m wẽena ne a Mʋhammad yõorã sẽn be Naab ning Nugẽ wã, ned pa wʋmd mam kibare sẽn be zamã-kãngã pʋgẽ, tɩ yaa Yahʋʋda tɩ yaa Nasaara, rẽ poorẽ t'a ki n ka kõ sɩd ne b sẽn tʋms maam ne bũmb ningã, rẽndame t'a yɩ Bugum biiga Wẽnd kãab beed bee ne Yahuud-rãmb la Nasaar-rãmbɑ, b rɩka b nabiyaam-rãmbã yaado, n maan misa M Soɑbɑ Wẽnde rɑ mɑɑn m Kɑbrã tɩ yɑɑ rʋbg ye Mɑm sekɑ M mengɑ n yi lɑgm-n-tɑɑrɑ rãmb lɑgm-n-tɑɑrã, ned ning sẽn tʋmɑ tʋʋmde n lɑgm bũmb zẽng ne mɑɑm ɑ tʋʋmdã pʋgẽ, m bɑsd-ɑ lɑme ne ɑ lɑgm-n-tɑɑrã Mɑm lebsdɑ m meng Wẽnd nengẽ, n dɑ wɑ tɑll noang yãmb pʋgẽ ye, bɑlɑ Wẽnde -A nɑɑm zẽkame-, A yõkɑ mɑɑm n mɑɑn A zɑoa, wɑlɑ A sẽn rɩk ɑ ɭbrɑhɩɩm n mɑɑn A zɑo wã Ad Wẽnd zabda ra-taare, la muumim me zabda ra-taare, la Wẽnd ra-taarã zabre yaa muumim sẽn wat n maan Wẽnd sẽn gɩdgã ned ning sẽn wẽena, tɩ pa yɩ ne Wẽnde, a soab kɩflame maa a maana lagm-n-taare Ad Pʋʋsg sẽn yɩɩd toog munaafɩgsã zutu, yaa Sãaf la Fagiri, la b sã n dag n mi sẽn be b yiibã pʋgẽ, b rag n na wa n pʋʋs-ba, baa b na n vũnumame Ad sẽn be wẽeng rãmbã pʋgẽ, yaa neb nins dũni yikrã sẽn na n paam-b tɩ b ket n vɩ, la neb nins sẽn rɩk yaadã tɩ yaa miisa Ad mam sẽn yεεsd yãmb zugẽ n tʋg n yɩɩda, yaa lagm-n-ta-bila». Tɩ b yeele: yaa bõe la lagem-n-ta-bila Wẽnd Tẽn-tʋʋmã? T'a yeele: «yaa maan-tɩ-b-yã Ad fo rabdɑ neb sẽn yɑɑ Gɑf rãmb nengẽ, lɑ fo sã n tɑ b nengẽ, bɩ f bool-bɑ n tʋg kɑset mɑɑnego, tɩ soɑb sẽn nɑ n tũ n tɩlg kɑ be rẽndɑ Wẽnde, lɑ ɑ Mʋhɑmmɑd yɑɑ Wẽnd Tẽn-tʋʋmɑ Ra kils-y maam wala nasaar-rãmbã sẽn kils a Maryam biig a Iisa wã ye, ad mam yaa A yamba, bɩ y yeel-y tɩ Wẽnd yamba la A Tẽn-tʋʋma ɑd nebã sẽn yɩɩd zu-noog ne mɑm sugsgã Dũni yikr rɑɑrã, yɑɑ ned ning sẽn yeelɑ tɩ lɑɑ ɩlɑɑhɑ ɩllɑl-Allɑh, n yɩlg-ɑ ɑ sũurẽ wã maɑ ɑ mengẽ wã , Wẽnd kẽed-a-la arzãna a sẽn tʋg n tʋm tɩ yaa a soab fãa gilli ned ning sẽn sεga Wẽnde, n ka maan lagem-n-taar ne-A, a kẽeda arzãna, la ned ning sẽn seg-A,t'a yaa sẽn maan lagem-n-taar ne-A, a kẽeda Bugmã Ned ning sẽn maana kaalem tɩ yẽ kota gees-n-taag zẽng sẽn ka yɩ Wẽnde, a kẽeda Bugmẽ Kεngdbã halkame Ned ning sẽn kollɑ keelem soɑbɑ, mɑa ɑ bɑsɑ bũmb tɩ lʋɩ sɑmdẽ wã, sɑm soɑbã yĩngɑ, Wẽnd kẽesd-ɑ-lɑ Al-Arsã mɑɑsmẽ dũni yikr rɑɑrã, rɑɑr ning mɑɑsem sẽn kɑ be tɩ sã n kɑ A mɑɑsmã Ned ning Wẽnd sẽn wa n rat-a ne sõma, A rogend-a-la yelle Bas-y maam tɩ mam sã n bas yãmba, ad sẽn reng-b yãmb taoorã halkame, b sogsgã la b sẽn yõsd ne b nabiyaam-rãmbã yĩnga Wẽnd pʋlmɑ tʋʋm sõmbsã lɑ tʋʋm wẽnsã, rẽ poorẽ t'A vẽneg rẽ, rẽnd ned ning sẽn sɑɑgɑ yel-sõmde lɑ ɑ Kɑ mɑɑne, Wẽnd gʋlsd-ɑ-lɑ A nengẽ n kõ-ɑ yel-sõmd sẽn pidi, lɑ ɑ sã n sɑɑg-ɑ lɑ a mɑɑn-ɑ Wẽnd gʋlsd-ɑ-lɑ A nengẽ n kõ-ɑ yel-sõmd piigɑ n tʋg n tãɑg fãoob kobs-yopoe, n tʋg n tãɑg fãoob wʋsgo, lɑ sẽn sɑɑgɑ ne tʋʋm wẽngɑ lɑ ɑ Kɑ tʋm-ɑ Wẽnd gʋlsd-ɑ-lɑ A nengẽ yel-sõmd sẽn pidi, lɑ ɑ sã n sɑɑg-ɑ n mɑɑn-ɑ, Wẽnd gʋlsdɑme n kõ-ɑ yel-wẽng ɑ yembre Ad Wẽnd ka get y naandã la y arzεkã ye, la ad A geta yãmb sũyã la y tʋʋmã lɩslaangã yaa f maan kaset tɩ soab sẽn na n tũ n tɩlg ka be rẽnda Wẽnde, la a Mʋhammad yaa Wẽnd Tẽn-tʋʋma, la f yals ne Pʋʋsgo la f yãk Zaka n kõ, la f loe Ramadaane, la f kaag Roogã tɩ f sã n paam sor n na n tʋg beenẽ Ned ning sẽn wɑ n tɩʋʋs bũmb tõnd yel-kãngɑ pʋgẽ, sẽn pɑ be ɑ pʋgẽ, tʋʋm-kãngɑ pɑ reegd ye Yaa Mam yembse, ad Mam gɩdga wẽgd Mam zugu, n maan-a t'a yaa haraam yãmb ne taab sʋka, bɩ y ra wẽg taab ye Biigɑ, ɑd mɑm nɑ n wilga foom gom-biisi, gũus Wẽnd t'A nɑ gũus-fo, gũus Wẽnd tɩ fo nɑ mik-A f togellẽ wã, f sã n nɑ n kos bɩ f kos Wẽnde, lɑ f sã n nɑ n kos sõngre bɩ f kos Wẽnde Mam poorẽ rãmbã fãa kẽeda arzãna, sã n pa sẽn tõdga Ned ning sẽn wa n tʋg n wõns a meng ne neba, yẽ me lebga bãmba M soka Nabiyaamã, (Wẽnd pʋʋsg la A tɩlgr be a yĩngɑ) yaa zũnuub pʋgo zɩslem n yɩɩd Wẽnd nengẽ? T'a yeele: «yaa fo sẽn na n maan mak-n-taag ne Wẽnde, tɩ Yẽ n yaool n naan foom Ka sõmb ne neda t'a wãag a ma-bi taaga, tɩ yɩɩd rasem a tãab ye, tɩ b yekd taaba, tɩ yãwã kɩlled kaanẽ, tɩ yãwã kɩlled kaanẽ, la b yiibã sõma sẽn yɩɩda, yaa sẽn sɩnga a to wã pʋʋsgã Ned ning sẽn namsa nebã, Wẽnd namsd-a lame, ned ning sẽn kenga nebã, Wẽnd kengda a zugu Ad yãmb na n yãa y Soabã, wala yãmb sẽn ne kiu-kãngã wã, la yãmb ka maand sik a yãabã pʋgẽ Ad Wẽnd tõe n yaoolga wẽgdã, t'A sã n wa yõk-a a ka põsgd-A ye M ka na n tʋms foom bũmb ning yĩnga, Wẽnd Tẽn-tʋʋmã (Wẽnd pʋʋsg la A tɩlgr be a yĩnga) sẽn tʋms maam ne bũmb ningã? Tɩ f ra bas nin-naande rẽndame tɩ f saram-a, la f ra bas yaoog sẽn zẽke, rẽndame tɩ f zẽms a taaba Ka be tõnd pʋgẽ, ned sẽn maana liu-n-bogre, maa b maana a yĩnga, maa a bʋga bagre, maa b bʋga bagr a yĩnga, maa a maan tɩɩm, maa b maana tɩɩm a yĩnga Ned ning sẽn wa yel-soaandɩ togsd nengẽ, n sok-a bũmbu, b ka reegd a Pʋʋsgo, rasem pis-naase Ned ning sẽn wa n tʋg n moka bãngr sẽn yaa ãds bãngre, ad a moka bãngr sẽn yi tɩɩmã bãngrẽ, yẽ me paasa tɩɩmã a sẽn paas ãdsã karengã yĩnga Lɩɩmaoong yaa kõbg pis-yopoe la zaka, maa pis-yoob la zaka, sẽn tʋg n zẽk n yɩɩde yaa Laa'ɩlaaha ɭllallaah» yeelgo, la sẽn tʋg n paood n yɩɩde, yaa fo sẽn na n rɩk bũmb sẽn namsd nebã n yiis sorã t'a ra bas bobr yʋgemd yublẽ, zem tɩ yaa tãpo maa yaa loore, rẽndame tɩ b tõsg-a Ned ning sẽn yeele: Laa'ɩlaaha ɭllallaah= soab sẽn na n tũ n tɩlg ka be rẽnda Wẽnde, la a kɩflg ne bũmb fãa sẽn tũudi zẽng tɩ ka Wẽnde, a arzεkã la a zɩɩmã lebga haraam ne nebã, la a geelgã bee ne ne Wẽnde Yolsdbã, Arrahmaan Naab na n yols-b lame, yols-y sẽn be b tẽngã, tɩ sẽn be a saasẽ wã na n yolsa yãmba Wẽnde (A Naam zẽk yã) A na n yeela Bugum koɑmbã nang sẽn yɩɩdɑ valeng dũni yikr raarã: rẽ yĩnga fo sã n rag n tarẽ bũmb ning sẽn be Tẽngã gilli, f rag n na n yaoome n põs bɩɩ? T'a yeele: n-yee Ad gomd ning sẽn zĩnda be n yaa sɩdã, zĩnã zεεgda sɩd-kãnga n rɩk-a n tʋg n ning a noangã tʋbrẽ, wala no-yãang põgbo, tɩ b rɩk-a n gẽdg ne zĩri-beed sẽn yɩɩd koabga Ned ka be, n maan kaset tɩ (laa ɩlaaha ɩllal-Allaah, wa ɑnna Mʋhammadan rasʋʋllaah) = (M maanda kaset tɩ soab hakɩɩk pa be rẽnda Wẽnde, la m maand kaset t'a Mʋhammad yaa Wẽnd Tẽn-tʋʋma) n kõ sɩda a sũurẽ wã, rẽndame tɩ Wẽnd harm-a ne Bugmã Tõnd Soabã sigdame, -A Naam zẽkame- yʋng fãa, n wa dũni saasẽ wã, yʋngã sẽn pʋɩ tãab n yãk yembrã sã n wa ta a baasgã zĩigẽ Ra zĩnd-y yaadã zut ye, la y ra pʋʋs n togl-b ye Ad bãmbã yaa nebã tɩ yamb sõngo maa nin-sõng sã n ki b nengẽ la b sẽn met miisr B mee lɩslɑɑngã zeng-raad a nu zugu Ned ning sẽn wa n yã yel kitgɑ, bɩ a tedg-a ne a noorã, la a sã n ka tõe rẽnda, bɩ a tedg-a ne a zɩlemdã, la a sã n ka tõe rẽnda, bɩ a tedg-a ne a sũurã, la yẽnda n tʋg n yɩɩd ne lɩɩmaɑng sẽn yaa valanga. ned ning sẽn manega lɩslaoongã pʋgẽ, b ka yõkd-a ne bũmb ninga a sẽn tʋm Zɩɩlmã sasa ye, la ned ning sẽn wẽnga lɩslaoongã pʋgẽ, b yõkd-a la ne a rẽenem la a yaoolem tʋʋm fãa kõ maam kibare, rẽ yĩnga mam sã n pʋʋs wakat-rãmb a nu wã, la m loe Ramadaanã, la m maan halaalã yɩlgrã a yaa lɩɩmaang pʋsʋka, la Alhamdʋ lillah, a pita tʋʋmã geelg laoko, la sʋbhaanallaah la Alhamdʋ lillaah, b yiibã pitame, maa a pita bũmb ning sẽn be saasã la tẽngã Yaa sɩda, ad sã n wa beẽ, neb n na n zĩndi tɩ mam hadiis (gomd) wa tʋg n ta a nengẽ, t’a yaa sẽn kɩll a zaoog zugu, n yetẽ : « ad tõnd ne yãmb sʋka yaa Wẽnd Gafã , yaa b tũ Wẽnde la b ra maan lagem-n-taar ne-A ye, la yembsã hakε sẽn zao Wẽnde, yaa A ra wa tʋg n nams ned sẽn ka maan lagem-n-taar ne-A baa fʋɩ ye yaa ned ning sẽn maan kaalem n ka maan lagem-n-taar ne Wẽnd baa fʋɩ, yaa tɩlae t’a kẽ arzãnã, la ned ninga sẽn maan kaalem t’a yaa sẽn maan lagem-n-taar ne Wẽnde, ne bũmbu, a kẽeda Bugumã wilgd maam gomde, lɩslaangã pʋga, m sẽn kõn n le sok-a ned baa a yembr sã n ka foom, t'a yeele: «yeele: m kõo sɩd ne Wẽnde, rẽ poorẽ, tẽeg tɩrga Ad Wẽnd na n yiisa ned mam poorẽ rãmbẽ wã, bõn-naandsã taoore, yikrã raarã wakat ning Wẽn d sẽn wa n naan arzãnã la Bugmã, A tʋmsa a Gibriila, tɩlgr be a yĩnga Wẽnd gʋlsa bõn-naandsã pʋlenga, taoor t’A na n ka naan saasã la tẽngã, yʋʋm tus pis-nu M kengd-y-la ne Wẽnd zoεεga la sak-n-tũ, la yãmb na n yãa mam poorẽ, yõs taab wʋsgo, bɩ y gãd mam Sunnah la lεdsdb nins sẽn yaa tẽeg tɩrg-rãmbã, sẽn yaa kãndgdbã Sunnah Ad bũmb ning sẽn be ne ned la lagem-n-taarã la kɩfẽndã sʋka, yaa Pʋʋsg basbo Ad alkaool ning sẽn be tõnd ne b sʋka, yaa Pʋʋsgã, rẽnd ned ning sẽn bas-a, a kɩflame Ad Wẽnd, (A Naam yɩ wagell n zẽke), A gɩdgda yãmb y yaab-rãmbã wẽenego Rẽenem b sẽn na n bʋ nebã ne taab sʋka dũni yikr raarã yaa zɩɩmẽ wã Ad b yiibã b namd-b lame, la ad b ka namsd-ba yel bedr poorẽ ye, b yiibã yembrã, yẽnda rag ka yɩ n gũusd a rʋʋdmã tɩ ra mat a mengã ye, la sã n yaa yembrã, yẽ rag n kẽnda ne tẽng-kãn-wẽendo nebã ne taab sʋka Tɩ raoa n sok Nabiyaamã (Wẽnd pʋʋsg la A tɩlgr be a yĩnga) dũni wã yikr yelle, n yeele: dũni yikr yaa rabʋre? T'a yeele: «La yaa bõe la fo seglg dũni yikr yĩngã? Rẽ yĩnga, m ka na n togs yãmbã, yẽsg sẽn kẽed ne a Dagεεl yelle, Nabiyaam baa a yembr ka tol n yẽs a nebã ne-a? La ad a yaa nin-feoogo, la ad a na n waame n tar wala arzãn la Bugum buudu Ned fãa bee a nong-n-taag na-kẽndr zugu, bɩ yãmb yembr fãa tags n ges ned ning a sẽn na n rɩk n maan a zaoa Yãg-y n maan tʋʋm sõmã taoor tɩ zarb-n-gesg na n ka wa sẽn yaa wala yʋn-lika, Laa ɩlaaha ɩlla Allaah= soab sẽn na n tũ sɩd-sɩd ka be, sã n pa Wẽnd ye, wɩɩbd be ne laarab-rãmb ne yel-wẽng sẽn kolge, b paka a Yaaguug la a Maaguug gɩdrã rũndã wala wãndɩ Baolleg (yεla) ka bak n be ne sɩd-kõta la sɩd-kõt paga, a mengẽ la a biigẽ, la a arzεkẽ, hal t'a wa tʋg n sεg Wẽnde, n ka tar zũnuub ye Ra n yeel-y tɩ: "Wẽnd sã n sak la a zagl me sak ye", la yeel-y tɩ: "Wẽnd sã n sak, rẽ poorẽ t'a zagl sake Yãmb na n pʋga neb nins sẽn reng yãmb taoorã na-kẽndre, nug-yakemd la nug-yakemde, la kãntɩɩg la kãntɩɩga Ned ning sẽn boola n tʋg kãndgre, a soab tara keoore wala neb nins sẽn pʋg-a wã, tɩ rẽndã me ka boogd bãmb keoorã baa fʋɩ Liu-n-bʋgrã (zu-beed saagrã) ad a yaa lagem-n-taare, liu-n-bʋgrã (zu-beed saagrã) ad a yaa lagem-n-taare, liu-n-bʋgrã (zu-beed saagrã) ad a yaa lagem-n-taare, -noor a tãabo», la ned ka be tõnd pʋgẽ wã, rẽndame t'a saag-a, la Wẽnde, (A Naam yɩ wagell n zẽke), A loogɑ ne-a ne bobl-m-meng ne Wẽndã tɩ tõnd yeele: foom la tõnd zu-soaba, tɩ Nabiyaamã yeele: «ad zu-soabã yaa Wẽnde», tɩ tõnd leb n yeele: foom n leb n yɩɩd tõnd ne yɩɩdlem n leb n yɩɩd tõnd ne kũuni, 'ta yeele: «yeel-y wala yãmb sẽn da yeta bala, maa yeel-y rẽ sãnda, la y ra bas t'a sʋɩɩtãan tak yãmb n kẽng wẽngẽ ye yãmb a neba, m kengda yãmba ne maan-n-zʋʋg dĩinã pʋga, ad bũmb ning sẽn da halk sẽn reng-b yãmb taoorã yaa maan-n-zʋʋg dĩinã pʋgẽ Longr ka be, liu-n-bogr ka be, kolonkoog kelem beed ka be ye, ki toog ka be, la f zoe n zãag wõod soaba, wala f sẽn zot n zãagd bõnyẽega Longr ka be, liu-n-bogr ka be, la ad fa'aal nooma maam», la a yeele, la b yeel yã, yaa bõe la fa'aal (tẽ-sõngã) la a yeel yã: «yaa gom-yɩlenga Yii Nabiyaamã nengẽ (Wẽnd pʋʋsg lɑ A tɩlgr be ɑ yĩngɑ) t'a yeela Ansaar-rãmbẽ wã: «ned ka yɩt b nonglem rẽnda sɩd-kõta, ned ka gẽed-b me rẽnda munaafɩka, ned ning sẽn yɩ b nonglem Wẽnd yɩta a nonglem, la ned ning sẽn gẽ-ba, Wẽnd gẽed-a lame Pẽnes-y la y remse, la y bãng tɩ ad yãmb baa a yembr ka na n tõog n põs a tʋʋm yĩng ye». La b yeel yã Wẽnd Tẽn-tʋʋmã baa ne foom? La a yeele «Baa maam, sã n ka Wẽnd n na n lud maam ne yolsg sẽn yi A nengẽ la kũuni Nabiyaam ka be Wẽnd sẽn tʋms-a zama pʋgẽ, sẽn reng mam taoore, rẽndame t'a tall a zamã wã pʋgẽ Hawariyyʋʋmba (pʋgdba), la Ṣahaabs sẽn rɩkda a Sunnah la b pʋgd a sagellã B kõo maam yεl a nu, b pa reng n kõ-b ned mam taoor ye Rẽ yĩnga, m ka na n kõ yãmb arzãn kẽedbã kibare? Ad yaa nin-valenga b sẽn valemds a soaba, a sã n wẽen ne Wẽnd t'a na maneg yelle, a sɩd manegdame. Rẽ yĩnga m ka na n kõ yãmb kibare ne Bugum koambã: yaa koko-kεgeng soaba, sẽn yaa rɩ-toog soaba n yaa waoog-m-meng soaba Mam bee M yambã tẽ-sõng pʋga, M bee ne-a a sẽn wat n tẽegd Mam yʋʋrã A põsame t'a sã n sɩdge Raar sõmblem, wĩndgã sẽn puk a zugu, yaa arzũm raare Yamb ka maand yamb sʋtr dũni-kãngã pʋgẽ, rẽndame tɩ Wẽnd maan-a sʋtr dũni yikr raarã bõe la d na n tik n balam foom? T'a yeele: «Yaa y tũ Wẽnde, la y ra maan lagem-n-taar ne Wẽnd baa fʋɩ ye, la y pʋʋs wakat a nu wã la y tũ, -la a solga gom-bila- la y ra bõos nebã baa fʋɩ ye Lɩslaamã b sã n sok-a yaoogẽ wã, la a sẽn maan kaset tɩ soab sẽn na n tũ n tɩlg ka be rẽnda Wẽnde, la a Mʋhammad yaa Wẽnd Tẽn-tʋʋma B sagla maam tɩ m zab ne nebã, halɩ tɩ b wa maan kaset tɩ soab sẽn na n tũ n tɩlg ka be ye, rẽnda Wẽnde, a Mʋhammad yaa Wẽnd Tẽn-tʋʋma, la b yals Pʋʋsgã, la b kõ Zakã Ad Wẽnd gãndg n basa maam zamã wã, tudgr la yĩmbu la b sẽn modg-b tɩ b maan bũmb ningã B na n pẽnega sɩd-kõta dũni yikr raarã ne a Soabã (A Naam yɩ wagell n zẽke) t'a Soabã maan-a sʋtra a zugu n yi zamã wã Sɩd la hakɩɩka f sok yel-zɩsg kibare, la ad yaa naana ne Wẽnd sẽn yols a soaba Yãmb a nebã, ad Wẽnd yaa yɩlgemde, la A ka reegd rẽnda yɩlgemde, la ad Wẽnd sagla sɩd-kõtbã ne bũmb ning A sẽn sagl tẽn-tʋʋmbã Ra kʋ-a ye, ad fo sã n kʋ-a, a be fo zĩigẽ wã taoor tɩ fo na n ka kʋ-a wã, la fo me na n zĩnda a zĩigẽ wã a sẽn wɑ n na ka yeel a gomd ningã a sẽn yeel-a Yamb nao-kadem a yiibã ka na n zẽke, halɩ tɩ b wa tʋg n sok-a a vɩɩmã a sẽn sεεs-a zĩig ningã, la a bãngrã, a sẽn tʋm bũmb ning ne-a, la a arzεkã, yaa yε la a paam-a la a kẽes-a-la yεεnẽ, la a yĩngã a sẽn kʋɩdg-a zĩig ningã Mam na n kõo tap-kao-kãngã raoa, sẽn nong Wẽend la A Tẽn-tʋʋmã, Wẽnd na n paka sẽn tũ ne a nugu Muumin-rãmbã bilgri, b nong-taabã la b yols-taabã la b nim-bãan-zoεεgã pʋgẽ, b yaa wala yĩnga, yĩn-will sã n zĩnd beenẽ n zabdẽ, la yĩngã fãa gill sẽn boond taab n lagem-a ne gõeem basbo la yĩn-zabre Ka be tõnd pʋgẽ ned ning sẽn pãba yεgdse la a pars a fut la a kot Zɩɩlem rãmb kosgã Adem-biiga, ad fo sẽn kos Maam la f tẽ Maam, M yaafda foom baa fo sẽn maan bũmb ninga, tɩ M toog ka be ye Muumin sẽn tar pãnga, yẽnda sõmblem, n leb n nong Wẽnd n yɩɩd muumin sẽn yaa valenga, la b fãa yaa sõma, la m wẽen ne mam yõorã sẽn be Naab ning nugẽ wã yãmb na n zomba sẽn reng-b yãmb tɑorã sore Tɩ raoa n wa Nabiyaamã nengẽ (Wẽnd pʋʋsg lɑ A tɩlgr be ɑ yĩngɑ) n gom ne-a yεl sãnda pʋgẽ, t'a yeele: "Wẽnd sã n sake tɩ fo sake", tɩ Nabiyaamã (Wẽnd pʋʋsg lɑ A tɩlgr be ɑ yĩngɑ) yeel-a: «fo rɩka maam ne Wẽnd n maan tɩ yaa yembre? Yeele: Wẽnd A Yembr sã n sɑke ad nebã sẽn yɩɩd namsgo Wẽnd nengẽ dũni yikr raare, yaa neb nins sẽn maand n wõnesd Wẽnd naanegã Adam-biig yagsa maam, la ka sõmb ne-a t'a rag n yags Maam ye, a tʋʋ Maam, la rẽ rag n ka sõmb ne-a ye Ned ning sẽn wa n maana Mam noang beem, ad M segla a soab ne zabre, la Mam yamba ka yɩ sẽn na n pẽneg Maam ne bũmbu, tɩ noom Maam n yɩɩd Mam sẽn maan faril ning n rogl-a wã ye Yεl a yiib n be nebã pʋgẽ tɩ b yaa kɩfẽnd ne-ba: yaa buud sãbsg lɑ ɑ rõdbo, la b kʋʋr no-bendo Yãmb mii talg bɩɩ? Ka tar sẽn yaa sãnem bɩ wanzur soaba, sẽn ka kõta Zaka, rẽndame tɩ dũni yikr raarã b rɩkd-a lame n maan piisds sẽn yaa Bugum sɑ-tʋʋlse Yãmb ned baa a yembr ka be rẽndame tɩ Wẽnd gom ne-a, no-rεεs ka na n zĩnd b sʋk ye ned ning sẽn wa n bob tɩ-yoadã, ad a maana lagem-n-taare rag n yɩɩme t'a sã n kẽ miisrã, a yetame: «Aʿʋʋzʋ Billaahɩ Al-ʿAẓɩɩm, Wabɩ waghɩhɩɩ Alkarɩɩm, wa sʋlṭaanɩhɩɩ Alƙadɩɩm, Min Aš-šayṭaan Arragɩɩm= m kota gũudum ne Wẽnd sẽn Zɩsã, la ne A Nengã sẽn yaa Wagellã, la A Naamã sẽn yaa kʋdrã, n yi a sʋɩtãan b sẽn lobã Ad Wẽnde (A Naam yɩ wagell n zẽke) na n yeela arzãn koambã: arzãn koamba? D sak yã, m sɑk F yĩngɑ, tɩ Wẽnd yeele: rẽ yĩnga yãmb maana yardo? Tɩ b yeele: bõe n tar tõnd tɩ d ka na n yare, tɩ sɩd la hakɩɩka F yaool n kõo tõndo F sẽn ka kõ ned Fo bõn-naandsẽ wã? Ned ka sõmb n rõd a to ne dĩin yiib tʋʋm ye, a ka sõmb n rõd-a ne kɩfẽnd ye, sã n ka rẽnda a lebgd n waa yẽ zugu, sã n mikame t'a soabã ka woto Malεgsã ka kẽed zak ning baaga maa nin-naand sẽn be a pʋgẽ ye Malεgsã ka tũud tũud-n-taar ning baaga maa lombr sẽn be beenẽ ye Ra wẽen-y ne rʋbsã ye, la ra wẽen-y ne saam-rãmbã me ye Ned ning sẽn wa n tʋg n wẽena ne Amaana (bas-m-yam), yẽ soab ka be ne tõnd ye Kẽng ne mam neood a yiibã woto wã, tɩ fo sẽn sεg ned ning lal-kãngã poorẽ t'a maan kaset tɩ soab ka be tɩ sã n ka Wẽnde, n tar bãng-n-wãak ne a sũurã, bɩ f noog a sũur ne Arzãna Lɩslaama yaa ned ning lɩslaambã sẽn tɩlg n yi a zelemde la a nugu, la muhaagɩrʋ (ned ning sẽn yik ne a dĩin n zoetẽ), yẽ la ned ning sẽn bas bũmb ning Wẽnd sẽn gɩdgã Ned ning sẽn yeela a sẽn wʋmd lanndaana boollã: Alllahuma Rabba haḏihi ad-daʿawat at-taammati, waṣ-ṣalaat al-ƙaa'imati, aatɩ Mʋhammadan al-wasɩɩlata walfaḍɩɩlata, wabʿaṯhu maƙaaman mahmuudan allaḏɩɩ waʿadtahʋʋ= m Soaba Wẽnde sẽn yaa dʋaag-kãnga sẽn pidã Naabã la Pʋʋsgã sẽn duumdã, kõ a Mʋhammad Radgã la yɩɩdlmã, la F kõ-a pẽgr zĩig-ninga Fo sẽn pʋlm-a wã. Mam Sugsgã paamd-a lame, dũni wã yikr raare Ra tʋ-y mam Ṣahaabsã ye, ad yãmb yembr sã n yãk n naf sẽn zems wala Ʋhud tãngã tɩ yɑɑ sãnem, a kõn n ta b yembr nus a yiibu, ka b nus a yiibã pʋsʋk me Ned kõ n kẽ Bugmã lae, rao sẽn seet Badr la Hʋdaybiyya Wẽnd Tẽn-tʋʋmã (Wẽnd pʋʋsg la A tɩlgr be a yĩngɑ) yeela a Abuu Bakr la a Ʋmar: «bãmbã b yiibã la arzãn kom-pogse, rẽenem rãmbẽ la yaoolem rãmbẽ, sã n ka nabiyaam-rãmbã la tẽn-tʋʋmbã A Hasan la a Hʋsayn, bãmb b yiibã yaa arzãnã rasãmb zu-raado Yãmb yembr sã n maan kaalem, b ballda a zĩndgã zĩigã, yibeoog la zaabre Yel-kãngã na n taa zĩig fãa yʋng la wĩndg sẽn taẽ, la Wẽnd ka na n bas tẽng pʋgẽ roto, A ka na n bas gãnd zagse, rẽndame t'A kẽes-a dĩin-kãngã a ka yeel baa raar a yembre : “m Soab a Wẽnde! Yaaf maam m tʋʋm tuuti wã Dĩinã rolb raare rẽ yĩnga yãmb mii y Soabã sẽn yeele?” Tɩ b yeele: Wẽnd la A Tẽn-tʋʋmã n mi. T’a yeele: ad Mam yembsã pʋgẽ, vẽega beoog tɩ neb be beenẽ n kõ sɩd ne Maam, la kɩfl ne Maam tõnd mi n tagsda d mensẽ wã, bũmb ning sẽn yaa bedre, tõnd ned baa a ye ka tõe n gom ne a noorẽ ye, tɩ Nabiyaamã yeele : « yãmb paama yel-kãngã y sũy wã ? » tɩ b yeele: « n-yee » la Nabiyaamã yeele : «ad yaa yẽ meng la sɩd-kũunã vẽenega Pẽgr be ne Wẽnde, sẽn kɩta a rabrã tɩ legb yuus-yuusã Sʋɩɩtãanã wata yãmb yembr fãa nengẽ, n yεεl-a « ãnda n naan wãnde ? Ãnda n naan wãnde ? » Halɩ n wa yeele: « la ãnd n naan fo Soaba ? » Rẽnd a sã n wa ta woto, bɩ a kos gũudum n yi a sʋɩɩtãana la a base Ad Wẽnd ka wẽgd muunim baa yel-sõmd a yembr ye, A kõt-a-la dũni wã neemã sẽn tũ ne yel-sõmdã la A leb n rol-a rol sõngo laahr raare fo tuubame n lagem ne f tʋʋm nins fo sẽn da tʋm tɩ loog tɩ yaa sõmã wã munaafɩk bilgri, a yaa wala pesg b sẽn peng rot a yiib sʋka, tɩ b pengd-a n kẽngd kaanẽ vugri, raar ning tɩ b leb n tall-a n kẽng rũng ro-kãngã Ad sɩd-kũunã kʋdgda yãmb yembr fãa nengẽ, wala fuug sẽn kʋdgd to-to ningã, bɩ y kos Wẽnd t’A palms sɩd-kũunã y sũy wã Ad sẽn be dũni wã yikr tagmas-rãmbẽ, b na n wa zẽka (yẽesa) bãngre, tɩ zɩɩlem wʋsge, tɩ yoobã wʋsge, tɩ rãamã yũub wʋsge, tɩ raopã sõor lebg kɩdga, tɩ pagbã wʋsge, halɩ tɩ pagb pis-nu na n wa yaa raoa a yembr n yãs ne b yelle Dũni wã ka na n yiki halɩ tɩ raoa wa pɩʋʋg a to yaoogo, n yetẽ: kato, m sã n rag be yãwã zĩigẽ wã, ra sãoome Dũni ka na n yiki, halɩ tɩ yãmb wa tʋg n zab ne Yahuud-rãmbã, halɩ tɩ kugr ning yahuud sẽn solg a soab poorẽ wã wa yeele: «lɩslaamã! Wa kaanẽ, tɩ woto yaa Yahuudã sẽn be mam poorẽ, wa kʋ-a M wẽen ne Naab ning mam yõorã sẽn be A Nugẽ wã, keta bilf t'a Maryam biig sig yãmb pʋgẽ, t'a Bʋʋdã yaa tẽeg tɩrga, n kao pikã, la a kʋ kurkuyã, la a bas yõor yaoob reegre, tɩ arzεkã wʋsge, halɩ tɩ ned baa a yembr ka reegd-a ye Dũni wã ka yikdi halɩ tɩ wĩntoogã wa tʋg n puk a sẽn lʋɩtẽ wã, rẽnd a sã n wa tʋg n puk a sẽn lʋɩt zĩig ningã, tɩ nebã yã-a, b fãa gill na n kõo sɩda Dũni wã ka yikd halɩ tɩ zãmaanã Wẽnd koonda tẽngã n wẽbg-a la A kool saagã ne A rɩtgo, rẽ poorẽ t'A yeele: Maam la Naabã, tẽngã nanamsã bεε? Mam bãkã Wẽnd sẽn waoog maam ne-a wã laahr raarã, a woglemã yaa kiuug kẽnd tεka, a koomã peelem yɩɩda bĩisim, t’a yũugã noom yɩɩd misk parfẽ M na n bee bãkẽ wã, n get ned ning sẽn na n wa yũ yãmb pʋgẽ, la b na n gɩdga neb tɩ b ra ta maam ye, tɩ mam yeele : « m Soab a Wẽnde, ad bãmbã yaa mam nebã, b yaa mam poorẽ rãmbã m wẽen ne a Mohammad yõorã sẽn be Ning nugẽ wã, ad bãkã ko-teesã waooglemã yɩɩda saaga ãdse la a bõn-witi B na n waa ne kũum t’a wõnd pesg sẽn tẽgse Yãmb dũni bugmã yaa Gεhannam Bugmã sẽn pʋɩ zĩis pîs-yopoe bεk a yembre Wẽnd Tẽn-tʋʋma, -Wẽnd Tẽn-tʋʋma, Wẽnd pʋʋsg la A tɩlgr be a yĩnga-, yẽsa tõndo, yẽnda me la sɩd soaba b sẽn kõt a soab goɑm sɩdã, a yeelɑme: «ad yãmb yembr fãa, b tigimda a naanegã, a ma wã pʋgẽ rasem pis-naas la yʋnd pis-naase, Bũmb fãa tũuda ne Wẽnd pʋlenga, halɩ n tʋg n tãag kongre, la yam, maa yam sɩlem la kongre Wẽnd sã n bʋ yamba, t’a ki tẽng ninga, A maanda tʋlsem ne yambã tɩ be tẽn-kãng pʋgẽ, t’a kẽnge la ad yaa maam la a Damaam, ɭbn Sa’alaba, n yaa Banii Sa’ad ɭbn Bakr neda Nabiyaamã, (Wẽnd pʋʋsg la A tɩlgr be a yĩnga), tẽega bũmb yell n yeele: “ ad rẽnda yaa bãngr loogr ra sɩdg-y bãmbã la ra yags-y-b me ye, la yeel-y» : «{Tõnd kõo sɩd ne Wẽnde, la b sẽn sik n kõ tõndã} B sika wahɩ wã Wẽnd Tẽn-tʋʋma, (Wẽnd pʋʋsg la A tɩlgr be a yĩnga), zugu, t’a tara yʋʋm pis-naase Yahuud-rãmbã yɑɑ b sẽn gẽ-b rãmbɑ, la Nasaar-rãmbã yaa menemdbɑ rẽ yĩnga ka Soab ning sẽn da kẽnes-a a nao wã zugu dũni wã, Yẽ ka tar tõog n na n kɩt t’a kẽn a nengã zugu, yikr raarã? yeel tɩ soab sẽn na n tũ n tɩlg ka be rẽnda Wẽnde, tɩ m na maan kaset n fãag-fo gom-kãngã sabab yĩnga, dũni yikr raarã ad fo sẽn yet bũmb ninga la f boond n tʋgdẽ wã be neere, la fo sã n da kõ tõnd kibare, tɩ tõnd sẽn da maan tʋʋm ningã tara yaafa Kẽng a nengẽ n tʋg n yeel-a; ad fo ka Bugum ned ye, la ad fo yaa arzãn neda {Rẽ poorẽ b na sok yãmba, raaren-kãngã, neema wã yelle.} Ad neb n na n zĩndi, zamaan yaoolem mam poorẽ dãmbẽ wã, n yẽsd yãmb ne kibay nins yãmb sẽn ka wʋme, y yaab-rãmb ka wʋme, bɩ y gũus y mens ne-ba Gʋlse, tɩ m wẽen ne Naab Ning mam yõorã sẽn be a soab nugẽ wã, ad bũmb ka yit a pʋgẽ tɩ sã n ka sɩd ye Yãmb sã n wʋm laandãan boaandã sẽn boonde, bɩ y yeel wala a sẽn yetã, rẽ poorẽ bɩ y pʋʋs maam Yãwã yaa sʋɩɩtãan b sẽn boond tɩ Hinzib, fo sã n wa paam-a f Pʋʋsgã pʋgẽ, bɩ f kos gũudum ne Wẽnd n yi-a la f tʋbs f goabgã wεεngẽ noor a tãabo Ned ning sẽn yara Wẽnd tɩ yaa a Soaba, la lɩslaɑngo tɩ yaa a dĩini, la a Mʋhammad tɩ yaa a Tẽn-tʋʋma, a lemba sɩd-kũun noom Yεl a naase n be beenẽ, b sẽn wa n be ned ning nengẽ a yɩtame n yaa munaafɩk vẽenega, la ned ning b yembr sẽn wɑ n be ɑ nengẽ , yẽ soab tara sɩf ɑ yembr sẽn yaa munaafɩglem, halɩ t'a wa tʋg n bas-a: -bãmb lɑ woto-: b sã n maan-a bas-m-yam a zãmbdame, a sã n yẽsdẽ a yagdame, a sã n rɩk alkaoole a zãmbdame, a sã n zabe a wẽngdame Laandãan boondbã n yɩɩd nebã ne yubli woglem dũni yikr raarã Lɩslaam pa be Masɩɩm sẽn n na n paam-a t'a yeele: {ɩnnaa lɩllaahɩ wa ɩnnaa ɩlayhɩ raagi-ʋʋn= tõnd yɑɑ Wẽnd soolem d lebr zĩig me yɑɑ A nengẽ} [Al-baƙara (Naafã sʋʋra): 156]. M Soab a Wẽnde kõ-m keoore m masɩɩbã pʋgẽ la F leds-ma sõmã sẽn yɩɩda, rẽndame tɩ Wẽnd keo-a a masɩɩbẽ wã, la a lεds-a sõmblem sẽn yɩɩd-a Ad zãmaan yaoolem, neb n na n wa tɩ b yʋʋmã paoodẽ, b yaa yalemba, b yeta bõn-naandsã sẽn yɩɩd sõmã wã koεεga, b yita lɩslaamgã pʋgẽ wala peemd sẽn yit bõn-tãoodgẽ wã Ad Wẽnd yarda yãmb ne yεl a tãabo, la A kis yεl a tãabo Ned ning sẽn wa n zẽka zab-teed tõnd zugu, a ka be tõnd pʋgẽ ye ad mam miime tɩ fo yaa kugri, f ka tõe n namse, la f ka tõe n nafe, la sã n ka mam sẽn yã Nabiyaamã (Wẽnd pʋʋsg lɑ A tɩlgr be ɑ yĩngɑ) t'a mokd foomã, m rag n kõn n mõk-f ye B sã n wa rɩglg kũum tɩ rapã rɩk-a b bãgdẽ wã, sã n mik tɩ yaa nin-sõngo, a yetame: yãg-y ne maam B pẽnegda wĩntoogã dũni yikr raarã bõn-naandsã zutu, halɩ t'a wa lebg wala Miil alkadre, Ad Wẽnd Tẽn-tʋʋmã (Wẽnd pʋʋsg la A tɩlgr be a yĩnga) a zãaga a meng n yi kaas poaka la põnd poaka la pãrs poaka Lɩslaam hakε sẽn zao a lɩslaam taag yaa a yoobe» Tɩ b yεεl-a: bãmb la bʋse Wẽnd Tẽn-tʋʋmã? La a yeele: «F sã n seg-a bɩ f ning-a sallem, la a sã n bool-f bɩ f sak-a, la a sã n kos-f sagls bɩ f maan-a pʋ-peelem, la a sã n tĩsi n pẽg Wẽnd bɩ f yeel-a: Yarhamuka Allaah= Wẽnd na yols-fo, la a sã n bẽ bɩ f kaag-a, la a sã n maan kaalem bɩ f yãag-a Wẽnd kãaba Yahuud-rãmba la Nasaar-rãmbã, b rɩka b nabiyaam-rãmbã yaad tɩ yaa miisa Ned ning sẽn rulsa Sʋʋrat Al-kahf rẽenem Aayae piigã, a paamda gũudum n yi daggεεli» la togsg a to pʋgẽ: « sẽn yi Sʋʋrat Al-kahf yaoolem Aayae-rãmbã Yãmb ka tar bas-m-yam ne maam, tɩ sẽn be-A saasẽ wã yaool n tar bas-m-yam ne maam, saagã kibar wata mam nengẽ yibeoog la zaabre Ad fo sẽn saag bũmb ningã fãa f paamame, la a bilg-n-taare n paase Wẽnd tigimada rẽenem rãmbã la yaoolem rãmbã zĩ-peell a yembr pʋga, tɩ boaandã wʋmsd-b fãa gilli, tɩ nin ne-b lame, tɩ wĩndgã pẽnege, tɩ nebã wa tʋg n ta keelemã la yɩɩgrã b sẽn ka tõe Wẽnd Tẽn-tʋʋmã (Wẽnd pʋʋsg la A tɩlgr be a yĩnga) kãaba rao sẽn na n yeelg pag yerem, la pag sẽn na n yeelg rap yerem Ad rẽenem zãma sẽn kẽed arzãnã, b yalε wã yaa wala kiuug rasem piig la a naase, rẽ poorẽ neb nins sẽn pʋgd bãmbã b peelemã yɩɩda ãd-pɩndga saasẽ wã La yãmb sã n na n kos Wẽnde, bɩ y kos-A Al-fɩrdaoosã Sull ka na n bak n be mam poorẽ rãmbẽ wã, n yaa windba, halɩ tɩ Wẽnd yellã wa bãmb nengẽ tɩ b yaa wĩndba Ned ning fãa sẽn yeel a ma-biig a to: kɩfrã, ad b yiibã yembr n sɩd tall gomdã, sã n mikame tɩ nedã yaa wala a sẽn yeelã, sã n ka woto, a na n lebg n waa yẽ zugu Yãmb sõmlem sẽn yɩɩd yaa mam sẽn be yʋʋm koabg ning pʋgẽ wã, rẽ poorẽ yaa sẽn pʋgd bãmbã, rẽ poorẽ yaa sẽn pʋgd bãmbã