Ab Adiis: bu kenn ci yéen di wax naan: yaw sama Boroom jéggal ma bu la soobee, yërëm ma bu la soobee, wërsëgal ma bu la soobee, waaye na dogu ci limuy laaj, ndax moom day def lu ko soob amul ku koy ga

عَن أَبِي هُرَيْرَةَ رضي الله عنه عَنِ النَّبِيِّ صَلَّى اللهُ عَلَيْهِ وَسَلَّمَ، قَالَ:
«لاَ يَقُلْ أَحَدُكُمْ: اللَّهُمَّ اغْفِرْ لِي إِنْ شِئْتَ، ارْحَمْنِي إِنْ شِئْتَ، ارْزُقْنِي إِنْ شِئْتَ، وَليَعْزِمْ مَسْأَلَتَهُ، إِنَّهُ يَفْعَلُ مَا يَشَاءُ، لاَ مُكْرِهَ لَهُ». ولمسلم: «وَلَكِنْ لِيَعْزِمِ الْمَسْأَلَةَ وَلْيُعَظِّمِ الرَّغْبَةَ، فَإِنَّ اللهَ لَا يَتَعَاظَمُهُ شَيْءٌ أَعْطَاهُ».
[صحيح] - [متفق عليه] - [صحيح البخاري: 7477]

Jële nañu ci Abuu Hurayrata -yal na ko Yàlla dollee gërëm- mu jële ci Yonente bi -yal na ko Yàlla dolli xéewal ak mucc- mu wax ne:
"bu kenn ci yéen di wax naan: yaw sama Boroom jéggal ma bu la soobee, yërëm ma bu la soobee, wërsëgal ma bu la soobee, waaye na dogu ci limuy laaj, ndax moom day def lu ko soob amul ku koy ga".
[Wér na] - [Al-buxaariy ak Muslim dëppoo nañu ci génnee ko ci seen ñaari téere yi gën a wér] - [Téere Al-buxaariy bi gën a wér - 7477]

Leeral

Yonente bi yal na ko Yàlla dolli xéewal ak mucc tere na ñuy aj ag ñaan ci dara donte ci coobare Yàlla la; ndax xam na ñu ne Yàlla du jéggale lu dul mu soob ko, kon jarul ñu ciy sàrtal coobareem; ndaxte coobare Yàlla du ñu ko sàrtal lu dul ci koo xamne manula def ci coobare boppam, te loolu Yonente bi leeral na ci mujjug hadiis bi ci waxam ji ne moom amul ku koy ga, kem ni nga xamee ne Yàlla dara lu mu joxe tëwu ko, te tëlewul te dara rëyul ci moom, ba tax ñuy wax: bu la soobee, kiy wax naan: bu la neexee nga jox ma nàngam, loolu ki ñu koy wax mooy ku lott, waaye bu dee ku am kàttan ànd ak ñu soxla lañukoy laaj kooku day dogu ca lamuy laaj’ mu laaj laajub ku ñàkk te soxla lool limuy laaj, mu daldi dellu ci Yàlla; ndaxte moom moy Aji-Doylu ju mat ji, di Aji-Am kàttan ci lépp.

Bokk na ci njariñi Adiis bi

1. Tere nañu aj ag ñaan ci coobare.
2. Sellal Yàlla ci lépp lu yellul ci Moom, ag yaatug ngëneelam, ak matug doyloom, ak teddngaam ak tabeem moom Aji-Sell ji.
3. Saxal ag mat ñeel Yàlla mu màgg mi.
4. Màggal xemmemteef ci la nekk fa Yàlla ak rafet njort ci Moom Aji-Sell ji.
5. Yenn nit ñi dañuy aj ñaan gi ci coobare fekk ne ñoom yéguñu ko, niki di wax naan: yal na la Yàlla fay bu ko soobee, yal na ko Yàlla yërëm bu ko soobee, lii daganul ndax hadiisu bunt bi.