فەرموودە: من ده‌ھ ڕكاعه‌ت (یێن سوننه‌ت) ژ پێغه‌مبه‌ری (صه‌لات و سه‌لامێن خودێ ل سه‌ر بن) ژبه‌ركرن

عَنِ ابْنِ عُمَرَ رَضِيَ اللَّهُ عَنْهُمَا قَالَ:
حَفِظْتُ مِنَ النَّبِيِّ صَلَّى اللهُ عَلَيْهِ وَسَلَّمَ عَشْرَ رَكَعَاتٍ: رَكْعَتَيْنِ قَبْلَ الظُّهْرِ، وَرَكْعَتَيْنِ بَعْدَهَا، وَرَكْعَتَيْنِ بَعْدَ المَغْرِبِ فِي بَيْتِهِ، وَرَكْعَتَيْنِ بَعْدَ العِشَاءِ فِي بَيْتِهِ، وَرَكْعَتَيْنِ قَبْلَ صَلاَةِ الصُّبْحِ، وَكَانَتْ سَاعَةً لاَ يُدْخَلُ عَلَى النَّبِيِّ صَلَّى اللهُ عَلَيْهِ وَسَلَّمَ فِيهَا، حَدَّثَتْنِي حَفْصَةُ أَنَّهُ كَانَ إِذَا أَذَّنَ المُؤَذِّنُ وَطَلَعَ الفَجْرُ صَلَّى رَكْعَتَيْنِ، وَفِي لَفْظٍ: أَنَّ النَّبِيَّ صَلَّى اللهُ عَلَيْهِ وَسَلَّمَ كَانَ يُصَلِّي بَعْدَ الْجُمُعَةِ رَكْعَتَيْنِ.
[صحيح] - [متفق عليه بجميع رواياته] - [صحيح البخاري: 1180]

عه‌بدولڵاهێ كوڕێ عومه‌ری (خودێ ژ هه‌ردووكان ڕازی بیت) دبێژیت:
من ده‌ھ ڕكاعه‌ت (یێن سوننه‌ت) ژ پێغه‌مبه‌ری (صه‌لات و سه‌لامێن خودێ ل سه‌ر بن) ژبه‌ركرن‌: دوو ڕكاعه‌ت به‌ری نڤێژا نیڤڕۆ، دوو ڕكاعه‌ت پشتی وێ، دوو ڕكاعه‌ت پشتی نڤێژا مه‌غره‌ب ل مالا وی، دوو ڕكاعه‌ت پشتی نڤێژا عه‌یشا ل مالا وی و دوو ڕكاعه‌ت به‌ری نڤێژا سپێدێ، ئه‌و ده‌مه‌ك بوو كه‌س تێدا نه‌دچوو ده‌ڤ پێغه‌مبه‌ری (صه‌لات و سه‌لامێن خودێ ل سه‌ر بن). حه‌فصایێ بۆ من گۆت كو ده‌مێ بانگهلدێری بانگ ددا و ده‌مێ نڤێژێ هاتبا سپێده‌ هه‌لاتبا ؛ وی دوو ڕكاعه‌ت دكرن. د ڤه‌گوهاستنه‌كا دیدا هاتییه‌: پێغه‌مبه‌ری (صه‌لات و سه‌لامێن خودێ ل سه‌ر بن) پشتی نڤێژا ئه‌ینییێ ژی دوو ڕكاعه‌ت دكرن.
[صحيح] - [متفق عليه بجميع رواياته] - [صحيح البخاري - 1180]

شیکردنەوە

عه‌بدولڵاهێ كوڕێ عومه‌ری (خودێ ژ هه‌ردووكان ڕازی بیت) دیار دكه‌ت: كو ژ وان نڤێژێن سوننه‌ت یێن وی ژ پێغه‌مبه‌ری (صه‌لات و سه‌لامێن خودێ ل سه‌ر بن) ژبه‌ركرین؛ ده‌هـ ڕكاعه‌تن و ئه‌ڤ ڕكاعه‌ته‌ ب سوننه‌تێن ڕه‌واتب دهێنه‌ ناڤكرن، دوو ڕكاعه‌ت به‌ری نیڤڕۆ و دوو ڕكاعه‌ت پشتی وێ، دوو ڕكاعه‌ت پشتی مه‌غره‌ب ل مالا وی، دوو ڕكاعه‌ت پشتی عه‌یشا ل مالا وی، به‌ری سپێدێ ژی دوو ڕكاعه‌ت، ئه‌ڤه‌ ده‌هـ ڕكاعه‌ت ته‌مام بوون. پشتی نڤێژا ئه‌ینییێ ژی دوو ڕكاعه‌ت دكرن.

لە سوودەکانی فەرموودەکە

1. سوننه‌تبوونا ڤان سوننه‌تێن ڕه‌واتب و به‌رده‌وامبوونا ل سه‌ر وان.
2. دروستییا ئه‌نجامدانا نڤێژێن سوننه‌ت ل مال.