Hadithi: Nilikuwa pamoja na Mtume -Rehema na Amani ziwe juu yake- katika safari, nikanyoosha mikono ili nimvue viatu vyake (khufu), akasema; ziache; kwani hakika mimi nimezivaa zikiwa safi, akafuta juu yake

عن المغيرة بن شعبة رضي الله عنه قال: ((كُنت مع النبيَّ -صلَّى الله عليه وسلَّم- في سَفَر، فأهْوَيت لِأَنزِع خُفَّيه، فقال: دَعْهُما؛ فإِنِّي أدخَلتُهُما طَاهِرَتَين، فَمَسَح عليهما)).
[صحيح] - [متفق عليه، واللفظ للبخاري]

Kutoka kwa Mughira bin Shu'ba -Radhi za Mwenyezi Mungu ziwe juu yake- Amesema: (Nilikuwa pamoja na Mtume -Rehema na Amani ziwe juu yake- katika safari, nikanyoosha mikono ili nimvue viatu vyake (khufu), akasema; ziache; kwani hakika mimi nimezivaa zikiwa safi, akafuta juu yake).
Sahihi - Imepokelewa na Al-Bukhaariy na Muslim na tamko ni la Bukhaariy

Ufafanuzi

Alikuwa Mughira -Radhi za Mwenyezi Mungu ziwe juu yake- pamoja na Mtume -Rehema na Amani ziwe juu yake- katika moja ya safari zake -Nayo ni safari yake katika vita vya Tabuk-, Alipoanza Mtume -Rehema na Amani ziwe juu yake kutawadha, na akaosha uso wake na mikono yake, na akafuta kichwa chake, aliinama Mughira katika khufu za Mtume -Rehema na Amani ziwe juu yake- ili azivue; kwaajili ya kuosha miguu miwili, Akasema Mtume -Rehema na Amani ziwe juu yake- ziache na wala usizivue, kwani hakika mimi nimeingiza miguu yangu katika khufu hizi mbili na mimi nikiwa msafi, akafuta Mtume -Rehema na Amani ziwe juu yake juu ya khufu (viatu mfano wa soksi) mbili badala ya kuosha miguu miwili. Na hivyo hivyo soksi na mfano wake zinachukua hukumu ya khufu mbili.