਾਲਣ ਕਰਦਾ ਹੈ ਅਤੇ ਉਸ ਦੀਆਂ ਮਨਾਹ ਕੀਤੀਆਂ ਚੀਜ਼ਾਂ ਤੋਂ ਬਚਦਾ ਹੈ।
ਅਤੇ ਅੱਲਾਹ ਉਸ ਬੇਨਿਆਜ਼ (ਦਿਲ ਦੇ ਧਨੀ) ਬੰਦੇ ਨਾਲ ਮੁਹੱਬਤ ਕਰਦਾ ਹੈ: ਜੋ ਲੋਕਾਂ ਤੋਂ ਬੇਨਿਆਜ਼ ਰਹਿੰਦਾ ਹੈ ਤੇ ਸਿਰਫ਼ ਅੱਲਾਹ 'ਤੇ ਹੀ ਭਰੋਸਾ ਰੱਖਦਾ ਹੈ, ਉਸਤੋਂ ਇਲਾਵਾ ਕਿਸੇ ਹੋਰ ਵੱਲ ਧਿਆਨ ਨਹੀਂ ਕਰਦਾ।
ਅੱਲਾਹ ਆਪਣੇ ਉਸ ਗੁਮਨਾਮ ਬੰਦੇ ਨਾਲ ਵੀ ਮੁਹੱਬਤ ਕਰਦਾ ਹੈ: ਜੋ ਸਧਾਰਨ ਤੇ ਨਿਮਰ ਹੋਵੇ, ਆਪਣੇ ਰੱਬ ਦੀ ਇਬਾਦਤ ਵਿੱਚ ਰੁਝਿਆ ਰਹਿੰਦਾ ਹੋਵੇ, ਆਪਣੇ ਦੀਨ ਤੇ ਦੁਨੀਆ ਦੇ ਲਾਭਦਾਇਕ ਕੰਮਾਂ ਵਿੱਚ ਲਗਿਆ ਰਹਿੰਦਾ ਹੋਵੇ, ਅਤੇ ਜਿਸ ਨੂੰ ਕੋਈ ਫ਼ਰਕ ਨਾ ਪਵੇ ਕਿ ਕੋਈ ਉਸ ਨੂੰ ਜਾਣੇ ਜਾਂ ਉਸ ਦੀ ਤਾਰੀਫ਼ ਕਰੇ।

ਹਦੀਸ ਦੇ ਫਾਇਦੇ ਵਿੱਚੋਂ

1. ਕੁੱਝ ਅਜਿਹੇ ਗੁਣਾਂ ਦਾ ਬਿਆਨ, ਜਿਨ੍ਹਾਂ ਰਾਹੀਂ ਬੰਦੇ ਨੂੰ ਅੱਲਾਹ ਦੀ ਮੁਹੱਬਤ ਹਾਸਲ ਹੁੰਦੀ ਹੈ। ਇਹ ਗੁਣ ਹਨ, ਤਕਵਾ (ਅੱਲਾਹ ਦਾ ਡਰ), ਨਿਮਰਤਾ ਅਤੇ ਅੱਲਾਹ ਦੀ ਦਿੱਤੀ ਹੋਈ ਚੀਜ਼ ਤੇ ਰਾਜ਼ੀ ਤੇ ਸੰਤੁਸ਼ਟ ਰਹਿਣਾ।