Hadith: ((ئه‌گه‌ر زه‌لامی مه‌زاختن ل خێزانا خۆ كر و بۆ خۆ ب خێر هژماركر؛ دێ بۆ وی ب خێر و صه‌ده‌قه‌ هێته‌ هژمارتن))

عن أبي مسعود رضي الله عنه عن النبي صلى الله عليه وسلم قال:
«إِذَا أَنْفَقَ الرَّجُلُ عَلَى أَهْلِهِ يَحْتَسِبُهَا فَهُوَ لَهُ صَدَقَةٌ».
[صحيح] - [متفق عليه] - [صحيح البخاري: 55]

ئه‌بو مه‌سعوود (خودێ ژێ ڕازی بیت) دبێژیت: پێغه‌مبه‌ری (صه‌لات و سه‌لامێن خودێ ل سه‌ر بن) گۆت:
((ئه‌گه‌ر زه‌لامی مه‌زاختن ل خێزانا خۆ كر و بۆ خۆ ب خێر هژماركر؛ دێ بۆ وی ب خێر و صه‌ده‌قه‌ هێته‌ هژمارتن)).
[صحيح] - [متفق عليه] - [صحيح البخاري - 55]

Explanation

پێغه‌مبه‌ر (صه‌لات و سه‌لامێن خودێ ل سه‌ر بن) به‌حسێ هندێ دكه‌ت كو ئه‌گه‌ر زه‌لامی مه‌زاختن ل وان كه‌سان كر ژ خێزانا خۆ یێن كو پێدڤییه‌ ئه‌و مه‌زاختنێ لێ بكه‌ت، وه‌كی هه‌ڤژین و دایك و باب و زارۆكێن خۆ و ژ بلی وان، ئنیه‌تا وی ب ڤێ مه‌زاختنێ ژی ئه‌ڤه‌ بیت ئه‌و خۆ نێزیكی خودایێ مه‌زن بكه‌ت و چاڤه‌رێی خێر و خه‌لاتییه‌ ل ده‌ڤ خودێ ژ به‌ر وی تشتێ وی ل وان مه‌زاختی؛ هنگی ئه‌ڤ مه‌زاختنه‌ دێ بۆ وی ب خێر هێته‌ هژمارتن.

Benefits from the Hadith

1. بده‌ستڤه‌هاتنا خێر و خه‌لاتی ب مه‌زاختنا ل سه‌ر خێزانێ.
2. مه‌ره‌م و ئنیه‌تا باوه‌رداری ب وی كارێ دكه‌ت؛ ڕازیبوونا خودێ و ئه‌و خێر و خه‌لاته‌ یێ ل ده‌ڤ خودێ هه‌ی.
3. پێدڤییه‌ د هه‌ر كاره‌كێ باش یێ مرۆڤ ئه‌نجام دده‌ت ئنیه‌تا خۆ پاقژ و زه‌لال بكه‌ت و مه‌ره‌ما وی خودێ بیت، ژ ڤی كاری ژی مه‌زاختنا ل سه‌ر خێزانێیه‌.