Hadith: ((مسوگهر خودێ خێر و گونهھ نڤیسینە، پاشی ئهڤ چهنده ڕوهنكر
عَنْ ابْنِ عَبَّاسٍ رَضِيَ اللَّهُ عَنْهُمَا عَنْ رَسُولِ اللَّهِ صَلَّى اللهُ عَلَيْهِ وَسَلَّمَ فِيمَا يَرْوِي عَنْ رَبِّهِ تَبَارَكَ وَتَعَالَى، قَالَ:
«إنَّ اللهَ كَتَبَ الحَسَنَاتِ وَالسَّيِّئَاتِ، ثُمَّ بَيَّنَ ذَلِكَ، فَمَنْ هَمَّ بِحَسَنَةٍ فَلَمْ يَعْمَلْهَا؛ كَتَبَهَا اللهُ عِنْدَهُ حَسَنَةً كَامِلَةً، وَإِنْ هَمَّ بِهَا فَعَمِلَهَا؛ كَتَبَهَا اللهُ عِنْدَهُ عَشْرَ حَسَنَاتٍ إلَى سَبْعِمِائَةِ ضِعْفٍ إلَى أَضْعَافٍ كَثِيرَةٍ، وَإِنْ هَمَّ بِسَيِّئَةٍ فَلَمْ يَعْمَلْهَا؛ كَتَبَهَا اللهُ عِنْدَهُ حَسَنَةً كَامِلَةً، وَإِنْ هَمَّ بِهَا فَعَمِلَهَا؛ كَتَبَهَا اللهُ سَيِّئَةً وَاحِدَةً».
[صحيح] - [رواه البخاري ومسلم في صحيحيهما بهذه الحروف] - [الأربعون النووية: 37]
المزيــد ...
ژ ئبن عەباسی (خودێ ژ هەردووكان ڕازی بیت) ژ پێغەمبەرێ خودێ (صەلات و سەلامێن خودێ ل سەر بن) د وێ ئێكێدا یا ئهو ژ خودایێ خۆ ڤهدگوهێزیت، گۆت:
((مسوگهر خودێ خێر و گونهھ نڤیسینە، پاشی ئهڤ چهنده ڕوهنكر، ڤێجا هەر کەسێ دلێ خۆ ببهته خێر و باشییهكێ و وێ نهكهت؛ خودێ دێ وێ ل دهڤ خۆ بۆ وی ب خێرهكا تهمام نڤیسیت، و ئهگهر وی دلێ خۆ برێ و كر؛ خودێ دێ وێ ل دهڤ خۆ ب دهھ خێران نڤیسیت ههتا دچیته حهفت سهدان و گهلهك پتر، و ئهگهر وی دلێ خۆ بره گونهھ و خرابییهكێ و نهكر؛ خودێ دێ وێ ل دهڤ خۆ بۆ وی ب خێرهكا تهمام نڤیسیت، و ئهگهر دلێ خۆ برێ و كر؛ دێ بۆ وی ب گونهههكێ ب تنێ نڤیسیت)).
[صحيح] - [رواه البخاري ومسلم في صحيحيهما بهذه الحروف] - [الأربعون النووية - 37]
پێغەمبەر (صەلات و سەلامێن خودێ ل سەر بن) دیار دکەت کو خودێ خێر و گونهھ تهقدیر کرینە، پاشی بۆ ههردوو مهلائیكهتان دیار کر کا دێ چاوا خێر و گونههان نڤیسن:
ڤێجا هەر کەسێ ڤیا و كره دلێ خۆ و بڕیاردا كارهكێ باش بكهت؛ هنگی دێ خێرهك بۆ وی هێتە نڤیسین، هەر چەندە نەکر بیت ژی، بهلێ ئەگەر ئهو خێر کر؛ وی دەمی دێ ب دەهـ جاران زێدە بیت هەتا ب حەفت سەد جاران بۆ چەند جارێن دی یێن گەلەك زێده دبیت، و زێدەبوون ل دویڤ وێ چەندێیە یا د دلێ ویدا ژ دلسۆزی و گههاندنا مفای و تشتێن وهكی وان.
و هەر کەسێ ڤیا و كره دلێ خۆ و بڕیاردا كارهكێ خراب و گونهههكێ بكهت، پاشی ئهو گونهھ ژ بهر خودێ هێلا؛ وی دهمی خێرهك دێ بۆ وی هێتە نڤیسین و ئهگهر ئهو گونهھ هێلا ژ بهر كو ب تشتهكێ دیڤه مژویل بوو و ئهو ئهگهرێن سهردكێشن بۆ كرنا وی كاری ئهنجام نهدابن؛ وی دهمی نه چ خێر و نه چ گونهھ بۆ ناهێنه نڤیسین، بهلێ ئهگهر ئهو گونهھ هێلا ژ بهر كو نهشیا بكهت؛ هنگی دێ ل دویڤ ئنیهتا وی بۆ هێته نڤیسین، و ئهگهر ئهو گونهھ كر و ئهنجامدا؛ هنگی دێ گونهههكا ب تنێ بۆ هێته نڤیسین.
Benefits from the Hadith
- دیارکرنا قەنجی و باشییا خودایێ مەزن ل سەر ڤێ ئوممەتێ د زێدەکرنا خێراندا و نڤیسینا وان ل دەڤ خۆ و د زێدەنهکرنا گونههاندا.
- گرنگییا ئنیهتێ د کاراندا و کارتێکرنا وێ.
- قهنجییا خودایێ مەزن و باشی و دلۆڤانییا وی و چاکییا وی ئەوە کو هەر کەسێ كره دلێ خۆ خێرهكێ بكهت و پاشی نەکر؛ خودێ دێ خێرهكێ بۆ وی نڤیسیت.