Hadith: “នៅពេលដែលបុរសម្នាក់ចំណាយទ្រព្យសម្បត្ដិអ្វីមួយទៅលើក្រុមគ្រួសាររបស់ខ្លួនដោយរំពឹងផលបុណ្យពីអល់ឡោះជាម្ចាស់នោះ ពិតណាស់ វាជាការបរិច្ចាគទានមួយសម្រាប់រូបគេ”។

عن أبي مسعود رضي الله عنه عن النبي صلى الله عليه وسلم قال:
«إِذَا أَنْفَقَ الرَّجُلُ عَلَى أَهْلِهِ يَحْتَسِبُهَا فَهُوَ لَهُ صَدَقَةٌ».
[صحيح] - [متفق عليه] - [صحيح البخاري: 55]

អំពី អាពូម៉ាស្អ៊ូទ رضي الله عنه អំពីណាពី ﷺ លោកបានមានប្រសាសន៍ថា៖
“នៅពេលដែលបុរសម្នាក់ចំណាយទ្រព្យសម្បត្ដិអ្វីមួយទៅលើក្រុមគ្រួសាររបស់ខ្លួនដោយរំពឹងផលបុណ្យពីអល់ឡោះជាម្ចាស់នោះ ពិតណាស់ វាជាការបរិច្ចាគទានមួយសម្រាប់រូបគេ”។
[صحيح] - [متفق عليه] - [صحيح البخاري - 55]

Explanation

ណាពី ﷺ លោកបានប្រាប់ថា ជាការពិតណាស់ នៅពេលដែលបុរសម្នាក់ចំណាយទ្រព្យសម្បត្ដិផ្គត់ផ្គង់ទៅលើក្រុមគ្រួសាររបស់ខ្លួនដែលចាំបាច់លើរូបគេផ្គត់ផ្គង់ជីវភាពពួកគេ ដូចជាភរិយា កូនៗ និងឪពុកម្តាយរបស់ខ្លួន ក៏ដូចជាអ្នកដទៃទៀត ដោយរូបគេធ្វើដូច្នោះដើម្បីជាការបញ្ជិតខ្លួនទៅកាន់អល់ឡោះជាម្ចាស់ និងរំពឹងផលបុណ្យពីទ្រង់ចំពោះអ្វីដែលរូបគេបានចំណាយនោះ ពិតណាស់ សម្រាប់រូបគេនឹងទទួលបានផលបុណ្យនៃការបរិច្ចាគទាន។

Benefits from the Hadith

1. ទទួលបានផលបុណ្យពីអល់ឡោះជាម្ចាស់តាមរយៈការចំណាយទ្រព្យសម្បត្តិលើក្រុមគ្រួសារ។
2. អ្នកមានជំនឿពួកគេធ្វើទង្វើអ្វីមួយដើម្បីស្វែងរកការពេញចិត្តពីអល់ឡោះ និងរំពឹងផលបុណ្យអំពីទ្រង់។
3. គប្បីមានការនៀតល្អនៅគ្រប់អំពើល្អទាំងអស់ ក្នុងចំណោមនោះ គឺនៅពេលដែលរូបគេចំណាយទ្រព្យសម្បត្ដិផ្គត់ផ្គង់ទៅលើក្រុមគ្រួសាររបស់ខ្លួន។