हदीस: नबी (सल्लल्लाहु अलैहि वसल्लम) जब राती सुतेर ब्यूँझनुहुन्थ्यो, तब आफ्नो मुखलाई मिस्वाक (दतवन) ले सफा गर्नुहुन्थ्यो ।

عَنْ حُذَيْفَةَ رضي الله عنه قَالَ:
كَانَ النَّبِيُّ صَلَّى اللهُ عَلَيْهِ وَسَلَّمَ إِذَا قَامَ مِنَ اللَّيْلِ يَشُوصُ فَاهُ بِالسِّوَاكِ.
[صحيح] - [متفق عليه] - [صحيح البخاري: 245]

हुजैफा (रजियल्लाहु अन्हु) ले बयान गरेका छन्,
नबी (सल्लल्लाहु अलैहि वसल्लम) जब राती सुतेर ब्यूँझनुहुन्थ्यो, तब आफ्नो मुखलाई मिस्वाक (दतवन) ले सफा गर्नुहुन्थ्यो ।
[सही] - [मुत्तफकुन अलैहि] - [सही बुखारी - 245]

व्याख्या

नबी (सल्लल्लाहु अलैहि वसल्लम) अत्याधिक मिस्वाक (दतवन) गर्नुहुन्थ्यो र मिस्वाक गर्न आदेश दिनुहुन्थ्यो । केही समयमा मिस्वाक गर्नु मुस्तहब हो, जस्तै : रातमा उठ्दा मिस्वाक गर्ने, किनभने जब नबी (सल्लल्लाहु अलैहि वसल्लम) निद्राबाट ब्यूँझनु हुन्थ्यो, तब उहाँ आफ्नो मुखलाई मिस्वाकले रगडेर सफा गर्नुहुन्थ्यो ।

हदीसका केही फाइदाहरू

1. राती सुतेर उठेपछि मिस्वाक (दतवन) गर्ने प्रोत्साहन; किनभने सुत्दा मुखको गन्ध परिवर्तन हुन्छ र मिस्वाकले त्यो सफा हुन्छ ।
2. मुखबाट दुर्गन्ध आउँदा मिस्वाक गर्ने प्रोत्साहन र यो आदेश अघिल्लो अर्थबाट लिइएको छ ।
3. सामान्य रुपमा सरसफाई गर्ने प्रोत्साहन अनि यो नबी (सल्लल्लाहु अलैहि वसल्लम) को सुन्नत र इस्लामको उत्कृष्ट शिष्टाचार हो ।
4. पूरा मुख माझ्दा दाँत, गिजा र जिब्रो समावेश हुन्छ ।
5. पिलु नामी रूख वा अन्य कुनै झारबाट मिस्वाक बनाउन सकिन्छ, जसलाई मुख र दाँत सफा गर्न प्रयोग गरिन्छ । यसले मुख सफा गर्छ र गन्ध हटाउँछ ।