हदीस: निस्सन्देह संसार मीठो र रमणीय छ । अल्लाहले तपाईंलाई यसमा एकपछि अर्को गर्दै पठाउनुहुने छ र तपाईंले कसरी व्यवहार गर्नुहुन्छ भनेर हेर्न चाहनुहुन्छ । तसर्थ, संसारबाट टाढा रहनुहोस् र नारीहरूबाट सचेत रहनुहोस्
عَنْ أَبِي سَعِيدٍ الْخُدْرِيِّ رضي الله عنه عَنِ النَّبِيِّ صَلَّى اللهُ عَلَيْهِ وَسَلَّمَ قَالَ:
«إِنَّ الدُّنْيَا حُلْوَةٌ خَضِرَةٌ، وَإِنَّ اللهَ مُسْتَخْلِفُكُمْ فِيهَا، فَيَنْظُرُ كَيْفَ تَعْمَلُونَ، فَاتَّقُوا الدُّنْيَا وَاتَّقُوا النِّسَاءَ، فَإِنَّ أَوَّلَ فِتْنَةِ بَنِي إِسْرَائِيلَ كَانَتْ فِي النِّسَاءِ».
[صحيح] - [رواه مسلم]
المزيــد ...
अबू-सईद अल्-खुदरी (रजियल्लाहु अन्हु) ले वर्णन गरेका छन्, रसूल (सल्लल्लाहु अलैहि वसल्लम) ले भन्नुभएको छ :
"निस्सन्देह संसार मीठो र रमणीय छ । अल्लाहले तपाईंलाई यसमा एकपछि अर्को गर्दै पठाउनुहुने छ र तपाईंले कसरी व्यवहार गर्नुहुन्छ भनेर हेर्न चाहनुहुन्छ । तसर्थ, संसारबाट टाढा रहनुहोस् र नारीहरूबाट सचेत रहनुहोस् । किनकि बनु-इस्राइलको पहिलो परीक्षा र प्रलोभन महिला थियो ।
सही - मुस्लिमले वर्णन गरेका छन्
रसूल (सल्लल्लाहु अलैहि वसल्लम) ले भन्नुभएको छ, संसार स्वादमा मीठो र हेर्नमा रमणीय छ, जसले गर्दा मानिसहरू धोकामा पर्छन्, यसमा फस्छन् र यसलाई आफ्नो सबैभन्दा ठूलो लक्ष्य बनाउँछन् । अल्लाहले हामीलाई यस सांसारिक जीवनमा एकअर्काको उत्तराधिकारी बनाउनुभएको छ, ताकि उहाँले हाम्रा कर्महरू देख्न सकून्? के हामी उहाँको निर्देशन अनुसार जीवन बिताउँछौं वा उहाँका आज्ञाहरूको उल्लङ्घन गर्छौं? त्यसपछि उहाँले भन्नुभयो: यस संसारको सुखसुविधा र चमकबाट होशियार रहनुहोस् । किनभने यसले तपाईंलाई अल्लाहको आज्ञाहरू उल्लङ्घन गर्न र उहाँले निषेध गर्नुभएको कुरामा संलग्न हुन प्रलोभनमा पार्न सक्छ । संसारमा सबैभन्दा धेरै जोगिनै पर्ने फितना (प्रलोभन) हरू मध्ये एक महिलाको प्रलोभन हो । बनी इजरायलको पहिलो फितना (प्रलोभन) महिलाहरूसँग सम्बन्धित थियो ।
हदीसका केही फाइदाहरू
- संसारको बाह्य चमकमा नपर्न र तकवा (इश्-भय) अवलम्बन गर्न प्रोत्साहन ।
- यसमा महिलाको प्रलोभनमा नपर्न चेतावनी दिइएको छ, जस्तै अपरिचित महिलालाई टवल्ल परेर हेर्ने वा तिनीहरूसँग एकान्तमा बस्ने आदि ।
- महिलाको प्रलोभन संसारको सबैभन्दा ठूलो प्रलोभनहरूमध्ये एक हो ।
- हामीले विगतका समुदायहरूबाट पाठ सिक्नुपर्छ, किनभने बानी इजरायलमा जे भयो, अरूलाई पनि हुन सक्छ ।
- महिला प्रलोभनका विभिन्न रूपहरू छन् । श्रीमती हुँदा उसले कहिलेकाहीँ पुरुषलाई उसको शक्तिभन्दा बढी खर्च गर्न बाध्य पार्छिन्, जसलेगर्दा ऊ धार्मिक कार्यलाई त्यागेर जीविकोपार्जनमा अत्यधिक व्यस्त हुन थाल्छ । अपरिचित महिला हुँदा उसले छोटो र अर्धनग्न पोशाकले पर पुरुषलाई आकर्षित गर्छिन्, तिनीहरूसँग घुलमिल हुन्छ, जसले अनैतिक सम्बन्ध र व्यभिचारका विभिन्न ढोकाहरू खोल्छ । तसर्थ, आस्थावानले महिलाको फितनाबाट बचन अल्लाहको शरण लिनुपर्छ र उनीहरूको प्रलोभनबाट टाढा रहनुपर्छ ।
वर्गीकरण
थप
- हदीस: दैनिक पाँच नमाज, र एक शुक्रवारदेखि अर्को शुक्रबार (सम्मको प्रार्थना) र एक रमजानदेखि अर्को रमजान (सम्मको उपवास) ले ती दिनहरु बीच भएका पापहरू लाई मेटाई दिन्छ, यस शर्त साथ कि व्यक्तिले ठूला पापहरूबाट आफूलाई जोगाइ रहोस् ।
- हदीस: निस्सन्देह, अल्लाहको सम्पत्ति दुरुपयोग गर्नेहरुको परिणाम कयामतको दिन नरक हो ।
- हदीस: मृतकलाई गालीगलौज नगर, किनकि उनीहरू अघि पठाएका (असल वा नराम्रा) कर्महरूमा पुगिसकेका छन् ।”
- हदीस: “कुनै व्यक्तिलाई आफ्नो भाइसँग तीन दिनभन्दा बढी कुरा नगर्ननु जायज छैन । दुबै एक अर्कालाई भेट्छन् तर अर्कोतिर मुख फर्काएर फर्कन्छ । दुई मध्ये सबैभन्दा राम्रो त्यो हो जसले सलाममा पहल गर्छ ।
- हदीस: सम्बन्ध तोड्ने व्यक्ति स्वर्गमा प्रवेश गर्नेछैन ।
- हदीस: अल्लाहको नजरमा सबैभन्दा घृणित व्यक्ति त्यो हो जो अत्यन्त झगडालु र सधैं विवादमा रहन्छ ।
- हदीस: जसले आफ्नो भाइको इज्जत र मर्यादाको रक्षा गर्छ, अल्लाहले उसलाई न्यायको दिन नरकको आगोबाट बचाउनुहुनेछ ।