නබි වදන: සැබැවින්ම මිනිසෙකු නබි (සල්ලල්ලාහු අලයිහි වසල්ලම්) තුමාණන්හට: ‘මට ඔබ උපදෙස් දෙනු මැනව!’ යැයි පවසා සිටියේය. එතුමා: “ඔබ කෝප නොවනු” කීප වරක් ම ඔහු එසේ විමසා සිටියේය. එවිට ද “ඔබ කෝප නොවනු.” යැයි පැවසූහ.
عن أبي هريرة رضي الله عنه : أن رجلًا قال للنبي -صلى الله عليه وآله وسلم-: أوصني، قال لا تَغْضَبْ فردَّدَ مِرارًا، قال لا تَغْضَبْ».
[صحيح] - [رواه البخاري]
المزيــد ...
අබූ හුරෙයිරා (රළියල්ලාහු අන්හු) තුමා විසින් වාර්තා කරන ලදී. “සැබැවින්ම මිනිසෙකු නබි (සල්ලල්ලාහු අලයිහි වසල්ලම්) තුමාණන්හට: ‘මට ඔබ උපදෙස් දෙනු මැනව!’ යැයි පවසා සිටියේය. එතුමා: “ඔබ කෝප නොවනු” කීප වරක් ම ඔහු එසේ විමසා සිටියේය. එවිට ද “ඔබ කෝප නොවනු.” යැයි පැවසූහ.
පූර්ව සාධක සහිත හදීසයකි. - ඉමාම් බුහාරි එය වාර්තා කර ඇත.
සහාබාවරුන් (රළියල්ලාහු අන්හුම්) අතරින් කෙනෙකු නබි (සල්ලල්ලාහු අලයිහි වසල්ලම්) තුමාගෙන් මෙලොවෙහි මෙන්ම මතුලොවෙහි තමන්ට ප්රයෝජනවත් වන යමක් නියෝග කරන මෙන් ඉල්ලා සිටියේය. එවිට එතුමා කෝප නොවන්නැයි නියෝග කළේය. ‘ඔබ කෝප නොවනු’ යන එතුමාගේ උපදෙස තුළ මිනිසාට ඇතිවන හානි බොහෝමයකට ආරක්ෂාව සැලසෙන්නේය.
හදීසයේ හරය
- ‘මට උපදෙස් දෙනු’ යන ප්රකාශයට අනුව, තමන්ට ප්රයෝජනවත් වන දෑ දැන ගැනීම සඳහා සහාබවරුන් (රළියල්ලාහු අන්හු) සතු උනන්දුව.
- සෑම රෝගියකුටම ඔහුගේ රෝගයට ගැළපෙන පරිදි ප්රතිකාර කිරීම. සැබැවින්ම නබි (සල්ලල්ලාහු අලයිහි වසල්ලම්) තුමාණන් මෙම පුද්ලයාට මෙම විශේෂ උපදෙස පිරිනැමුවේ ඔහු අධික කෝපය ඇත්තෙකු වූ බැවිණි.
- කෝපයෙන් වැළකී සිටීම. සැබැවින්ම එය සියලු නපුරුකම් එකතු කරන්නකි. එයින් වැළකී සිටීම සියලු යහකම් එකතු කරන්නකි.
- දැහැමි ගුණාංගවලින් හැඩ ගැසෙන්නට වූ නියෝගය. ත්යාගශීලීභාවය, පරාර්ථකාමිත්වය, සෙනෙහස, ලැජ්ජාව හා එවන් වෙනත් ගුණාංග මෙන් යම් ගුණාංගයක් මගින් පුද්ගලයකු හැඩ ගැසී එය ඔහුට පුරුද්දක් වූ විට කෝපය සඳහා වූ සාධක ඇති වූ අවස්ථාවක ඔහුගෙන් එය වළක්වාලයි.
- සැබැවින්ම නපුරු ගතිපැවතුම්වලින් වළක්වා තිබීම ඉස්ලාමීය දහමේ අලංකාරයකි.
- තමන්ට උපදෙස් දෙන මෙන් දැනුමැත්තන්ගෙන් පැතීමේ අනුමැතිය.
- අධික ලෙස උපදෙස් පැතීමේ අනුමැතිය.
- නිදහසට කරුණු ඉදිරිපත් කිරීමට බාධා කරන නායකයකුට මෙහි සාධකයක් ඇත.
- සංශිප්ත වදනින් නබි තුමාණන් සුවිශේෂ බවට සාක්ෂියක් එහි ඇත.
- යමක් වැළැක්වීම යනු එයට හේතුවන කරුණු වළක්වාලීම හා එය අතහැර දැමීමට උදව්වන කාරණා සම්බන්ධයෙන් නියෝග කිරීමයි.