Hadithi: Të mos mbetet pa u këputur asnjë qafore teli, - ose ka thënë vetëm: qafore, - në qafat e deveve.”
عن أبي بَشير الأنصاري رضي الله عنه:
أَنَّهُ كَانَ مَعَ رَسُولِ اللهِ صَلَّى اللهُ عَلَيْهِ وَسَلَّمَ فِي بَعْضِ أَسْفَارِهِ، قَالَ: فَأَرْسَلَ رَسُولُ اللهِ صَلَّى اللهُ عَلَيْهِ وَسَلَّمَ رَسُولًا -وَالنَّاسُ فِي مَبِيتِهِمْ-: «لَا يَبْقَيَنَّ فِي رَقَبَةِ بَعِيرٍ قِلَادَةٌ مِنْ وَتَرٍ أَوْ قِلَادَةٌ إِلَّا قُطِعَتْ».
[صحيح] - [متفق عليه] - [صحيح مسلم: 2115]
المزيــد ...
Ebu Beshir Ensariu (Allahu qoftë i kënaqur me të!) tregon se,
teksa ishte me të Dërguarin e Allahut ﷺ në një udhëtim, i Dërguari i Allahut ﷺ dërgoi një lajmëtar: “Të mos mbetet pa u këputur asnjë qafore teli, - ose ka thënë vetëm: qafore, - në qafat e deveve.”
[Ky hadith është sahih] - [Muttefek alejhi] - [Sahihu i Muslimit - 2115]
Profeti ﷺ ishte në një udhëtim dhe njerëzit ishin në vendin ku flinin natën në kampet dhe çadrat e tyre. Kështu, dërgoi dikë te njerëzit duke i urdhëruar t'i këpusin qaforet që vareshin në qafat e deveve, qofshin prej teli ose prej diçkaje tjetër, bie fjala, zilja e këpucët, për faktin se ua vendosnin për t'i ruajtur nga mësyshi, andaj u urdhëruan t'i këpusnin, për shkak se ato nuk u largojnë asgjë atyre dhe se dobia e dëmi janë vetëm në dorën e Allahut, i Cili nuk ka ortak.
Mësime nga hadithi
- Është haram të vendosen telat dhe qaforet (kinse) për të përfituar ndonjë dobi ose për të penguar ndonjë dëm, sepse kjo është prej shirkut.
- Lidhja e një qaforeje përveç asaj prej teli, nëse është për zbukurim, për ta drejtuar kafshën ose për ta lidhur me të, nuk ka asgjë të keqe.
- Është obligim të ndryshohet e keqja sipas mundësisë.
- Është obligim që zemra të lidhet vetëm me Allahun, i Cili nuk ka ortak.
Kategoritë
Më shumë
- Hadithi: "Allahu i mallkoftë hebrenjtë dhe të krishterët: varret e të dërguarve i shndërruan në faltore!" Pra, tërhiqte vërejtjen kundër veprimeve të tyre. Po të mos ishte kjo, varri i tij do të ekspozohej, megjithatë ai kishte frikë mos (varri i tij) shndërrohej në faltore.
- Hadithi: Unë nuk kam nevojë për asnjë ortak. Kushdo që bën një vepër duke me bërë Mua ortak me dikë tjetër në këtë vepër, Unë e braktis atë së bashku me shirkun e tij.
- Hadithi: Tek Allahu distancohem prej të pasurit mik të ngushtë nga mesi juaj, sepse Allahu më ka zgjedhur mik të ngushtë, ashtu siç e ka zgjedhur Ibrahimin. Sikur të kisha ndonjë mik të ngushtë nga umeti im, do ta zgjidhja Ebu Bekrin
- Hadithi: Mos e teproni duke më lavdëruar ashtu siç e kanë tepruar të krishterët me (Isain) të birin e Merjemes. Vërtet unë jam vetëm rob i Tij, andaj thoni (për mua): "Rob i Allahut dhe i dërguar i Tij."
- Hadithi: Kush është njeriu më fatlum që do ta fitojë ndërmjetësimin (shefatin) tënd? "Ai që deklaron 'la ilahe il-lallah' (s'ka të adhuruar të denjë përveç Allahut) me zemër të sinqertë”, - tha Profeti ﷺ
- Hadithi: Atë që dëshmon se s’ka të adhuruar me të drejtë përveç Allahut të Vetëm e pa ortak, se Muhamedi është rob dhe i Dërguari i Tij, se Isai është rob i Allahut, i dërguar i Tij dhe Fjala e Tij (bëhu), të cilën ia ka drejtuar Merjemes, si dhe shpirt (i krijuar) prej Tij, dhe se Xheneti është i vërtetë e Zjarri është i vërtetë, Allahu e fut në Xhenet, sido që të ketë punuar
- Hadithi: Ai që vdes duke i bërë Allahut shok, do të hyjë në Zjarr