پۆلێنکردن: عەقیدە (بیروباوەڕ) .

عن أبي موسى الأشعري رضي الله عنه مرفوعاً: «إن الله ليُمْلِي للظالم، فإذا أخذه لم يُفْلِتْهُ»، ثم قرأ: (وكذلك أخذ ربك إذا أخذ القرى وهي ظالمة إن أخذه أليم شديد).
[صحيح] - [متفق عليه]
المزيــد ...

ئەم وەرگێڕاوە پێویستی بە پێداچوونەوە و وردبوونەوەی زیاتر هەیە.

لە ئەبی موسای ئەشعەرییەوە -ڕەزای خوای لێبێت- کە پێغەمبەر -صلى اللە علیە وسلم- دەفەرموێت: «خوای گەورە مۆڵەت دەدات بە کەسی زاڵم وستەمکار؛ بەڵام کە گرتی ئەوا بەری نادات وتۆڵەی لێدەسێنێتەوە». پاشان ئەم ئایەتەی خوێندەوە:{ وَكَذَٰلِكَ أَخْذُ رَبِّكَ إِذَا أَخَذَ الْقُرَىٰ وَهِيَ ظَالِمَةٌ ۚ إِنَّ أَخْذَهُ أَلِيمٌ شَدِيدٌ } واتە: {ئا بەو شێوەیە سزادانی پەروەردگارت کاتێک خەڵکی شارەکان سزا دەدات لە کاتێکدا ستەمکاربوون بەڕاستی تۆڵەسەندنی ئەو ئازاردەر وبەتینە}.
صەحیحە - بوخاری و موسلیم هاوڕان لەسەری

شیکردنەوە

پێغەمبەر -صلى اللە علیە وسلم- باسی ئەوە دەکات کە خوای گەورە مۆڵەت دەداتە کەسی ستەمکار بۆ ئەوەى ستەم لە نەفسی خۆی ولە خەڵکی بکات، بەڵام کاتێک لەسەر بەردەوامبوون لە ستەمەکانى گرتی ئەوا بەری نادات هەتا سزای تەواوەتی دەدات، پاشان پێغەمبەر -صلى اللە علیە وسلم- ئەم ئایەتەی خوێندەوە کە خوای گەورە دەفەرموێت:{ وَكَذَٰلِكَ أَخْذُ رَبِّكَ إِذَا أَخَذَ الْقُرَىٰ وَهِيَ ظَالِمَةٌ ۚ إِنَّ أَخْذَهُ أَلِيمٌ شَدِيدٌ } واتە: {ئا بەو شێوەیە سزادانی پەروەردگارت کاتێک خەڵکی شارەکان سزا دەدات لە کاتێکدا ستەمکاربوون بەڕاستی تۆڵەسەندنی ئەو ئازاردەر وبەتینە}.

وه‌رگێڕانی ماناكان: ئینگلیزی فەڕەنسی ئیسپانی تورکی ئۆردی ئەندەنوسی بۆسنی ڕووسی بەنگالی چینی فارسی تاگالۆگ هیندی ڤێتنامی سینهالی هوسا پورتوغالی میلیالیم تلغۆ سه‌واحیلی تامیلی بۆرمی تایلەندی ئه‌ڵمانی یابانی
پیشاندانی وەرگێڕانەکان

سوودەکان

  1. کەسی ژیر ئەگەر ستەمی کرد ئەوا بێباک نابێت لە پیلانی خوای گەورە ئەگەر تووشی ئازار وسزا نەبوو بەڵکو لەوەیە ئەم مۆڵەتدانە بە ستەمکردن ڕێخۆشکردن بێت بۆ تاوانی زیاتر کردن بۆ ئەوەی تیاچوونی لە ناکاوبە سەر کەسە ڕووبدات بە هۆی تاوانەکانەوە کە پێی دەووترێت (إستدراج), وئەم بێباک نەبوون وبەهۆش هاتنەوەی کەسانی ژیر هۆکارە بۆ ئەوەی پەلە بکات لە تەوبەکردن وگێڕانەوەی مافەکان بۆ خاوەنەکانیان.
  2. خوای گەورە ڕێگا خۆش دەکات بۆ کەسانی ستەمکار بۆ ئەوەی تاوانی زیاتر ئەنجام بدەن، بۆ ئەوەی سزایان چەند جار زیاتر بکات.
  3. باشترین شت کە قورئان فەرموودەی پێ ڕاڤە وتەفسیر بکرێت بریتیە لە فەرمایشتی خوای گەورە (قورئان) و فەرموودەکانی پێغەمبەر -صلى اللە علیە وسلم- (حەدیث).
زیاتر