فەرموودە: ((هندی دونیایه یا شرین و ب كهسكاتییە، و خودێ هوین د ناڤدا یێن كرینه جێگرێن ئێكدوو، دا ببینیت كا هوین دێ چ كار كهن، ڤێجا خۆ ژ دونیایێ بپارێزن و خۆ ژ ژنان بپارێزن
عَنْ أَبِي سَعِيدٍ الْخُدْرِيِّ رضي الله عنه عَنِ النَّبِيِّ صَلَّى اللهُ عَلَيْهِ وَسَلَّمَ قَالَ:
«إِنَّ الدُّنْيَا حُلْوَةٌ خَضِرَةٌ، وَإِنَّ اللهَ مُسْتَخْلِفُكُمْ فِيهَا، فَيَنْظُرُ كَيْفَ تَعْمَلُونَ، فَاتَّقُوا الدُّنْيَا وَاتَّقُوا النِّسَاءَ، فَإِنَّ أَوَّلَ فِتْنَةِ بَنِي إِسْرَائِيلَ كَانَتْ فِي النِّسَاءِ».
[صحيح] - [رواه مسلم] - [صحيح مسلم: 2742]
المزيــد ...
ئهبو سهعیدێ خودری (خودێ ژێ ڕازی بیت) دبێژیت: پێغهمبهری (صهلات و سهلامێن خودێ ل سهر بن) گۆت:
((هندی دونیایه یا شرین و ب كهسكاتییە، و خودێ هوین د ناڤدا یێن كرینه جێگرێن ئێكدوو، دا ببینیت كا هوین دێ چ كار كهن، ڤێجا خۆ ژ دونیایێ بپارێزن و خۆ ژ ژنان بپارێزن، چونكی ئێكهم فتنهیا بهنو ئیسرائیلی تێدا كهفتین یا ژنان بوو)).
[صحيح] - [رواه مسلم] - [صحيح مسلم - 2742]
پێغهمبهر (صهلات و سهلامێن خودێ ل سهر بن) دیار دكهت كو دونیا د تامێدا یا شرینه و د دیتنێدا یا جوان و ب كهسكاتییه، ڤێجا مرۆڤ پێ دهێته خاپاندن و خۆ تێدا نوقۆم دكهت و دكهته خهما خۆ یا ژ ههمییان مهزنتر. خودایێ مهزن ژی ئهم د ڤێ ژیانێدا كرینه جێگرێن ئێك، دا ببینیت كا ئهم دێ چ كهین، ئهرێ ئهم دێ گوهدارییا وی كهین یان دێ سهرپێچیێ كهین؟ پاشی گۆت: هشیار بن بلا خۆشی و خهمل و جوانییا دونیایێ ههوه نهخاپینیت، دا نهبیته ئهگهرێ هندێ هوین فهرمانێن خودێ بهێلن و بكهڤنه د ناڤ وان تشتاندا یێن وی هوین ژێ داینه پاش. ژ مهزنترین تشتێن پێدڤییه مرۆڤ خۆ ژێ بپارێزیت ژ فتنهیێن دونیایێ؛ فتنهیا ژنایه و ئهو ئێكهمین فتنه بوو بهنو ئیسرائیلی كهڤتینه تێدا.
لە سوودەکانی فەرموودەکە
- هاندان ل سهر پارێزگاری و تهقوایێ و مژویل نهبوون ب سهرڤههی و خهمل و جوانییا دونیایێ.
- هشیاربوون ژ كهڤتنا د ناڤ فتنهیا ژناندا، چ ب سهحكرنێ بیت یان ب كێمڤهگرتنێ بیت بۆ بابهتێ تێكهلبوونا وان د گهل زهلامێن بیانی، یان ههر تشتهكێ دی.
- فتنهیا ژنان ژ مهزنترین فتنهیێن دونیایێنه.
- وهرگرتنا پهند و عیبرهتان ژ مللهتێن بوری، چونكی ئهو تشتێ ب سهر بهنو ئیسرائیلییاندا هاتی، نه دویره ب سهر یێن دی ژیدا بهێت.
- فتنهیا ژنان ئهگهر ئهڤ ژنه ههڤژینا مرۆڤی بیت؛ دبیت داخوازا هند مهزاختنێ ژ زهلامێ خۆ بكهت كو ئهوی شیانێن وێ نهبن، ڤێجا وی ژ كاروبارێن ئایینێ وی مژویل بكهت و بهرهڤ كۆمكرنا مالێ دونیایێڤه ببهت، و ئهگهر ژنهكا بیانی بیت؛ فتنهیا وێ ب هندێیه زهلامان بهرهڤ لادان و سهرداچوونێ ببهت ئهگهر دهركهڤتن و تێكهلی زهلامان بوون، نهخاسمه ئهگهر ئهو ژن بن یێن خۆ بێستاره و ڕویس دكهن، و ئهڤه دبیت سهربكێشیته كهڤتنا د ناڤ زینایێ ژیدا ب ههمی پلهیێن وێڤه، لهوا یا فهره ل سهر باوهرداری خۆ ب خودێ بپارێزیت و دهست ب وهریسێ ویڤه بگریت و دوعا بكهت دا وی ژ فتنهیا وان ڕزگار بكهت.
پۆلێنکردنەکان
زیاتر
- فەرموودە: ((ههر پێنج نڤێژ، ئهینی بۆ ئهینییێ، ڕهمهزان بۆ ڕهمهزانێ، كهفارهت و ژێبهرن بۆ گونههێن د ناڤبهرا خۆدا، (بهلێ ب مهرجهكی) ئهگهر مرۆڤی خۆ ژ گونههێن مهزن دویر ئێخست))
- فەرموودە: ((هندهك زهلام ب نهحهقی دهستوهردانێ د مالێ خودێدا دكهن، ل ڕۆژا قیامهتێ ئاگر بۆ وانه))
- فەرموودە: ((خهبهران نهبێژنه مرییان، چونكی ئهو یێن گههشتینه وی كارێ وان بهری خۆ فڕێكری و ئهنجامدای))
- فەرموودە: ((بۆ چ موسلمانان یا حهلال نینه ئهو ژ سێ شهڤان زێدهتر ژ برایێ خۆ سل ببيت و پشتا خۆ بدهتێ و د گهل نهئاخڤیت، دێ گههنه ئێك و ئهڤه دێ پشتا خۆ دهته ڤی و یێ دی دێ پشتا خۆ دهته وی، باشترینێ وان ژی ئهوه یێ دهستپێكێ سلاڤ دكهت))
- فەرموودە: ((ئهو كهسێ پهیوهندییێن مرۆڤاینییێ دبڕیت؛ ناچیته بهحهشتێ))
- فەرموودە: ((نهخۆشتڤیترین كهس ل دهڤ خودێ ئهوه یێ ب توندی دچیته د ناڤ گهنگهشێدا و زێدهگاڤییێ تێدا دكهت))
- فەرموودە: ((ههر كهسێ بهڕهڤانییێ ژ كهسایهتی و كهڕامهتا برایێ خۆ بكهت؛ خودێ ژی ل ڕۆژا قیامهتێ دێ ڕویێ وی ژ ئاگرێ جههنهمێ پارێزیت))