فەرموودە: ئه‌ز د گه‌ل پێغه‌مبه‌ری بووم (صه‌لات و سه‌لامێن خودێ ل سه‌ر بن) و ئه‌و چوو سه‌ر گلێشێ هنده‌ك كه‌سان و ده‌ستنڤێژا خۆ یا زراڤ ژ پیاڤه كر‌‌،

عَنْ حُذَيْفَةَ رضي الله عنه قَالَ:
كُنْتُ مَعَ النَّبِيِّ صَلَّى اللهُ عَلَيْهِ وَسَلَّمَ فَانْتَهَى إِلَى سُبَاطَةِ قَوْمٍ، فَبَالَ قَائِمًا، فَتَنَحَّيْتُ فَقَالَ: «ادْنُهْ» فَدَنَوْتُ حَتَّى قُمْتُ عِنْدَ عَقِبَيْهِ فَتَوَضَّأَ فَمَسَحَ عَلَى خُفَّيْهِ.
[صحيح] - [متفق عليه] - [صحيح مسلم: 273]

حوزه‌یفه‌ (خودێ ژێ ڕازی بیت) دبێژیت:
ئه‌ز د گه‌ل پێغه‌مبه‌ری بووم (صه‌لات و سه‌لامێن خودێ ل سه‌ر بن) و ئه‌و چوو سه‌ر گلێشێ هنده‌ك كه‌سان و ده‌ستنڤێژا خۆ یا زراڤ ژ پیاڤه كر‌‌، ئه‌ز ژێ دویر كه‌ڤتم، ئینا گۆت: «نێزیك ببه‌»، ئه‌ز ژی نێزیك بووم هه‌تا كو ل پشتا پێیێن وی ڕاوه‌ستیام، پاشی ده‌ستنڤێژ گرت و مه‌سحا ل سه‌ر خۆفكێن خۆ كر.
[صحيح] - [متفق عليه] - [صحيح مسلم - 273]

شیکردنەوە

حوزه‌یفه‌یێ كوڕێ یه‌مانی (خودێ ژ هه‌ردووكان ڕازی بیت) به‌حسێ هندێ دكه‌ت كو ئه‌و د گه‌ل پێغه‌مبه‌ری (صه‌لات و سه‌لامێن خودێ ل سه‌ر بن) بوو، ڤێجا پێغه‌مبه‌ری (صه‌لات و سه‌لامێن خودێ ل سه‌ر بن) ڤیا ده‌ستنڤێژا خۆ یا زراڤ بكه‌ت، ئینا چوو سه‌ر گلێشێ هنده‌ك كه‌سان كو جهێ هاڤێتنا پیساتی و ئاخا مالان بوو و ده‌ستنڤێژا خۆ یا زراڤ ژ پیاڤه‌‌ كر، د ده‌مه‌كیدا كو پتریا جاران ئه‌وی ڕوینشتی دكر.
حوزه‌یفه ژی‌ ژێ دویر كه‌ڤت، ئینا پێغه‌مبه‌ری (صه‌لات و سه‌لامێن خودێ ل سه‌ر بن) گۆتێ: نێزیك ببه‌، حوزه‌یفه‌ ژی نێزیك بوو هه‌تا ل پشت وی ل ده‌ڤ پشتا پێیێن وی ڕاوه‌ستیا؛ دا كو ببیته‌ په‌رده‌ بۆ وی دا كه‌س وی د وێ ڕه‌وشێدا نه‌بینیت.
پاشی پێغه‌مبه‌ری (صه‌لات و سه‌لامێن خودێ ل سه‌ر بن) ده‌ستنڤێژ گرت، و د ده‌مێ شویشتنا پێیاندا، ب تنێ مه‌سحا ل سه‌ر خۆفكێن خۆ كر -خۆفكه‌ ژی ئه‌و چه‌رمێ ته‌نكه‌ و تشتێن وه‌كی وانه‌ یێن زه‌لام دكه‌نه‌ پێ خۆ و گۆزه‌كان ژی دنخێڤن- و ژ پێیێن خۆ نه‌كرن.

لە سوودەکانی فەرموودەکە

1. دروستییا مه‌سحكرنێ ل سه‌ر خۆفكان.
2. دروستییا میزتنێ ژ پیاڤه‌، ب مه‌رجه‌كی كو چ پیساتی ب مرۆڤی نه‌كه‌ڤیت.
3. هه‌لبژارتنا پێغه‌مبه‌ری (صه‌لات و سه‌لامێن خودێ ل سه‌ر بن) بۆ جهێ گلێشی، ژ به‌ر هندێ بوو چونكی ئه‌و جهه‌ یێ نه‌رمه‌ و میز تێدا ناپه‌شیت و نازڤڕیته‌‌ ب مرۆڤیڤه‌.