عن أبي هريرة رضي الله عنه أن رسول الله صلى الله عليه وسلم قال: «ما نقصت صدقة من مال، وما زاد الله عبدا بعفو إلا عزا، وما تواضع أحد لله إلا رفعه الله عز وجل »
[صحيح] - [رواه مسلم]
المزيــد ...
له ابو هریره - رضي الله عنه - څخه روایت دی چې رسول الله - صلی الله علیه وسلم - فرمایلي دي: «صدقه مال نه کموي، او الله تعالی بنده ته په بخښنې کولو نه زیاتوي مګر عزت، او هيڅوک د الله په وړاندې عاجزي نه کوي مګر دا چې الله به یې پورته کړي»
صحيح - مسلم روايت کړی دی
(صدقه مال نه کموي) معنا دا چې صدقه کله په مال کې وویستل شي نو هغه مال نه کموي، بلکه زیاتوي یې، او برکت پکې اچوي،او د آفتونو مخنیوی ترې کوي،په مال کې زیاتوالی یا په فزیکي ډول وي: چې الله تعالی په خپل بنده د رزق دروازې راپرانیزي، او یا په کیفت سره: چې الله تعالی پکې برکت واچوي او له هغې اندازې څخه یې ورته زیاتې کړي چې صدقه یې ورکړې وي، او الله تعالی بنده ته په بخښنې کولو سره عزت زیاتوي، یعنې هغه څوک چې په بخښلو او انتقام نه اخستلو سره وپېژندل شي، نو هغه د خلکو په زړونو کې لوی او عزتمند ګرځی، او لا یې پسې عزت او کرامت زیاتیږي او په دنیا او آخرت کې یې درجې لوړیږي، او هیڅوک د الله لپاره عاجزي نه کوي مګر دا چې الله به یې پورته کړي، معنا یې دا ده چې چا د الله په وړاندې ځان عاجز کړ او د هغه په وړاندې مات زړی شو، او خلکو سره نرم خویه شو، او مسلمانانو ته یې د شفقت وزرونه وغوړول، نو د دې صفتونو لرونکي ته به الله تعالی درجې لوړي کړي او د خلکو په زړونو کې به یې محبوب وګرځوي، او په جنت کې به یې درجې لوړي کړي.