Hadiis: Ka be tõnd pʋgẽ, ned sẽn maana liu-n-bogre, maa b maana a yĩnga, maa a bʋga bagre, maa b bʋga bagr a yĩnga, maa a maan tɩɩm, maa b maana tɩɩm a yĩnga

عن عمران بن حصين رضي الله عنه قال: قال رسول الله صلى الله عليه وسلم:
«‌لَيْسَ ‌مِنَّا ‌مَنْ ‌تَطَيَّرَ أَوْ تُطُيِّرَ لَهُ، أَوْ تَكَهَّنَ أَوْ تُكُهِّنَ لَهُ، أَوْ سَحَرَ أَوْ سُحِرَ لَهُ، وَمَنْ عَقَدَ عُقْدَةً، وَمَنْ أَتَى كَاهِنًا فَصَدَّقَهُ بِمَا يَقُولُ فَقَدْ كَفَرَ بِمَا أُنْزِلَ عَلَى مُحَمَّدٍ صَلَّى اللهُ عَلَيْهِ وَسَلَّمَ».
[حسن] - [رواه البزار] - [مسند البزار: 3578]

Yii a ʿɭmraan ɭbn Hʋṣayn nengẽ - Wẽnd yard be a yĩnga-: a yeelame: Wẽnd Tẽn-tʋʋmã, (Wẽnd pʋʋsg la A tɩlgr be a yĩnga) yeeleme:
«Ka be tõnd pʋgẽ, ned sẽn maana liu-n-bogre, maa b maana a yĩnga, maa a bʋga bagre, maa b bʋga bagr a yĩnga, maa a maan tɩɩm, maa b maana tɩɩm a yĩnga, la ned ning sẽn wa bag-bʋdga n kõ sɩd ne a sẽn yet-a, a soab kɩfla ne bũmb ninga b sẽn sik n kõ a Mohammadã, (Wẽnd pʋʋsg la A tɩlgr be a yĩnga)».
[Hasanʋn (be neere)] - [A Al-Bazaar n togs-a] - [Sunan Al-Bazaar - 3578]

bilgrã

Nabiyaamã (Wẽnd pʋʋsg la A tɩlgr be a yĩnga)pʋlma pʋleng beedo, ned ning sẽn wa n tʋmã, sẽn yi yẽ poorẽ nebã, tʋʋm-rãmb sãnda, n yeele: "ka be tõnd pʋgẽ" la sẽn be a pʋgẽ:
Rẽenem: "ned ning sẽn maan liu-n-bogre, maa b maana liu-n-bogr a yĩnga: la yẽ yẽgrã, yaa b sẽn na n bas liuul t'a yɩke, b sẽn wat n maan tʋʋmde, zem tɩ yaa sor togbo, maa yaa tolbo, maa zẽng sẽn ka rẽ. A sã n yɩk n tʋg rɩt wεεngẽ, a sakdame n kell n baas a tʋʋmdã, la a sã n yɩk goagb wεεngẽ, la a sẽn yet tɩ yaa yel-beedo, n yeel tɩ yaa zu-beedo, la a yõk a meng n bas a sẽn rat bũmb ningã, rẽnd ka sakde tɩ ned maan wãnde a meng yĩng ye, maa a rolg ned t'a maan a yĩng ye, la kẽeda rẽnda pʋga ned sẽn na n saag zu-beed tagmas ne bũmbã fãa gilli, zem tɩ yaa sẽn wʋmde, maa yaa sẽn ne, sẽn yaa liuuli, la we-rũmsi, maa yaa zãmsã rãmba (koms-rãmbã), maa yaa limoro maa yaa rasem-rãmba, maa zẽng sẽn ka rẽnda.
Yiib soaba: "ned ning sẽn maan bagre, maa b maana a yĩnga" rẽnd ned ning sẽn wa n yẽgemdẽ t'a mii sẽn solge, zem tɩ yaa ãds la a geta la zẽng sẽn ka rẽ, maa a waa ned ning sẽn yagd zĩri t'a mii sẽn solg nengẽ, wala bag bʋgdb la sẽn wõnd rẽ, n sɩdg-a ne a sẽn yet bũmb ningã, sẽn yaa yel-soondɩ minimã, ad a soab kɩfla ne bũmb ning sẽn sik n kõ a Mohammadã, (Wẽnd pʋʋsg la A tɩlgr be a yĩnga)
Tãab soaba: "ned ning sẽn so tɩɩm, maa b so a yĩnga" yẽ la ned ning sẽn maan tɩɩm a meng yĩnga, maa a rogla ned t'a maan tɩɩma a yĩnga, zem t'a na n naf-a-la ne neda, maa a na n nams-a lame, maa a tʋg n loee yoada ne gĩda, n maan tɩɩm a pʋgẽ, ne a sẽn na n karem sẽn yaa haraam n fʋʋs beenẽ.