Hadith: ((ژ هه‌ژیترین ماف هوین پێگیرییێ پێ بكه‌ن؛ ئه‌و مه‌رجن یێن هه‌وه‌ عه‌وره‌ت (یێن هه‌ڤژينێن خۆ) پێ حه‌لال كرین))

عن عقبة بن عامر رضي الله عنه قال: قال رسول الله صلى الله عليه وسلم:
«أَحَقُّ الشُّرُوطِ أَنْ تُوفُوا بِهِ مَا اسْتَحْلَلْتُمْ بِهِ الْفُرُوجَ».
[صحيح] - [متفق عليه] - [صحيح البخاري: 2721]

عوقبه‌یێ كوڕێ عامری (خودێ ژێ ڕازی بیت) دبێژیت: پێغه‌مبه‌رێ خودێ (صه‌لات و سه‌لامێن خودێ ل سه‌ر بن) گۆت:
((ژ هه‌ژیترین ماف هوین پێگیرییێ پێ بكه‌ن؛ ئه‌و مه‌رجن یێن هه‌وه‌ عه‌وره‌ت (یێن هه‌ڤژينێن خۆ) پێ حه‌لال كرین)).
[صحيح] - [متفق عليه] - [صحيح البخاري - 2721]

Explanation

پێغه‌مبه‌ر (صه‌لات و سه‌لامێن خودێ ل سه‌ر بن) دیار دكه‌ت كو ژ هه‌ژیترین ماف هوین پێگیرییێ پێ بكه‌ن و د گه‌ل وه‌فادار بن؛ ئه‌و مافه‌ یێ بوویه‌ ئه‌گه‌رێ حه‌لالبوونا خۆشیبرنێ ب ژن و ئافره‌تێ، مه‌ره‌م پێ ئه‌و مه‌رجێن حه‌لالن یێن هه‌ڤژین د گرێبه‌ستا هه‌ڤژینییێدا ل سه‌ر زه‌لامێ خۆ دكه‌ته‌ مه‌رج.

Benefits from the Hadith

1. فه‌ربوونا وه‌فاداربوون و پێگیریكرنێ ب وان مه‌رجێن ئێك ژ هه‌ڤژینان ل به‌رامبه‌ری یێ دی ل سه‌ر خۆ كرییه‌ مه‌رج، ئه‌و مه‌رج نه‌بیت یێ حه‌لاله‌كی حه‌رام بكه‌ت یان حه‌رامه‌كی حه‌لال بكه‌ت.
2. وه‌فاداری و پێگیربوون ب مه‌رجێن گرێبه‌ستا هه‌ڤژینییێ ژ پێگیربوونا ب مه‌رجێن دی ژ هه‌ژیتر و پێدڤیترن، چونكی ئه‌و ل به‌رامبه‌ری حه‌لالكرنا عه‌وره‌تانه‌.
3. مه‌زناهییا جهێ پرۆسه‌یا هه‌ڤژینییێ د ئیسلامێدا، ژ به‌ر كو ئیسلامێ پشتڕاسكرن ل سه‌ر وه‌فاداربوون و پێگیربوونا ب مه‌رجێن وێ كرییه‌.