නබි වදන: මිනිසෙකු තම සහෝදරයාට ප්‍රේම කරන්නේ නම්, සැබැවින්ම තමන් ඔහුට ප්‍රේම කරන බව දැනුම් දිය යුතුය
عن المِقدام بن معدي كرب رضي الله عنه عن النبي صلى الله عليه وسلم قال:
«إِذَا أَحَبَّ الرَّجُلُ أَخَاهُ فَلْيُخْبِرْهُ أَنَّهُ يُحِبُّهُ».
[صحيح] - [رواه أبو داود والترمذي والنسائي في السنن الكبرى وأحمد] - [سنن أبي داود: 5124]
المزيــد ...
නබි (සල්ලල්ලාහු අලයිහි වසල්ලම්) ප්‍රකාශ කළ බව අල්-මික්දාම් ඉබ්නු මඃදී කරිබ් (රළියල්ලාහු අන්හු) තුමා විසින් වාර්තා කරන ලදී.
"මිනිසෙකු තම සහෝදරයාට ප්‍රේම කරන්නේ නම්, සැබැවින්ම තමන් ඔහුට ප්‍රේම කරන බව දැනුම් දිය යුතුය."
[පූර්ව සාධක සහිත හදීසයකි] - - [سنن أبي داود - 5124]
දේවත්වය විශ්වාස කරන මුඃමින්වරුන් අතර සමබ්න්ධතා ශක්තිමත් කරන, ඔවුන් අතර ආදරය පතුරුවා හරින හේතු සාධක අතරින් එකක් මෙහි දී නබි (සල්ලල්ලාහු අලයිහි වසල්ලම්) තුමාණන් පැහැදිළි කර ඇත. එනම් කිසිවකු තම සහෝදරයාට ආදරය කරන්නේ නම්, තමන් ඔහුට ආදරය කරන බව දන්වා සිටිය යුතු බවය.
හදීසයේ හරය
- උත්තරීතර අල්ලාහ් වෙනුවෙන් පමණක් වන අවංක ආදරයේ මහිමය. එය ලෞකික යහපත වෙනුවෙන් නොවිය යුතුය.
- අල්ලාහ් විෂයයෙහි ආදරය කරනු ලබන්නාට තම ආදරය ගැන දන්වා සිටීම සතුටු දායකය. එය ආදරය හා සෙනෙහස වැඩි කරනු ඇත.
- දේවත්වය විශ්වාස කරන මුඃමින්වරුන් අතර ආදරය පතුරුවාලීම, දේව විශ්වාසයේ සහෝදරත්වය ශක්තිමත් කරන අතර සමාජය බිඳවැටීමෙන් හා බෙදී යාමෙන් ආරක්ෂා කරයි.
ප්‍රවර්ග
අමතර
- නබි වදන: මහා පාපයන්ගෙන් වැළකී සිටින විට, පස්වේල සලාතයත්, ජුමුආ වෙන් ජුමුආවටත්, රමළානයෙන් රමළානයටත් ඒවා අතර සිදුවන දෑ සඳහා ඒවා ප්රතිකර්මයන් වනු ඇත.
- නබි වදන: විකුණන විටත් මිලට ගන්නා විටත් තීන්දු කරන විටත් අවකාශය ලබා දෙන මිනිසාට අල්ලාහ් කරුණා කරත්වා!
- නබි වදන: මිනිසුන් සමග ණය ගනුදෙනු කරන පුද්ගලයෙකු විය. ඔහු තම සේවා දායකයාට ‘ඔබ බංකොලොත් ලෙස පැමිණි විටෙක, ඒ ගැන ඔබ නොසලකා හරින්න. අල්ලාහ් අපට සමාව දෙන්නට පුළුවන’ යැයි පවසමින් සිටියේය. ඔහු අල්ලාහ්ව මුණ ගැසුණේය. ඔහු ඔහුට සමාව දුන්නේය.
- නබි වදන: සැබැවින්ම අල්ලාහ් සියලු කරුණුවලට යහපත ලියා ඇත. එබැවින් නුඹලා මරණ දඬුවම පිරිනමන විට මරණ දඬුවම නිසි ලෙස ඉටු කරන්න. නුඹ සත්ව ගෙල සිඳන විට ගෙල සිඳීම නිසි ලෙස ඉටු කරන්න. තවද නුඹලාගෙන් අයකු තම ආයුධය හොදින් මුවහත් කරත්වා ඔහු ගෙල සිඳිනු ලබන සත්වයා කපා නිදහස් කරත්වා.
- නබි වදන: සැබැවින්ම මිනිසෙකු නබි (සල්ලල්ලාහු අලයිහි වසල්ලම්) තුමාණන්හට: ‘මට ඔබ උපදෙස් දෙනු මැනව!’ යැයි පවසා සිටියේය. එතුමා: “ඔබ කෝප නොවනු” කීප වරක් ම ඔහු එසේ විමසා සිටියේය. එවිට ද “ඔබ කෝප නොවනු.” යැයි පැවසූහ.
- නබි වදන: සැබැවින්ම යුක්තිගරුකයින් අල්ලාහ් අභියස ආලෝකයෙන් යුතු වේදිකාවන් මත සිටිති. ඔවුහු වනාහි ඔවුන්ගේ තීන්දුවලත් ඔවුන්ගේ පවුල් අතරත් ඔවුන් භාරව කටයුතු කළ දෑ තුළත් සාධාරණය ඉටු කරන්නන් වූහ.
- නබි වදන: කේළම යනු කුමක්දැයි ඔබ දන්නෙහු ද? මැනවින් දන්නා අල්ලාහ් හා ඔහුගේ දූතයා බව ඔවුහු පවසා සිටියෝය. එතුමා ‘ඔබේ සහෝදරයා ගැන ඔහු පිළිකුල් කරන දෙයක් ඔබ මෙනෙහි කිරීමයි.’