Hadiis: Wẽnd yeelame: Ned ning sẽn wa n maana Mam noang beem, ad M vẽnega a soab ne zabre, la Mam yamba ka yɩ sẽn na n pẽneg Maam ne bũmbu, tɩ noom Maam n yɩɩd Mam sẽn maan faril ning n rogl-a wã ye

عَنْ أَبِي هُرَيْرَة رَضِيَ اللَّهُ عَنْهُ قَالَ: قَالَ رَسُول اللَّهِ صَلَّى اللهُ عَلَيْهِ وَسَلَّمَ:
«إنَّ اللَّهَ تَعَالَى قَالَ: مَنْ عَادَى لِي وَلِيًّا فَقْد آذَنْتُهُ بِالحَرْبِ، وَمَا تَقَرَّبَ إلَيَّ عَبْدِي بِشَيْءٍ أَحَبَّ إلَيَّ مِمَّا افْتَرَضْتُ عَلَيْهِ، وما يَزَالُ عَبْدِي يَتَقَرَّبُ إلَيَّ بِالنَّوَافِلِ حَتَّى أُحِبَّهُ، فَإِذَا أَحْبَبْتُهُ كُنْتُ سَمْعَهُ الَّذِي يَسْمَعُ بِهِ، وَبَصَرَهُ الَّذِي يُبْصِرُ بِهِ، وَيَدَهُ الَّتِي يَبْطِشُ بِهَا، وَرِجْلَهُ الَّتِي يَمْشِي بِهَا، وَإِنْ سَأَلَنِي لَأُعْطِيَنَّهُ، وَلَئِنْ اسْتَعَاذَنِي لَأُعِيذَنَّهُ».
[صحيح] - [رواه البخاري] - [الأربعون النووية: 38]

Yii a Abɩɩ Hʋrayra nengẽ, (Wẽnd yard be a yĩnga), a yeelame: Wẽnd Tẽn-tʋʋmã yeelame (Wẽnd pʋʋsg la A tɩlgr be a yĩnga):
«Wẽnd yeelame: Ned ning sẽn wa n maana Mam noang beem, ad M vẽnega a soab ne zabre, la Mam yamba ka yɩ sẽn na n pẽneg Maam ne bũmbu, tɩ noom Maam n yɩɩd Mam sẽn maan faril ning n rogl-a wã ye, lɑ Mam yambã ka bake n pẽnegd Maam ne naafil-rãmba, halɩ tɩ M bʋ a nonglem, M sã n bʋ a nonglem, M lebgda a wʋmb ningã a sẽn wʋmdã, la a nifr ning a sẽn getã, la a nug ning a sẽn yõkdã, la a naoor ning a sẽn kẽnd ne wã. A sã n kos Maam, M na kõ-a, la a sã n kos Maam gũudum, M na maan-a gũudum».
[Naṣʋn Ṣahɩɩhʋn (Gom-sikdem sẽn manege)] - [A Al-Bʋẖaariy n togs-a] - [الأربعون النووية - 38]

bilgrã

Nabiyaamã (Wẽnd pʋʋsg la A tɩlgr be a yĩnga) kõo kibare, Al-hadiis Al-ƙʋdsiy pʋgẽ, tɩ Wẽnde (A Naam zẽk yã) A yeelame: ned ning sẽn namsa noang sẽn be Mam nong-n-taasã pʋgẽ, n maan t'a sũur yiki, maa a kisg-a, rẽnd Mam vẽnega beem ne yãwã soabã. La waliy (Wẽnd nong-n-taaga): yẽ la sɩd-kõt sẽn yaa Wẽn-zoεtã, la yamb sẽn tar sɩd-kũunã la Wẽn-zoεεgã tεka la yẽ me pʋɩɩrã zemsɩd waliimdã wεεngẽ, la lɩslaam ka pẽnegd a Soabã ne bũmb tɩ noom-A n yɩɩd A sẽn maan tɩ yaa faril n rogl-a wã ye, sẽn yaa tũudmã maaneg la haraam-rãmbã basgo, la lɩslaam ka bak n pẽnegd a Soabã, ne naafɩlrãmba, n lagem ne faril-rãmba, halɩ t'a wa tʋg n paam Wẽnd nonglem, rẽnd Wẽnd sã n yɩ a nonglem, Wẽnd na n rems-a lame la A sõng-a, a yĩn-wil a naasã pʋgẽ: A remsd-a-la a wʋmbẽ wã, t'a ka wʋmde rẽnda bũmb ning sẽn yard Wẽnde. La A remsd-a a ninẽ, t'a ka get rẽnda sẽn tʋg bũmb ning Wẽnd sẽn nong tɩ b gese, la A yardẽ wã. la A rems-a a nugẽ wã, a ka tʋmd ne a nugã, rẽnda bũmb ning sẽn yard Wẽnde. La a rems-a a naoorẽ, t'a ka kẽnde, rẽndame tɩ yaa sẽn na n tʋg bũmb ning sẽn yard Wẽnde, la a ka maand tʋʋmde, rẽnda sõma sẽn beẽ la a kẽnda. Sẽn lagem ne wã fãa, a sã n kos Wẽnd bũmbu, Wẽnd kõt-a-la a sẽn kosã, rẽnd nedã yɩta b sẽn reegd a soab kosgo, a sã n kos gũudum ne Wẽnde, n dell Wẽnde, n bao gũudum ne-A, ad Wẽnde, (A Naam yɩlgame), A reegda a kosgã la A gũ-a n yi bũmb ninga a sẽn yεεsd-a.

Sẽn be Hɑdiisã yõod-rãmbẽ

1. Hadiis-kãngã, a bee hadiis-rãmbã pʋgẽ Nɑbiyɑɑã (Wẽnd pʋʋsg la A tɩlgr be a yĩnga) sẽn togsdã, tɩ yaa Wẽnd nengẽ la a reeg-a, la b boond-a lame tɩ Al-hadiis Al-Ƙudsy (yɩleng hadiisa) maa Al-hadiis Al-ɭlaahy (Wẽnd hadiisa) yẽ me la hadiis ninga, a gom-biisã la a maanã wã yii Wẽnd nengẽ, la a ka tar yεl ning Alkʋrãanã sẽn tar yεl ninsã ye, a karengã sẽn yaa tũudum la b sõmb n yɩlg n yaool n karem-a la Wẽnd sẽn koms zĩn-rãmbã la ninsaalbã tɩ b ka tõog n wa ne a buudã, la zẽng sẽn ka rẽnda.
2. B gɩdgame n yi Wẽnd waliimbã namsgo la b bʋ nonglem tɩ b yɩ b nonglem la b reeg b zugẽ ne b yɩɩdlemã.
3. Sagendame tɩ b maan Wẽnd bεεbã beem, leb n yaa haraam tɩ b wa rell-ba.
4. Ned ning sẽn wa n yeel tɩ yẽ yaa Wẽnd wali, la a yaool n ka tũud Wẽnd sãri wã, a yaa zĩri-be-neda a goamã pʋgẽ.
5. Wẽnd nonglemã paamdame ne waagib-rãmbrã yikri, la haraam-rãmbã basbo.
6. Sẽn be sabab-rãmb nins Wẽnd sẽn yɩt yamb nonglem la A reeg a kosgo, yaa naafil-rãmbã maanego, fo sẽn maan waagib-rãmbã poorẽ la f bas haraam maanego.
7. Wilgda waliimbã zɩslem la b dargε wã sẽn zẽk Wẽnd nengẽ.