Pagpapanibago: Tunay na si Allah ay nagmamahal sa aliping nangingilag magkasala, nagkakasya, naglilingid

عن سعد بن أبي وقاص –رضي الله عنه- مرفوعاً: "إنَّ اللهَ يُحبُّ العَبدَ التقيَّ الغنيَّ الخفيَّ".
[صحيح] - [رواه مسلم]

Ayon kay Sa`d bin Abī Waqqāṣ, malugod si Allah sa kanya: "Tunay na si Allah ay nagmamahal sa aliping nangingilag magkasala, nagkakasya, naglilingid."
Tumpak. - Nagsalaysay nito si Imām Muslim.

Ang pagpapaliwanag

Nilinaw ng Propeta, sumakanya ang pagpapala at ang pangangalaga, ang katangian ng taong minamahal ni Allah, kamahal-mahalan Siya at kapita-pitagan. Sinabi niya: "Tunay na si Allah ay nagmamahal sa aliping nangingilag magkasala, nagkakasya, naglilingid." Ang nangingilag magkasala ay ang nangingilag magkasala kay Allah, kamahal-mahalan Siya at kapita-pitagan, kaya naman isinasagawa nito ang mga utos Niya at iniiwasan ang mga sinasaway Niya, kaya naman isinasagawa nito ang mga tungkulin at iniiwasan ang mga ipinagbabawal. Ito, sa kabila niyon, ay inilarawang nagkakasya: nasisiyahan ito sa sarili nito sa halip na sa ibang mga tao dahil sa pagkasiya nito kay Allah, kamahal-mahalan Siya at kapita-pitagan, sa halip na sa iba pa sa Kanya. Hindi ito humihingi sa mga tao ng anuman at hindi ito dumudulog sa mga tao na nagpapakaaba, bagkus siya ay nagkakasya [sa sarili] sa halip na sa mga tao, nasisiyahan sa Panginoon nito: hindi bumabaling sa iba pa sa Kanya. Ito ay naglilingid: hindi nagtatanghal ng sarili nito at hindi nagpapahalaga na matanghal sa mga tao o mapansin o mapag-usapan ng mga tao. Matatagpuan mo ito mula sa bahay nito patungo sa masjid, at mula sa masjid nito patungo sa bahay nito, at mula sa bahay nito patungo sa mga kaanak nito at mga kapatid nito.