عن سعد بن أبي وقاص –رضي الله عنه- مرفوعاً: "إنَّ اللهَ يُحبُّ العَبدَ التقيَّ الغنيَّ الخفيَّ".
[صحيح] - [رواه مسلم]
المزيــد ...
لە سەعدی کوڕی ئەبی وەقاسەوە -ڕەزای خوای لێبێت- کە پێغەمبەر -صلى اللە علیە وسلم- دەفەرموێت: «خوای گەورە بەندەی تەقواکار ونەفس دەوڵەمەند وخۆ دەرنەخەری خۆش دەوێت».
صەحیحە - موسلیم گێڕاویەتیەوە
پێغەمبەر -صلى اللە علیە وسلم- باسی سیفەتەکانى ئەو کەسە دەکات کە خوای گەورە خۆشی دەوێت، فەرمووی: «خوای گەورە بەندەی تەقواکار ونەفس دەوڵەمەند وخۆ دەرنەخەری خۆش دەوێت». تەقواکار: ئەوەیە کە تەقوای خودا دەکات وفەرمانەکان جێبەجێ دەکات وخۆی بە دوور دەگرێت لە نەهی لێکراوەکان، بۆیە فەرزەکان جێبەجێدەکات وخۆی لە حەرامکراوەکان دەپارێزێت، نەفس دەوڵەمەند: واتە نەفسی خۆی دەوڵەمەند کردووە بەوەی کە پرسیار وداوا لە خەڵکی ناکات وخۆی دەوڵەمەند کردووە بە پشت بەستن بە خوای گەورە وداوای هیچ شتێک لە خەڵکی ناکات بە شێوەیەک کە خۆی زەلیل بکات، خۆ دەرنەخەر: مەبەست ئەوەیە خۆی دەرناخات وگرنگ نییە بە لایەوە کە لای خەڵکی دەربکەوێت وناوبانگی هەبێت وئاماژەی بۆ بکرێت وخەڵکی سەبارەت بە ئەو قسە بکەن.