Hədis: Əgər hər hansı bir dəvənin boynunda kaman ipi və ya boyunbağı varsa o kəsilib atılsın

عن أبي بَشير الأنصاري رضي الله عنه:
أَنَّهُ كَانَ مَعَ رَسُولِ اللهِ صَلَّى اللهُ عَلَيْهِ وَسَلَّمَ فِي بَعْضِ أَسْفَارِهِ، قَالَ: فَأَرْسَلَ رَسُولُ اللهِ صَلَّى اللهُ عَلَيْهِ وَسَلَّمَ رَسُولًا -وَالنَّاسُ فِي مَبِيتِهِمْ-: «لَا يَبْقَيَنَّ فِي رَقَبَةِ بَعِيرٍ قِلَادَةٌ مِنْ وَتَرٍ أَوْ قِلَادَةٌ إِلَّا قُطِعَتْ».
[صحيح] - [متفق عليه] - [صحيح مسلم: 2115]

Əbu Bəşir Əl-Ənsaridən (Allah ondan razı olsun) belə dediyi rəvayət edilir:
O, Allah Rəsulu ilə (Allahın salavatı və salamı onun üzərinə olsun) bəzi səfərlərdə bir yerdə olmuşdur və deyir ki, günlərin birində: Allah Rəsulu (Allahın salavatı və salamı onun üzərinə olsun) insanlar gecələdikləri yerdə ikən onlara bir elçi göndərərək belə əmr etdi: " Əgər hər hansı bir dəvənin boynunda kaman ipi və ya boyunbağı varsa o kəsilib atılsın."
[Səhih] - [Müttəfəqun aleyhi(əl-Buxari və Musliminsəhih gördüyü hədislər)] - [Sahihu Muslim - 2115]

Şərh (izah)

Allah Rəsulu (Allahın salavatı və salamı onun üzərinə olsun) bəzi səfərlərində yolda dayanıb gecələyər, səfərdə onu müşayət edən insanlar da dayandığı yerlərdə və çadırlarda gecələyərdilər. Belə gecələrin birində o (Allahın salavatı və salamı onun üzərinə olsun) bir nəfər göndərərək o insanlara, dəvəyə asılan boyunbağıları - bu boyunbağılar istər yay oxundan, istərsə də zəng və s.kimi əşyalardan olsun - kəsmələrini əmr etdi. Çünki insanlar göz dəymədən qorunmaq məqsədilə həmin əşyaları dəvələrinin boyunlarından asırdılar. Bu səbəbdən də onlara bu əşyaları qırmaq əmr olundu. Çünki bu əşyalar nəyisə dəf edib, insanları qorumaz , fayda və zərər isə yalnız şəriki olmayan Allahın əlindədir.