Hadith: ((مسوگهر خودێ بهرێ خۆ نادهته شێوه و مال و سامانێ ههوه، بهلكی بهرێ خۆ ددهته دل و كریارێن ههوه))
عن أبي هريرة رضي الله عنه قال: قال رسول الله صلى الله عليه وسلم:
«إِنَّ اللهَ لَا يَنْظُرُ إِلَى صُوَرِكُمْ وَأَمْوَالِكُمْ، وَلَكِنْ يَنْظُرُ إِلَى قُلُوبِكُمْ وَأَعْمَالِكُمْ».
[صحيح] - [رواه مسلم] - [صحيح مسلم: 2564]
المزيــد ...
ژ ئهبو هورەیرەی (خودێ ژێ ڕازی بیت) گۆت: پێغەمبەرێ خودێ (صەلات و سەلامێن خودێ ل سەر بن) گۆت:
((مسوگهر خودێ بهرێ خۆ نادهته شێوه و مال و سامانێ ههوه، بهلكی بهرێ خۆ ددهته دل و كریارێن ههوه)).
[صحيح] - [رواه مسلم] - [صحيح مسلم - 2564]
پێغەمبەر (صەلات و سەلامێن خودێ ل سەر بن) دیار دكهت كو خودایێ مهزن بهرێ خۆ نادهته شێوه و لهشێ مرۆڤان، كا ئهرێ ئهڤ مرۆڤه مرۆڤهكێ جوانه یان یێ كرێته؟ ئهرێ یێ مهزنه یان یێ بچویكه؟ ئهرێ یێ دروست و ساخلهمه یان ژی یێ نهساخ و كێمئهندامه؟ ههروهسا بهرێ خۆ نادهته مال و سامانێ ههوه، كا ئهرێ گهلهكه یان كێمه؟ ڤێجا خودایێ مهزن ژ بهر ڤان تشتان و جوداهییا مرۆڤان تێدا ل وان ناگریت و لێپرسینێ د گهل وان ناكهت، بهلكی خودێ بهرێ خۆ ددهته دلێ مرۆڤان، كا ئهرێ تهقوا و ترس و یهقین و ڕاستگۆیی و دلسۆزی تێدا ههیه، یان ژی ڤی مرۆڤی ئهڤ كاره ژ بهر خهلكی و بۆ ڕویمهتی و ناڤدارییێ كرییه، كا چاوا بهرێ خۆ ددهته كریارێن مرۆڤان ژی، ژ لایێ باشی و خرابییا وانڤه، پاشی ل سهر ڤێ چهندێ وان خهلات دكهت و سزا ددهت.
Benefits from the Hadith
- گرنگیدان ب باشكرنا دلی و پاقژكرنا وی ژ ههر سالۆخهتهكێ خراب و كرێت.
- باشبوونا دلی ب دلسۆزیێ (ئیخلاصێ)ـیه و باشبوونا كاروكریاران ژی ب دویڤچوونا پێغەمبەرییه (صەلات و سەلامێن خودێ ل سەر بن) و خودایێ مهزن بهرێ خۆ ددهته ڤان ههردوو تشتان و گرنگییێ ب وان ددهت.
- نابیت مرۆڤ ب مال و سامان و جوانی و لهشێ خۆ یان ههر تشتهكێ دی ژ ڤێ دونیایێ ب سهردا بچیت.
- هشیاركرن ژ پشتبهستن و گرنگیدانا ب سهرڤههییێ و پویتهنهدانا ب ناڤداهی و دل و دهروونی.
Categories
More ...
- Hadith: ئهز ژ ههمی كهسان بێمننهتترم كو شریك و ههڤپشكهك بۆ من بهێته دروستكرن، لهوا ههر كهسێ كارهكی بكهت و د وی كاریدا كهسهكێ دی د گهل من بكهته شریك و ههڤپشك؛ وی دهمی دێ وی كهسی و ههڤپشك دروستكرنا وی هێلم
- Hadith: ((ههر پێنج نڤێژ، ئهینی بۆ ئهینییێ، ڕهمهزان بۆ ڕهمهزانێ، كهفارهت و ژێبهرن بۆ گونههێن د ناڤبهرا خۆدا، (بهلێ ب مهرجهكی) ئهگهر مرۆڤی خۆ ژ گونههێن مهزن دویر ئێخست))
- Hadith: ((ئهگهر دوو موسلمان ب شیرێن خۆ هاتنه بهرامبهری ئێك و شهڕێ ئێك كر، هنگی كوشتی و بكوژ ههردوو یێن د ئاگرێ جههنهمێدا
- Hadith: ((هندهك زهلام ب نهحهقی دهستوهردانێ د مالێ خودێدا دكهن، ل ڕۆژا قیامهتێ ئاگر بۆ وانه))
- Hadith: ((خهبهران نهبێژنه مرییان، چونكی ئهو یێن گههشتینه وی كارێ وان بهری خۆ فڕێكری و ئهنجامدای))
- Hadith: ((بۆ چ موسلمانان یا حهلال نینه ئهو ژ سێ شهڤان زێدهتر ژ برایێ خۆ سل ببيت و پشتا خۆ بدهتێ و د گهل نهئاخڤیت، دێ گههنه ئێك و ئهڤه دێ پشتا خۆ دهته ڤی و یێ دی دێ پشتا خۆ دهته وی، باشترینێ وان ژی ئهوه یێ دهستپێكێ سلاڤ دكهت))
- Hadith: ((ئهو كهسێ پهیوهندییێن مرۆڤاینییێ دبڕیت؛ ناچیته بهحهشتێ))