عن أبي هريرة رضي الله عنه : أن رجلًا قال للنبي -صلى الله عليه وآله وسلم-: أوصني، قال لا تَغْضَبْ فردَّدَ مِرارًا، قال لا تَغْضَبْ».
[صحيح] - [رواه البخاري]
المزيــد ...

ئەم وەرگێڕاوە پێویستی بە پێداچوونەوە و وردبوونەوەی زیاتر هەیە.

لە ئەبی هورەیرەوە -ڕەزای خوای لێبێت- دەڵێت: پیاوێک لە پێغەمبەر -صلى اللە علیە وسلم- ی ووت: وەسیەت وئامۆژگاریم بکە، ئەویش -صلى اللە علیە وسلم- فەرمووی: «توڕە مەبە»، پیاوەکە چەند جار هەر ئەو قسەی دووبارە کردەوە، پێغەمبەر -صلى اللە علیە وسلم- یش هەر دەیفەرموو: «توڕە مەبە».
صەحیحە - بوخاری گێڕاویەتیەوە

شیکردنەوە

یەکێک لە هاوەڵان -ڕەزای خوای لێبێت- داوای لە پێغەمبەر -صلى اللە علیە وسلم- کرد کە فەرمانی شتێکی پێبکات کە سوودی پێدەگەیەنێت لە دونیا وئاخیرەتدا، وپێغەمبەر -صلى اللە علیە وسلم- فەرمانی پێکرد کە توڕە نەبێت، لە ئامۆژگاریەکەیدا فەرمووی: (توڕە مەبە) چونکە ئەمە دەبێتە هۆی لابردنی شەڕێکی زۆر لە سەر مرۆڤ.

وه‌رگێڕانی ماناكان: ئینگلیزی فەڕەنسی ئیسپانی تورکی ئۆردی ئەندەنوسی بۆسنی ڕووسی بەنگالی چینی فارسی تاگالۆگ هیندی سینهالی ئیگۆری هوسا پورتوغالی میلیالیم تلغۆ سه‌واحیلی تامیلی بۆرمی ئه‌ڵمانی یابانی
پیشاندانی وەرگێڕانەکان

سوودەکان

  1. سووربوونی هاوەڵان -ڕەزای خوایان لێبێت- لە سەر ئەو شتانەی کە سوودیان پێدەگەیەنێت، کە دەڵێت: (ئامۆژگاریم بکە).
  2. چارەسەرکردنی هەر نەخۆشێک بە پێی ئەو چارەسەرەی کە بۆی دەگونجێت، پێغەمبەر -صلى اللە علیە وسلم- ئەم پیاوەی تایبەتمەند کرد بەم ئامۆژگارییە چونکە لەوەیە پیاوێکی توڕە بوو بێت.
  3. ئاگادار کردنەوە لە تووڕە بوون چونکە هەموو شەڕێکی لە خۆ گرتووە، وئاگادار کردنەوەی لێی هەموو خێرێک لە خۆ دەگرێت.
  4. فەرمانکردن بە خۆڕاندنەوە بە ڕەوشتە جوانەکان چونکە ئەگەر ئەم ڕەوشتە جوانانە بوونە خوویەک بۆ مرۆڤ ئەوا دەبنە هۆی نەهێشتنی ولادانی توڕەیی وسڕینەوەی هۆکارەکانی توڕەییش، نمونەی هەندێک لە ڕەوشتە جوانەکان کە پێویستە مرۆڤ خۆی پێبڕازێنێتەوە وەکو: بەخشندەیی وسەخی بوون وڕێزداری ونەرم ونیانی ولەسەرخۆیی وهێوری وشەرم وکردن وجگە لەمانە.
  5. لە جوانییەکانی ئاینی ئیسلام ئەوەیە کە نەهی دەکات لە ڕەوشتە خراپەکان.
  6. داواکردنی وەسیەت وئامۆژگاری لە کەسی زانا دروستە.
  7. دروستە داوای وەسیەت وئامۆژگاری زیاتر بکەیت لەو کەسەی ئامۆژگاریت دەکات.
  8. ئاماژەکردنێکی تێدایە بۆ بنچینەی: داخستنی ئەو ڕێگایانەی کە دەبنە خۆی ئەنجامدانی خراپە وتاوان (سد الذرائع).
  9. ئاماژەکردنێکی تێدایە بە یەکێک لە تایبەتمەندییەکانی پێغەمبەر -صلى اللە علیە وسلم- کە ئەویش هەندێک وشەی کەم کە دەیڵێت واتایەکی زۆر دەبەخشێت، (جوامع الکلم)ی پێدەووترێت لە زمانی عەرەبی.
  10. نەهی کردن لە شتێک ئەوا نەهی کردنە لە هۆکارەکانی ئەنجامدانی ئەو شتە، وفەرمانکردنە بەو شتانەی کە یارمەتیدەرن بۆ وازهێنان ودوور بوون لەو شتە نەهی لێکراوە.
زیاتر