Hadiis: Gũus-y ne pagbã nengẽ kõom», tɩ raoa sẽn yaa Madiin nebã yeele: Wẽnd Tẽn-tʋʋmã, la sã n yaa sɩdã rog-pẽtba? La a yeele: «Ad yẽnda yaa kũum

عَنْ عُقْبَةَ بْنِ عَامِرٍ رضي الله عنه أَنَّ رَسُولَ اللَّهِ صَلَّى اللهُ عَلَيْهِ وَسَلَّمَ قَالَ:
«إِيَّاكُمْ وَالدُّخُولَ عَلَى النِّسَاءِ» فَقَالَ رَجُلٌ مِنَ الأَنْصَارِ: يَا رَسُولَ اللَّهِ، أَفَرَأَيْتَ الحَمْوَ؟ قَالَ: «الحَمْوُ المَوْتُ».
[صحيح] - [متفق عليه] - [صحيح البخاري: 5232]

Yii a ʿƲƙbat ɭbn ʿAamir nengẽ, (Wẽnd yard be a yĩnga), a yeelame: Wẽnd Tẽn-tʋʋma, (Wẽnd pʋʋsg la A tɩlgr be a yĩnga) yeelame:
«Gũus-y ne pagbã nengẽ kõom», tɩ raoa sẽn yaa Madiin nebã yeele: Wẽnd Tẽn-tʋʋmã, la sã n yaa sɩdã rog-pẽtba? La a yeele: «Ad yẽnda yaa kũum».
[Naṣʋn Ṣahɩɩhʋn (Gom-sikdem sẽn manege)] - [B zemsa taab a zugu (A Al-Bʋẖaariy la a Muslim n reeg-a)] - [Ṣahɩɩh Al-Bʋẖaary - 5232]

bilgrã

Nabiyaamã bugsame (Wẽnd pʋʋsg la A tɩlgr be a yĩngɑ) tɩ b ra wa tʋg n gẽdg pagb nins sẽn yaa pʋg zẽmsã ye, la a yeele: gũus-y mense n ra wa kẽed pagbã nengẽ ye la pagbã me gũus-b mens n ra wa kẽed yãmb nengẽ ye.
Tɩ raoa sẽn yaa Madiin nebã yeele: la sã n mik tɩ yaa sɩdã rog-pẽtse, wala sɩdã tão, maa a ma-biiga, maa a saamb-biiga, maa a saambɩb biiga, la a tão poak biiga, la sẽn wõnd bãmbã, sẽn yaa neb tɩ yaa halaal ne pɑgã t'ɑ tõe n fur-ba t'a sã n da ka furi?
Tɩ Nabiyaamã yeele (Wẽnd pʋʋsg la A tɩlgr be a yĩnga): gũus-y wala y sẽn gũusd kũumã! Bala tʋg n lak ne sɩdã rog-pẽtbã, a yaa bũmb sẽn wat ne fɩtna la halkr dĩinã pʋgẽ, bala sɩdã roagdbã sẽn zʋug a ba-rãmbã la a koambã, n sõmb ne gɩdgr n yɩɩd neb nins sẽn zãrã, bɑlɑ tʋg n lak ne sɩdã rog-pẽtã yẽnda sõorã n waoog n yɩɩd tʋg n lak ne nin-zẽngã, la fɩtnã wã sẽn tõe n yɩ yẽ nengẽ yɩɩda nin-zẽnga, lɑ wẽngã tõe n yii yẽ nengẽ n yɩɩd sẽn kelle, fɩtnã wã me yẽ nengẽ, a sẽn tõe n wa yɩɩda ned a to, bala yẽnda tõeeme n ta pagã la a lak ne-a tɩ kɩɩsg ka be ye, n leb n paasde, wat n lebga tɩlae tɩ yel-kãng yɩ, tɩ b ka tõe n gɩdg-a n yi pagã ye, bala nebã minimame n rɩkd yel-kãng tɩ yaa nana, tɩ rao wa tʋg n lak ne a ma-biig paga, maa a saam-biig paga, rẽnd yẽnda a wõnda kũum, a wẽngẽ wã la a sãangẽ wã, lɑ sã n yɑɑ rao sẽn yaa nin-zẽnga, yẽnda b gũusd-a lame t'a ka tõe n maan rẽ ye.

Sẽn be Hɑdiisã yõod-rãmbẽ

1. Gɩdgame tɩ b ra wa tʋg n kẽ pʋg zẽmsã nengẽ ye, la lak ne-ba, tɩ yaa gɩdgr tɩ yoobã masɩɩb ra wa yɩ ye.
2. Wã gũbga nin-zẽmsã sẽn yaa sɩdã yaop la kẽem-rãmba la rog-pẽtse, neb nins sẽn ka pagã roagdb nins sẽn yaa haraam ne-a wã, la yaa tɩlae tɩ b ning b yamẽ tɩ kẽebã yaa kẽeb ning lakr sẽn beẽ wã.
3. Sõmb n zãaga salgrã zĩisẽ, tɩ yaa yεεsgo sẽn na yɩl n ra wa lʋɩ wẽngẽ wã ye.
4. A Limaam An-Nawawy yeelame: goamã minim bãngdbã zemsa taaba tɩ gombi-kãngã, "Ahmaa'ʋ" laarabiimd pʋgẽ, yaa pag sɩd rog-pẽtse, wala a baaba la a saam-bɩba la a tão la a tão biiga la saambɩb biig la sẽn wõnd bãmbã, la sã n yeel tɩ: "aẖtaan" yaa raoa pag rog-pẽtse, la sã n yeel tɩ: "Aṣhaar= reem-rãmbã" kẽeda b yiibã fãa.
5. A wõnega raoa rog-pẽts ne kũum, a ɭbn Hagr yeelame: la Laarab-rãmb sɩfda bũmb b sẽn ka nong tɩ kũum, la wõnesgã tʋgellã yaa dĩinã kũum tɩ Wẽn-kɩɩsg sã n yɩ, n leb n paas ned ning sẽn laka ne pagã, tɩ Wẽnd kɩɩsg sã n zĩnd tɩ na n yɩ lob n kʋ, la pagã me sẽn na n halk ne a sẽn welg n bas a sɩdã tɩ ra-taarã sã n kɩt t'ɑ kao a furã.