ஹதீஸ்: தனது சகோதரனை ஒருவர் நேசித்தால் அதனை அவரிடம் அறிவிக்கட்டும்
عن أبي كريمة المقداد بن معد يكرب رضي الله عنه عن النبي صلى الله عليه وسلم قال: «إِذَا أَحَبَّ الرَّجُلُ أَخَاهُ، فَلْيُخْبِرْهُ أَنَّهُ يُحِبُّهُ».
[صحيح] - [رواه أبو داود والترمذي والنسائي في السنن الكبرى وأحمد]
المزيــد ...
நபி (ஸல்) அவர்கள் கூறியதாக அபூ கரீமா மிக்தாத் பின் மஃதீ கரிப் (ரலி) அவர்கள் கூறினார்கள் : "தனது சகோதரனை ஒருவர் நேசித்தால் அவரிடம் தான் நேசிப்பதை அறிவிக்கட்டும்".
[ஸஹீஹானது-சரியானது] - [இதனைத் திர்மிதி பதிவு செய்துள்ளார் - இந்த ஹதீஸை அந்நஸாயி பதிவு செய்துள்ளார் - இந்த ஹதீஸை அபூ தாவூத் பதிவு செய்துள்ளார் - இதனைஅஹ்மத் பதிவு செய்திருக்கிறார்]
அல்லாஹ்விற்காக நேசம் கொள்வது, அதற்கான கூலிகள் பற்றி பல நபிமொழிகள் அறிவித்து, அழைப்பும் விடுத்துள்ளது. இந்நபிமொழி இறைநம்பிக்கையாளர்களுக்கு மத்தியில் நேசம் பரவச் செய்வதுடன் அவர்களது தொடர்பில் பாரிய ஒரு தாக்கத்தை செலுத்தும் ஒரு முக்கிய காரணத்தை சுட்டிக் காட்டுகின்றது. அதுதான் தனது நேசத்தை குறித்த நபரிடம் வெளிப்படையாகவே கூறிவிடுவதாகும். இது சிதைவு மற்றும் வீழ்ச்சிக்கான காரணிகளிலிருந்து சமூக கட்டமைப்பைப் பாதுகாப்பதில் பயனளிக்கிறது. இஸ்லாமிய சமூகத்தின் உறுப்பினர்களிடையே அன்பைப் பரப்புவதன் மூலமும், இஸ்லாமிய சகோதரத்துவத்துடன் சமூகப் பிணைப்பை வலுப்படுத்துவதன் மூலமுமே இது நடக்கிறது. அல்லாஹ்வுக்காக நேசிப்போர் தமது நேசத்தை பரஸ்பரம் வெளிப்படுத்துவது போன்ற காரணிகளை மேற்கொள்வதன் மூலமே இவையனைத்தும் சாத்தியப்படுகின்றன.
ஹதீஸிலிருந்து பெறப்பட்ட சில பயன்கள்
- தனது சகோதரனை அல்லாஹ்வுக்காக நேசிப்பவர் அவரிடம் அதனைச் சொல்லி விடட்டும்.
- இந்த அறிவிப்பின் பயன் என்னவெனில், குறித்த நபர் தன்னை நேசிப்பதாக அறிந்தால் இவர் காட்டிய நேர்வழியில் இவரது உபதேசத்தை ஏற்றுக் கொள்வார், இரகசியமாக இவர் அழைத்த நல்ல விடயங்களைத் தட்டமாட்டார்.
- அன்பும் நேசமும் மேலும் வலுக்க அல்லாஹ்வுக்காக நேசிக்கப்பட்டவரும் தனது நேசத்தை வெளிப்படுத்துவது விரும்பத்தக்கதாகும்.
பிரிவுகள்
மேலதிக விபரங்களுக்கு
- ஹதீஸ்: ஐவேளை தொழுகை, ஒரு ஜும்ஆவிலிருந்து மறு ஜும்ஆ வரை, ஒரு ரமழான் முதல் அடுத்த ரமழான் வரை பெரும் பாவங்களைத் தவிர்ந்து கொள்ளும் பட்சத்தில் அவற்றுக்கிடையிலுள்ள சிறுபாவங்களுக்கு குற்றப்பரிகாரமாக அமைந்து விடுகிறது.
- ஹதீஸ்: விற்றாலும் வாங்கினாலும் கடனை நிறைவேற்றினாலும் மென்மையாக நடந்து கொள்ளும் ஓர் அடியானுக்கு அல்லாஹ் அருள்பாலிப்பானாக.
- ஹதீஸ்: ஒரு மனிதர் மற்ற மனிதர்களுக்கு கடன் கொடுத்துக் கொண்டிருந்தார். தனது வேலையாளுக்கு அவர் உன்னிடம் கஷ்டப்பட்டவர்கள் எவரேனும் வந்தால் அவருக்கு விட்டுக் கொடுப்பாயாக என்றும் (அவ்வாறு செய்வதன் மூலம்) அல்லாஹ் நம்மையும் விட்டுக் கொடுப்பான் என்று கூறி வைத்தார்.(அவர் வபாத்தாகி) அல்லாஹ்வை சந்தித்தார், அல்லாஹ்வும் அவரை (மன்னித்து) விட்டுவிட்டான்.
- ஹதீஸ்: நபி (ஸல்) அவர்களிடம் 'எனக்கு நல்லுபதேசம் செய்யுங்கள்’ என ஒரு மனிதர் கூறினார். நபியவர்கள், 'நீர் கோபப்படாதீர்” என பதிலளித்தார்கள். அம்மனிதர் மீண்டும், மீண்டும் கேட்டார். நபி (ஸல்) அவர்கள் 'நீர் கோபப்படாதீர்” என்றே கூறினார்கள்.
- ஹதீஸ்: நிச்சயமாக தன் குடும்பத்திலும் ஆட்சியிலும் அவர்கள் அதிகாரம் பெற்றவைகளிலும் நீதமாக நடக்கக் கூடியவர்கள் அல்லாஹ்விடமுள்ள ஒளியிலான மேடைகளில் இருப்பார்கள்.
- ஹதீஸ்: "புறம் பேசுதல் என்றால் என்னவென்று உங்களுக்குத் தெரியுமா?" என்று கேட்டார்கள். அதற்கு மக்கள், "அல்லாஹ்வும் அவனுடைய தூதருமே நன்கறிந்தவர்கள்" என்று பதிலளித்தனர். அல்லாஹ்வின் தூதர் (ஸல்) அவர்கள், "நீர் உம்முடைய சகோதரரைப் பற்றி அவர் விரும்பாத ஒன்றைக் கூறுவதாகும்".
- ஹதீஸ்: மனிதர்கள் சிலர் அல்லாஹ்வின் செல்வத்தை நியாயமாகப் பங்கிடாமல் (அநியாயமாகப் பங்கீடு செய்து) கையாள்கிறார்கள். அவர்களுக்கு மறுமை நாளில் நரகமே உரியதாகும்.