हदीस: महिलाहरूको घरमा जानबाट जोगिनुहोस्।" एक अन्सारी व्यक्तिले सोधे, "अल्लाहका रसूल, के तपाई महिलाका पतिका आफन्तको बारेमा यही भन्नुहुन्छ?" नबी (सल्लल्लाहु अलैहि वसल्लम)ले उत्तर दिनुभयो, "महिलाका पतिका आफन्त भनेको मृत्यु हो।

عَنْ عُقْبَةَ بْنِ عَامِرٍ رضي الله عنه أَنَّ رَسُولَ اللَّهِ صَلَّى اللهُ عَلَيْهِ وَسَلَّمَ قَالَ:
«إِيَّاكُمْ وَالدُّخُولَ عَلَى النِّسَاءِ» فَقَالَ رَجُلٌ مِنَ الأَنْصَارِ: يَا رَسُولَ اللَّهِ، أَفَرَأَيْتَ الحَمْوَ؟ قَالَ: «الحَمْوُ المَوْتُ».
[صحيح] - [متفق عليه] - [صحيح البخاري: 5232]

हजरत उक्बा बिन आमिर (रजियल्लाहु अन्हुमा)द्वारा वर्णन छ कि अल्लाहका रसूल(सल्लल्लाहु अलैहि व सल्लम)ले भन्नु भयो :
"महिलाहरूको घरमा जानबाट जोगिनुहोस्।" एक अन्सारी व्यक्तिले सोधे, "अल्लाहका रसूल, के तपाई महिलाका पतिका आफन्तको बारेमा यही भन्नुहुन्छ?" नबी (सल्लल्लाहु अलैहि वसल्लम)ले उत्तर दिनुभयो, "महिलाका पतिका आफन्त भनेको मृत्यु हो।"
[सही] - [मुत्तफकुन अलैहि] - [सही बुखारी - 5232]

व्याख्या

नबी (सल्लल्लाहु अलैहि व सल्लम) ले पराया महिलाहरूसँगको मेलजोलबाट बच्न सचेत गराउनु भएको छ र भन्नु भएको छ: आफूलाई पराया महिलाहरूको घरमा जानआउनबाट जोगाउनु र पराया महिलाहरूलाई पनि आफूनिर आउन नदिनु ।
यो सुनेर एक जना अन्सारीले भने: पति का नातेदारहरू, जस्तै देवर, उसको भतीज, उसको काका र काकाका छोरा र भानिज आदि। अनि यसरी नै ती जससँग विवाह नभएको अवस्थामा उनीहरूका साथ विवाह जायज हुन्थ्यो होला । (को बारेमा तपाईको के विचार छ ? )
नबी सल्लल्लाहु अलैहि वसल्लमले भने: "यसबाट यस्तो डर राख, जस्तो तिमीहरू मृत्युबाट डर राख्छौ!" किनभने नजिकका सम्बन्धी (हामू) संग एकान्तमा हुनु धर्मका लागि फिटना (विनाश) र विनाशको कारण बन्छ। पतिका नजिकका सम्बन्धीहरू, जस्तै उनका भाइहरू, जो उनका पिताहरू र छोराहरू होइनन्, पराई व्यक्तिहरूभन्दा झन् खतरा मानिन्छन्।
किनभने पतिका नजिकका सम्बन्धीले महिलासम्म पुग्न र एकान्तमा बस्न सजिलो पहुँच राख्छन्, जसलाई सामान्यतया नजरअन्दाज गरिन्छ। उनीहरूसँग एकान्तमा रहनु, उनीहरूको पहुँच, र यसमा हुने लापरवाहीले फिटनाको सम्भावना झन् बढी गराउँछ।
यसैले, नजिकका सम्बन्धी संग एकान्तमा हुनु, मृत्युजस्तै घृणास्पद र विनाशकारी ठहर्छ। पराई पुरुषहरू त शंका र सजगता गर्ने विषय हुन्छन्, तर पतिका नजिकका सम्बन्धीहरूलाई सामान्यतः यस मामलामा ध्यान नदिइने भएकाले खतरा झन् गम्भीर हुन्छ।

हदीसका केही फाइदाहरू

1. पराई महिलाहरूको घरमामा प्रवेश गर्न र उनीहरूसँग एकान्तमा बस्न निषेध गरिएको छ, ताकि अनैतिक कार्यको सम्भावनालाई रोक्न सकियोस्।
2. यो आम आदेश हो जसमा पति का भाइ र यस्ता नातेदारहरू पनि सम्मिलित छन् जो महिलाका लागि महरम छैनन् । तर मनाहि प्रवेश एकान्तमा भएको भए मात्रै हो ।
3. सामान्यतः गल्ती हुने स्थानहरूबाट टाढा रहनु, किनभने यसले बुराइमा पर्ने डर रहन्छ।
4. इमाम नववी (रहिमहुल्लाह) भन्नु हुन्छ : भाषा विज्ञहरू यो कुरामा सहमत छन् कि "احماء" ( अह्माअ) भनेका पतिका नातेदार जस्तै उसको बुबा, काका,भाइ, भतिज, काकाका छोराहरू आदी हुन् भने "الأَخْتَانَ" (अख्तान) भनेका श्रीमतीका नातेदारहरू हुन् । जब कि "الأصْهارَ" ( अस्हार) शब्दमा दुवै प्रकारका नातेदारहरू पर्दछन् ।
5. उहाँ(सल्लल्लाहु अलैहि वसल्लम)ले लोग्नेका नातेदारहरूलाई मृत्युसँग तुलना गर्नु भएको छ । इब्ने हजर रहिमहुल्लाह ले भन्नु भएको छ: अरबहरूले अप्रिय चीजलाई काल भन्छन्, तुलनाको कारण यो हो कि यदि पाप भयो भने धर्मको मृत्यु, यदि पापका साथसाथै रज्म(पत्थरले हिर्काउनुपर्ने) भयो भने दुवैको मृत्यु हुनु हो र यदि पाप भएको कारण श्रीमानले श्रीमतीलाई छोडि दियो भने महिलाको सर्वनाश ।