عن عمران بن حصين رضي الله عنه وابن عباس رضي الله عنهما مرفوعاً: «ليس منا من تَطَيَّر أو تُطُيِّر له، أو تَكَهَّن أو تُكِهِّن له، أو سحَر أو سُحِر له؛ ومن أتى كاهنا فصدَّقه بما يقول؛ فقد كفر بما أنزل على محمد صلى الله عليه وسلم ».
[صحيح] - [رواه البزار عن عمران بن حصين -رضي الله عنهما-. ورواه الطبراني في الأوسط عن ابن عباس -رضي الله عنهما]
المزيــد ...

Ayon kay `Imrān bin Ḥuṣayn, malugod si Allah sa kanya, at Ibnu `Abbās, malugod si Allah sa kanilang dalawa: "Hindi kabilang sa atin ang sinumang naniwala sa masamang pangitain o nagpahanap ng masamang-pangitain, o nanghula o nagpahula, o nangulam o nagpakulam. Ang sinumang pumunta sa isang manghuhula at naniwala sa sinasabi nito ay tumanggi ngang sumampalataya sa ibinaba kay Muḥammad, pagpalain siya ni Allāh at pangalagaan."
Tumpak. - Isinaysay ito ni Al-Bazar

Ang pagpapaliwanag

Nagsasabi ang Propeta, pagpalain siya ni Allāh at pangalagaan: Hindi magiging kabilang sa mga tagasunod natin, na mga sumusunod sa Batas natin, ang sinumang naniwala sa masamang pangitain o gumawa panghuhula o gumawa ng panggagaway o nagpagawa ng mga gawaing ito dahil nagtaglay ang mga ito ng pag-aangkin sa kaalaman sa Nakalingid na itinangi ni Allah sa Kanya at nagtaglay ang mga ito ng paninira sa mga paniniwala at mga isip. Ang sinumang naniwala sa sinumang gumagawa ng anuman sa mga bagay na ito ay tumanggi ngang sumampalataya sa pagsisiwalat na pandiyos na naghatid ng pagpapabula sa mga kamangmangang ito at ng pagsasanggalang sa mga isip laban sa mga iyon. Napabibilang doon ang ginagawa ng ilan sa mga tao gaya ng pagbasa ng palad o spirit of the glass, o ng pag-uugnay sa kaligayahan ng tao, kahapisan niya, at kapalaran niya sa zodiac sign at tulad niyon. Nilinaw nga ng bawat isa kina Imām Al-Baghawīy at Imām Ibnu Taymiyah ang kahulugan ng `arrāf (nanghuhula sa nangyari sa nakaraan), kāhin (nanghuhula sa mangyayari sa hinaharap), astrologo, at rammāl (nanghuhula sa pamamagitan ng pagtingin sa buhangin) kalakip ng buod nito na ang bawat sinumang nag-aangkin ng kaalaman sa isang bagay na kabilang sa mga nakalingid, siya ay napaloloob sa katawagang kāhin, nakikilahok doon sa kahulugan, at napabibilang doon. Ang kāhin ay ang nanghuhula sa mangyayari sa hinaharap at kumukuha buhat sa nakaw na pakikinig mula sa mga demonyo.

Ang Salin: Ang Balarila ng Wikang Ingles Ang Wikang Pranses Ang Wikang Espanyol Ang Wikang Turko Ang Wikang Urdu Ang Wikang Indonesiyano Ang Wikang Bosniyo Ang Wikang Ruso Ang Wikang Bangla Ang Wikang Tsino Ang Wikang Persiyano الهندية الفيتنامية السنهالية الأيغورية الكردية الهوسا البرتغالية المليالم التلغو السواحيلية التاميلية البورمية التايلندية الألمانية اليابانية بشتو الأسامية الألبانية السويدية الأمهرية
Paglalahad ng mga salin