Hadith: “បុគ្គលណាទៅរកគ្រូទាយ ហើយសួរគ្រូទាយអំពីអ្វីមួយ គេមិនទទួលយកសឡាតរបស់ជននោះចំនួនសែសិបថ្ងៃ”។

عن بعض أزواج النبي صلى الله عليه وسلم عن النبي صلى الله عليه وسلم قال:
«مَنْ أَتَى عَرَّافًا فَسَأَلَهُ عَنْ شَيْءٍ لَمْ تُقْبَلْ لَهُ صَلَاةٌ أَرْبَعِينَ لَيْلَةً».
[صحيح] - [رواه مسلم] - [صحيح مسلم: 2230]

អំពីភរិយាមួយចំនួនរបស់ណាពី ﷺ អំពីណាពី ﷺ លោកបានមានប្រសាសន៍ថា៖
“បុគ្គលណាទៅរកគ្រូទាយ ហើយសួរគ្រូទាយអំពីអ្វីមួយ គេមិនទទួលយកសឡាតរបស់ជននោះចំនួនសែសិបថ្ងៃ”។
[صحيح] - [رواه مسلم] - [صحيح مسلم - 2230]

Explanation

ណាពី ﷺ លោកបានព្រមានអ្នកដែលទៅរកគ្រូទាយដោយចង់ដឹងពីរឿងអ្វីមួយក្នុងចំណោមប្រការអាថ៌កំបាំងនោះ អល់ឡោះជាម្ចាស់នឹងមិនផ្តល់ផលបុណ្យលើការសឡាតរបស់ជននោះរយៈពេលសែសិបថ្ងៃ។ នោះគឺជាទណ្ឌកម្មសម្រាប់រូបគេចំពោះបាបកម្មដ៏ធំធេងនេះ។

Benefits from the Hadith

1. ហាមឃាត់ចំពោះការទស្សន៍ទាយ ការទៅរកគ្រូទាយ និងការសួរពួកគេពីប្រការអាថ៌កំបាំង។
2. ជនមូស្លីមអាចត្រូវគេរារាំងពីផលបុណ្យនៃអំពើល្អដែលរូបគេបានសាង ជាទណ្ឌកម្មដល់រូបគេទៅលើអំពើល្មើសដែលរូបគេបានប្រព្រឹត្ត។
3. រួមបញ្ចូលនៅក្នុងហាទីស្ហនេះដែរចំពោះអ្វីដែលគេហៅថាតារានិករ(រាសី) និងការអានបាតដៃ បើទោះបីគ្រាន់តែជាការចង់ដឹងក៏ដោយ ពីព្រោះទង្វើទាំងអស់នេះ គឺសុទ្ធសឹងជាការទស្សន៍ទាយ និងជាការអះអាងថាខ្លួនដឹងនូវប្រការអាថ៌កំបាំង។
4. ប្រសិនបើនេះជាការតបស្នងចំពោះអ្នកដែលទៅរកគ្រូទាយ ចុះយ៉ាងណាទៅវិញចំពោះគ្រូទាយខ្លួនឯងទៀតនោះ?
5. ការប្រតិបត្តិសឡាតក្នុងរយៈពេលសែសិបថ្ងៃនោះចាត់ទុកថាបានការ(ត្រឹមត្រូវ)ដែលមិនចាំបាច់លើគេត្រូវសឡាតសងវិញនោះឡើយ។ ប៉ុន្តែរូបគេមិនទទួលបានផលបុណ្យអ្វីឡើយ។