فەرموودە: وان بهێله، چونكی من ههردوو پێیێن خۆ ب پاقژی (ب دهستنڤێژ) كرینه د ناڤ واندا
عَنْ المُغِيرَةِ رضي الله عنه قَالَ:
كُنْتُ مَعَ النَّبِيِّ صَلَّى اللهُ عَلَيْهِ وَسَلَّمَ فِي سَفَرٍ، فَأَهْوَيْتُ لِأَنْزِعَ خُفَّيْهِ، فَقَالَ: «دَعْهُمَا، فَإِنِّي أَدْخَلْتُهُمَا طَاهِرَتَيْنِ» فَمَسَحَ عَلَيْهِمَا.
[صحيح] - [متفق عليه] - [صحيح البخاري: 206]
المزيــد ...
موغییره (خودێ ژێ ڕازی بیت) دبێژیت:
د گهشتهكێدا ئهز د گهل پێغهمبهری (صهلات و سهلامێن خودێ ل سهر بن) بووم، ڤێجا من خۆ نزم كر دا خۆفكێن وی ژ پێیێن وی بكهم، ئینا گۆت: ((وان بهێله، چونكی من ههردوو پێیێن خۆ ب پاقژی (ب دهستنڤێژ) كرینه د ناڤ واندا))، پاشی مهسح ل سهر وان كر.
[صحيح] - [متفق عليه] - [صحيح البخاري - 206]
پێغهمبهر (صهلات و سهلامێن خودێ ل سهر بن) د ئێك ژ گهشتێن خۆدا بوو و دهستنڤێژ گرت، ڤێجا دهمێ گههشتییه شویشتنا پێیان؛ موغیرەیێ كوڕێ شوعبهی (خودێ ژێ ڕازی بیت) دهستێن خۆ درێژ كرن دا كو وان خۆفكێن ل پێیێن پێغهمبهری (صهلات و سهلامێن خودێ ل سهر بن) ههین ژ پێیێن وی بكهت و داكو پێیێن خۆ بشۆت! ئینا پێغهمبهری (صهلات و سهلامێن خودێ ل سهر بن) گۆت: وان بهێله و ژ پێیێن من نهكه، چونكی من پێیێن خۆ كرینه د ناڤ واندا د دهمهكیدا ئهز یێ ب دهستنڤێژ بووم، پاشی پێغهمبهری (صهلات و سهلامێن خودێ ل سهر بن) ل شوینا شویشتنا پێیان؛ مهسح ل سهر خۆفكێن خۆ كر.
لە سوودەکانی فەرموودەکە
- دروستییا مهسحكرنا ل سهر خۆفكان بۆ هنگییه دهمێ مرۆڤ دهستنڤێژا خۆ دگریت پشتی دهستنڤێژا مرۆڤی یا بچویك دشكێت، بهلێ ئهگهر مرۆڤ پێدڤی ب سهرشویشتنا مهزن بیت (ب جهنابهت بكهڤیت)؛ وی دهمی دڤێت مرۆڤ پێیێن خۆ ژی بشۆت.
- مهسحكرن ب تنێ ئێك جاره، ئهڤه ژی ب پێدائینانا دهستێ تهڕكری ل سهر سهرڤههییا خۆفكێ نهكو بنێ وێ.
- مهرجێن مهسحكرنا ل سهر خۆفكان ئهڤهنه: پێدڤییه مرۆڤی ئهو خۆفكه پشتی دهستنڤێژهكا تهمام و شویشتنا پێیان كربنه پێیێن خۆ، پێدڤییه ههردوو خۆفكه دپاقژ بن و ئهو جهێ پێدڤی ژ پێی ڤهشارتبن (كو ههتا گوزهكانه)، ههروهسا مهسحكرن ب تنێ بۆ دهستنڤێژكهڤتنا بچویكه نه بۆ جهنابهتێ یان وی تشتێ سەرشویشتنێ فەر دکەت، كا چاوا دڤێت د وهختێ خۆ یێ شهرعیدا بیت كو شهڤهك و ڕۆژهكه بۆ كهسێ ل مال و سێ شهڤ و سێ ڕۆژن بۆ كهسێ گهشتیار (موسافر).
- ههر تشتێ پێیان ڤهشێریت و بنخێڤیت وهكی گۆرهیان و ژ بلی وان، ئهو ژی دكهڤنه د بن حوكمێ خۆفكانڤه و مهسحكرن ل سهر وان یا دروسته.
- ڕهوشتێ جوانێ پێغهمبهری (صهلات و سهلامێن خودێ ل سهر بن) و فێرکرنا وی، ئهڤه ژی دهمێ موغیره ژ ژێكرنا خۆفكان پاشڤهبری و نههێلای خۆفكێن وی ژ پێیێن وی بكهت و ئهگهر ژی بۆ دیار كری: كو وی ئهو ب پاقژی كرینه پێیێن خۆ، ئهڤه ژی دا كو دلێ وی ئارام بیت و حوكمێ شهرعی بزانیت.
پۆلێنکردنەکان
زیاتر
- فەرموودە: ((ههر پێنج نڤێژ، ئهینی بۆ ئهینییێ، ڕهمهزان بۆ ڕهمهزانێ، كهفارهت و ژێبهرن بۆ گونههێن د ناڤبهرا خۆدا، (بهلێ ب مهرجهكی) ئهگهر مرۆڤی خۆ ژ گونههێن مهزن دویر ئێخست))
- فەرموودە: ((هندهك زهلام ب نهحهقی دهستوهردانێ د مالێ خودێدا دكهن، ل ڕۆژا قیامهتێ ئاگر بۆ وانه))
- فەرموودە: ((خهبهران نهبێژنه مرییان، چونكی ئهو یێن گههشتینه وی كارێ وان بهری خۆ فڕێكری و ئهنجامدای))
- فەرموودە: ((بۆ چ موسلمانان یا حهلال نینه ئهو ژ سێ شهڤان زێدهتر ژ برایێ خۆ سل ببيت و پشتا خۆ بدهتێ و د گهل نهئاخڤیت، دێ گههنه ئێك و ئهڤه دێ پشتا خۆ دهته ڤی و یێ دی دێ پشتا خۆ دهته وی، باشترینێ وان ژی ئهوه یێ دهستپێكێ سلاڤ دكهت))
- فەرموودە: ((ئهو كهسێ پهیوهندییێن مرۆڤاینییێ دبڕیت؛ ناچیته بهحهشتێ))
- فەرموودە: ((نهخۆشتڤیترین كهس ل دهڤ خودێ ئهوه یێ ب توندی دچیته د ناڤ گهنگهشێدا و زێدهگاڤییێ تێدا دكهت))
- فەرموودە: ((ههر كهسێ بهڕهڤانییێ ژ كهسایهتی و كهڕامهتا برایێ خۆ بكهت؛ خودێ ژی ل ڕۆژا قیامهتێ دێ ڕویێ وی ژ ئاگرێ جههنهمێ پارێزیت))