Hadithi: “Allahu do t'i flasë secilit drejtpërdrejt, pa përkthyes mes Allahut dhe robit

عَنْ عَدِيِّ بْنِ حَاتِمٍ رضي الله عنه قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«مَا مِنْكُمْ مِنْ أَحَدٍ إِلَّا سَيُكَلِّمُهُ اللهُ، لَيْسَ بَيْنَهُ وَبَيْنَهُ تُرْجُمَانٌ، فَيَنْظُرُ أَيْمَنَ مِنْهُ فَلَا يَرَى إِلَّا مَا قَدَّمَ، وَيَنْظُرُ أَشْأَمَ مِنْهُ فَلَا يَرَى إِلَّا مَا قَدَّمَ، وَيَنْظُرُ بَيْنَ يَدَيْهِ فَلَا يَرَى إِلَّا النَّارَ تِلْقَاءَ وَجْهِهِ، فَاتَّقُوا النَّارَ وَلَوْ بِشِقِّ تَمْرَةٍ».
[صحيح] - [متفق عليه] - [صحيح مسلم: 1016]

Adij ibn Hatimi (Allahu qoftë i kënaqur me të!) transmeton se i Dërguari i Allahut ﷺ ka thënë:
“Allahu do t'i flasë secilit drejtpërdrejt, pa përkthyes mes Allahut dhe robit. Kur robi shikon djathtas, nuk sheh asgjë përveç veprave të veta. Pastaj shikon majtas dhe, sërish, nuk sheh asgjë përveç veprave të veta. Pastaj shikon para vetes, por nuk sheh asgjë përveç Zjarrit përpara fytyrës. Prandaj, ruajuni nga Zjarri, qoftë dhe me gjysmë hurme.”
[Ky hadith është sahih] - [Muttefek alejhi] - [Sahihu i Muslimit - 1016]

Shpjegimi

Profeti ﷺ në këtë hadith na tregon se çdo besimtar do të qëndrojë para Allahut në Ditën e Gjykimit i vetëm dhe se Allahu i Lartësuar do t'i flasë pa ndërmjetës dhe nuk do të ketë mes tyre përkthyes që do ta përkthejë bisedën mes tyre. Ai do të shikojë djathtas e majtas për shkak të frikës së madhe, që të gjejë një rrugëdalje për të shpëtuar nga Zjarri që është përpara tij. Kur të shikojë nga ana e djathtë, do t'i shohë vetëm veprat e mira që ka bërë, e, kur të shikojë nga ana e majtë, do t'i shohë vetëm veprat e këqija që ka bërë. E, kur të shikojë përpara, do ta shohë vetëm Zjarrin, e nuk mund të largohet nga ai, sepse duhet patjetër të kalojë mbi Urën e Siratit. Pastaj Profeti ﷺ tha të vendosni ndërmjet jush dhe Zjarrit një mbrojtje: sadaka dhe vepra mirësie, qoftë dhe diçka e vogël, si gjysmë hurme.