حدیث: زه له رسول الله صلی الله علیه وسلم سره وم چې هغه د خلکو یو ډېران ته ورغی او په ولاړه یې ادرار وکړې،
عَنْ حُذَيْفَةَ رضي الله عنه قَالَ:
كُنْتُ مَعَ النَّبِيِّ صَلَّى اللهُ عَلَيْهِ وَسَلَّمَ فَانْتَهَى إِلَى سُبَاطَةِ قَوْمٍ، فَبَالَ قَائِمًا، فَتَنَحَّيْتُ فَقَالَ: «ادْنُهْ» فَدَنَوْتُ حَتَّى قُمْتُ عِنْدَ عَقِبَيْهِ فَتَوَضَّأَ فَمَسَحَ عَلَى خُفَّيْهِ.
[صحيح] - [متفق عليه] - [صحيح مسلم: 273]
المزيــد ...
له حذیفة رضي الله عنه څخه روایت دی وایي چې:
زه له رسول الله صلی الله علیه وسلم سره وم چې هغه د خلکو یو ډېران ته ورغی او په ولاړه یې ادرار وکړې، زه څنګ ته شوم، راته یې وویل: «رانږدې شه» نو ورنږدې شوم تر دې چې د اوږو سره یې ودرېدم، نو اودس یې وکړ او په موزو یې مسح وکړه.
[صحيح] - [متفق علیه دی ( بخاري اومسلم دواړو روایت کړی دی)] - [صحیح مسلم - 273]
حذیفة بن الیمان رضي الله عنه روایت کوي چې هغه له رسول الله صلی الله علیه وسلم سره و، هغه صلی الله علیه وسلم غوښتل چې ادرار وکړي، نو د حاجت رفع کولو لپاره د خلکو یو کنډر ته ننوت، کوم ځای کې چې خلک د کورونو له جارو کولو وروسته خاورې او خځلې غورځوي (ډېران)، نو په ولاړه یې متیازې وکړې؛ په داسې حال کې چې معمولا به یې په ناسته کولې.
نو حذیفه رضی الله عنه ترې لرې شو، هغه صلی الله علیه وسلم ورته وویل: نږدې شه، نو حذیفه ورنږدې شو، تر دې چې شاته یې د پښو وروستۍ برخې (پوندو) سره ودرېد؛ چې د لېدلو په وړاندې یې پرده شي او په هغه حالت کې ورته ونه ګوري.
بيا رسول الله صلی الله علیه وسلم اودس وكړ او د پښو مينځلو پر مهال یې موزې ونه ویستې او مسح یې پرې وکړه - هغه موزې چې پښو ته اغوستل کیږي او له نرۍ څرمنې او داسې نورو څخه جوړېږي او ښنګري پټوي.
د حديث له ګټو څخه
- پر موزو د مسحې کولو مشروعیت.
- په ولاړه متیازې کول پدې شرط روا دي چې څه شی ترې وروا نه لوځي.
- رسول الله صلی الله علیه وسلم د ډېران غورځولو ځای لدې امله غوره کړ چې هلته ښځلې غورځیږي نو معمولا نرم وي او د متیازو کولو پر مهال سړي ته متیازې نه ور الوځي.
نور
- حدیث: پرې یې ږده، یقینا چې له پاکۍ سره مې پښو کړي دي(یعنې په اودس مې پښو کړي دي)
- حدیث: إِذَا تَوَضَّأَ أَحَدُكُمْ وَلَبِسَ خُفَّيْهِ فَلْيُصَلِّ فِيهِمَا، وَلْيَمْسَحْ عَلَيْهِمَا ثُمَّ لَا يَخْلَعْهُمَا إِنْ شَاءَ إِلَّا مِنْ جَنَابَةٍ». «کله چې په تاسو کې چا اودس وکړ او موزې یې واغوستې نو لمونځ دې په کې وکړي، او مسح دې پرې وکړي، او که خوښه يې وه نو بیا دی يې پرته له جنابته نه باسي