Hadiis: Yãmb ned fãa ra wa yeele: m Soab A Wẽnde, yaaf-ma tɩ F sã n rata, yols maam tɩ F sã n rata, rɩlg maam tɩ F sã n rata. La a sã n na n kos bɩ a kos vẽenega, tɩ ad Wẽnd maanda A sẽn rate, modgd ka be ne-A ye

عَن أَبِي هُرَيْرَةَ رضي الله عنه عَنِ النَّبِيِّ صَلَّى اللهُ عَلَيْهِ وَسَلَّمَ، قَالَ:
«لاَ يَقُلْ أَحَدُكُمْ: اللَّهُمَّ اغْفِرْ لِي إِنْ شِئْتَ، ارْحَمْنِي إِنْ شِئْتَ، ارْزُقْنِي إِنْ شِئْتَ، وَليَعْزِمْ مَسْأَلَتَهُ، إِنَّهُ يَفْعَلُ مَا يَشَاءُ، لاَ مُكْرِهَ لَهُ». ولمسلم: «وَلَكِنْ لِيَعْزِمِ الْمَسْأَلَةَ وَلْيُعَظِّمِ الرَّغْبَةَ، فَإِنَّ اللهَ لَا يَتَعَاظَمُهُ شَيْءٌ أَعْطَاهُ».
[صحيح] - [متفق عليه] - [صحيح البخاري: 7477]

Yii a Abɩɩ Hʋrayrat nengẽ, (Wẽnd yard be a yĩnga), tɩ yii Nɑbiyɑɑmã nengẽ, (Wẽnd pʋʋsg la A tɩlgr be a yĩngɑ) yeelame:
«Yãmb ned fãa ra wa yeele: m Soab A Wẽnde, yaaf-ma tɩ F sã n rata, yols maam tɩ F sã n rata, rɩlg maam tɩ F sã n rata. La a sã n na n kos bɩ a kos vẽenega, tɩ ad Wẽnd maanda A sẽn rate, modgd ka be ne-A ye»
[Naṣʋn Ṣahɩɩhʋn (Gom-sikdem sẽn manege)] - [B zemsa taab a zugu (A Al-Bʋẖaariy la a Muslim n reeg-a)] - [Ṣahɩɩh Al-Bʋẖaary - 7477]

bilgrã

Nabiyaamã gɩdgame (Wẽnd pʋʋsg la A tɩlgr be a yĩnga) tɩ b ra wa tʋg n rɩk kosgã n yaglg ne bũmb ye, baa yaa Wẽnd raabã, bala yel-kãngã yaa bũmb b sẽn mi tɩ Wẽnd ka yaafde rẽndame t'A tʋllame, (A Naam yɩlg yã), rẽnd tʋg n maan sart t'A sã n ratã, a ka tar võor ye, bala sartã maanda ne ned ninga b sẽn tõe n yeel t'a maanda bũmb ninga a sẽn ka rate ne modgre, la sẽn ka yɩ ne rẽnda sẽn yaa yεl nins Wẽnd yɩlg n yi wã (A Naam yɩlg yã) la Nabiyaamã (Wẽnd pʋʋsg la A tɩlgr be a yĩnga) yaool n vẽnega yel-kãng hadiisã baasgẽ, n yeele: modgr ka be ne Wẽnd ye, wala Wẽnd me, bũmb sẽn ka be n yaa bedr ne-A, A sẽn kõte, A ka yɩ n yaa Kongda, yel ka be n yaa bedr n yɩɩd a nugu tɩ b na n wa yeel t'A sã n tʋll ye. Leb n tʋg n rɩk-a n legam ne Wẽnd sã n tʋllã, sek-m-meng bʋʋd n be beenẽ n yi Wẽnd yaafã wã, rẽnd yεt sẽn yet tɩ "f sã n rat bɩ f kõ-m woto", "f sã n rat n na n kõ maam woto bɩ f kõ-ma", b ka maan yãwã rẽnda ned ning sẽn sek a meng n yi bũmbã, maa yaa ned sẽn ka tõe, la sã n yaa sẽn tõe-a n legem ne pakr la tʋlsem sẽn be beenẽ, a sõmbame n yeel a kosgã vẽenega, la a kos talg kõsg sẽn tar pakre ne bũmb ningã a sẽn kotã, la a lebs a meng Wẽnd nengẽ, bala yaa Wẽnd la Sek-m-meng Soab sẽn pidi, n tõe bũmbã fãa gilli.

Sẽn be Hɑdiisã yõod-rãmbẽ

1. B gɩdgame tɩ b ra wa tʋg n yaglg kosg ne Wẽnd raab ye.
2. Wilgdame tɩ b segd n yɩlga Wẽnd n yi bũmb ninga A sẽn ka sõmb ne-a, la A yɩɩdmã sẽn yaleme, la A sek-m-mengã sẽn pidã, la A kũunã, (A Naam yɩlgame n zẽke).
3. Wilgda pidbã tablg ne Wẽnde (A Naam zẽkame).
4. Wilgda tʋlsmã zɩsgre ne bũmb ning sẽn be Wẽnd nengẽ wã, la tẽ-sõng ne Wẽnde, (A Naam yɩlg yã).
5. Neb sãnda b yagenda b doosã ne Wẽnd tʋlsem, tɩ bãmb ka ning b yamẽ ye, wala sẽn yet "Wẽnd na yao-f sõma t'A sã n tʋlla", "Wẽnd na yols-a tɩ Wẽnd sã n tʋlla", wãndɩ ka segd ye, hadiisã sẽn gomã yĩnga.