ஹதீஸ்: இறை பக்தியுள்ள, தன்னிறைவுடன், ஒதுங்கி இருக்கும் அடியானை நிச்சயமாக அல்லாஹ் நேசிக்கின்றான்.
عن سعد بن أبي وقاص –رضي الله عنه- مرفوعاً: "إنَّ اللهَ يُحبُّ العَبدَ التقيَّ الغنيَّ الخفيَّ".
[صحيح] - [رواه مسلم]
المزيــد ...
நபி (ஸல்) அவர்கள் கூறியதாக ஸஃத் பின் அபீ வக்காஸ் (ரலி) கூறுகின்றார்கள் : "இறை பக்தியுள்ள, தன்னிறைவுடன், ஒதுங்கி இருக்கும் அடியானை நிச்சயமாக அல்லாஹ் நேசிக்கின்றான்".
ஸஹீஹானது-சரியானது - இதனை முஸ்லிம் பதிவு செய்துள்ளார்
அல்லாஹ் தான் நேசிக்கும் அடியானின் பண்புகள் எப்படிப்பட்டவை என்பது பற்றித் தெளிவு படுத்தும் போது நபியவர்கள் "இறை பக்தியுள்ள, தன்னிறைவுடன், ஒதுங்கி இருக்கும் அடியானை நிச்சயமாக அல்லாஹ் நேசிக்கின்றான்" என்று குறிப்பிட்டார்கள். அல்லாஹ்வின் ஏவல்களை எடுத்தும், விலக்கல்களைத் தவிர்ந்தும் கொள்வதன் மூலம் அவனை அஞ்சுபவரே இறை பக்தியுள்ளவன் ஆவார். மேலும் அவர் கடமையான விடயங்களை நிறைவேற்றியும், ஹராமான காரியங்களை தவிர்ந்தும் கொள்வான். மேலும் அவன் மனிதர்களை விட்டும் தேவையற்ற, தன்னிறைவுள்ளவனாகவும், அல்லாஹ்வின் பக்கம் மாத்திரமே தேவை உள்ளவனாகவும் இருப்பான். ஆகையால் அவன் மனிதர்களிடம் எதனையும் யாசிக்க மாட்டான். மேலும் தனது வறுமை நிலையை மனிதர்களிடம் காட்டிக் கொள்ளவும் மாட்டான். இவ்வாறு அவன் மனிதர்களின் பக்கம் திரும்பிப் பார்க்காமல், அவர்களை விட்டும் தேவையற்றவனாகவும், அல்லாஹ்வின் பக்கம் மாத்திரமே தேவை கொண்டவனாகவும் இருப்பான். மேலும் மக்களுக்கு மத்தியில் தன்னை வெளிக்காட்டிக் கொள்ளவோ, பிறர் தன்னை விசேடமாக சுட்டிக்காட்டுதல், மக்கள் தன்னைப் பற்றிப் பேசுமளவு பிரபலத்தை விரும்பாமல் ஒதுங்கியிருப்பதும் அவருடைய பண்பாகும்.
ஹதீஸிலிருந்து பெறப்பட்ட சில பயன்கள்
- குழப்ப நிலை, மக்களின் மோசமான நிலை என்பவற்றை அஞ்சும் போது அல்லாஹ்வுக்குக் கட்டுப்படுவதுடன் மக்களை விட்டும் ஒதுங்கியிருப்பது சிறந்தது.
- அல்லாஹ் தனது அடியார்களை நேசிக்கத் தேவையான பண்புகள் தெளிவுபடுத்தப்பட்டுள்ளன. இறையச்சம், பணிவு, அல்லாஹ் தனக்கு அளந்ததைத் தன்னிறைவுடன் ஏற்றல் ஆகியனவே அப்பண்புகளாகும்.
- அல்லாஹ்வின் தகுதிக்கேற்ப நேசம் எனும் பண்பு அவனுக்குண்டு, அவன் தன்னை வழிப்படும் அடியானை நேசிக்கின்றான்.
பிரிவுகள்
மேலதிக விபரங்களுக்கு
- ஹதீஸ்: தனது சகோதரனை ஒருவர் நேசித்தால் அதனை அவரிடம் அறிவிக்கட்டும்
- ஹதீஸ்: ஐவேளை தொழுகை, ஒரு ஜும்ஆவிலிருந்து மறு ஜும்ஆ வரை, ஒரு ரமழான் முதல் அடுத்த ரமழான் வரை பெரும் பாவங்களைத் தவிர்ந்து கொள்ளும் பட்சத்தில் அவற்றுக்கிடையிலுள்ள சிறுபாவங்களுக்கு குற்றப்பரிகாரமாக அமைந்து விடுகிறது.
- ஹதீஸ்: விற்றாலும் வாங்கினாலும் கடனை நிறைவேற்றினாலும் மென்மையாக நடந்து கொள்ளும் ஓர் அடியானுக்கு அல்லாஹ் அருள்பாலிப்பானாக.
- ஹதீஸ்: ஒரு மனிதர் மற்ற மனிதர்களுக்கு கடன் கொடுத்துக் கொண்டிருந்தார். தனது வேலையாளுக்கு அவர் உன்னிடம் கஷ்டப்பட்டவர்கள் எவரேனும் வந்தால் அவருக்கு விட்டுக் கொடுப்பாயாக என்றும் (அவ்வாறு செய்வதன் மூலம்) அல்லாஹ் நம்மையும் விட்டுக் கொடுப்பான் என்று கூறி வைத்தார்.(அவர் வபாத்தாகி) அல்லாஹ்வை சந்தித்தார், அல்லாஹ்வும் அவரை (மன்னித்து) விட்டுவிட்டான்.
- ஹதீஸ்: நபி (ஸல்) அவர்களிடம் 'எனக்கு நல்லுபதேசம் செய்யுங்கள்’ என ஒரு மனிதர் கூறினார். நபியவர்கள், 'நீர் கோபப்படாதீர்” என பதிலளித்தார்கள். அம்மனிதர் மீண்டும், மீண்டும் கேட்டார். நபி (ஸல்) அவர்கள் 'நீர் கோபப்படாதீர்” என்றே கூறினார்கள்.
- ஹதீஸ்: நிச்சயமாக தன் குடும்பத்திலும் ஆட்சியிலும் அவர்கள் அதிகாரம் பெற்றவைகளிலும் நீதமாக நடக்கக் கூடியவர்கள் அல்லாஹ்விடமுள்ள ஒளியிலான மேடைகளில் இருப்பார்கள்.
- ஹதீஸ்: மனிதர்கள் சிலர் அல்லாஹ்வின் செல்வத்தை நியாயமாகப் பங்கிடாமல் (அநியாயமாகப் பங்கீடு செய்து) கையாள்கிறார்கள். அவர்களுக்கு மறுமை நாளில் நரகமே உரியதாகும்.