Hadithi: Atij që shkon te falltari dhe e pyet për diçka, nuk do t’i pranohet namazi dyzet ditë

عن حفصة بنت عمر بن الخطاب رضي الله عنهما عن النبي صلى الله عليه وسلم قال: "من أتَى عرَّافًا فسأله عن شيء، فصدَّقه لم تُقْبَلْ له صلاةٌ أربعينَ يومًا".
[صحيح] - [رواه مسلم]

Hafsa, e bija e Omer ibn Hatabit (Allahu qoftë i kënaqur me ta!), tregon se Profeti ﷺ ka thënë: "Atij që shkon te falltari dhe e pyet për diçka, nuk do t’i pranohet namazi dyzet ditë."
Ky hadith është sahih. - E shënon Muslimi.

Shpjegimi

I Dërguari i Allahut ﷺ na njofton në këtë hadith se kushdo që shkon te ndonjë falltar, - i cili pretendon se e di të fshehtën, - dhe e pyet atë për ndonjë çështje të fshehtë, si dhe e beson atë që ia thotë ai, Allahu do ta privojë këtë person nga shpërblimi i namazit për dyzet ditë, si dënim për mëkatin e madh që e ka bërë. Sa i përket atij që i beson, ai në fakt ka bërë kufër (mosbesim) në atë që i zbriti Muhamedit ﷺ, siç thuhet në hadithin tjetër. Nëse ky është dënimi për atë që shkon te falltari, si është vallë dënimi për vetë falltarin?! Kërkojmë mbrojtje tek Allahu nga kjo dhe i kërkojmë Atij shëndet e mirëqenie.