Ab Adiis: Yàlla du xool seen i melo mbaa seen alal waaye seen xol lay xool ak seen i jëf
عن أبي هريرة رضي الله عنه قال: قال رسول الله صلى الله عليه وسلم:
«إِنَّ اللهَ لَا يَنْظُرُ إِلَى صُوَرِكُمْ وَأَمْوَالِكُمْ، وَلَكِنْ يَنْظُرُ إِلَى قُلُوبِكُمْ وَأَعْمَالِكُمْ».
[صحيح] - [رواه مسلم] - [صحيح مسلم: 2564]
المزيــد ...
Jële na ñu ci Abuu Hurayrata -yal na ko Yàlla dollee gërëm- mu wax ne : Yónente Yàlla bi -yal na ko Yàlla dolli xéewal ak mucc- nee na:
«Yàlla du xool seen i melo mbaa seen alal waaye seen xol lay xool ak seen i jëf».
[Wér na] - [Muslim soloo na ko] - [Téere Muslim bi gën a wér - 2564]
Yónente bi -yal na ko Yàlla dolli xéewal ak mucc- day xamle ne Yàlla mu kawe mi du xool meloy jaam ñi ak seen i yaram, ndax dafa rafet walla dafa ñaaw ? Ndax dafa rëy walla dafa ndaw? Ndax dafa wér walla dafa wéradi? Du xool itam seen i alal, ndax dafa bari walla dafa tuuti? Yàlla du toppe jaamam yi walla mu leen di saytu ci mbir yii ak seenug rawante ci loolu, waaye day xool seen xol yi ak la ca nekk cig ragal Yàlla ak kóolute, ak dëggu ak sellal, walla ngistal mbaa ndéggtal, day xool it seen i jëf ak ug sellam mbaa ag yàqoom; mu fay leen ca.
Bokk na ci njariñi Adiis bi
- Yittewóo sellal AB xol, ak laabal ko ci wépp melokaanam wu ñu ŋàññi.
- Baaxug xol mi ngi ci sellal, baaxug jëf it mi ngi ci topp Yónente bi -yal na ko Yàlla dolli xéewal ak mucc-, te ñoom ñaar la Yàlla di xool.
- Nit ki bu mu woru ci alalam mbaa cib taaram walla ciw yaramam walla ci lénn ci liy feeñ ci àdduna sii.
- Moytu di sukkandiku ci liy fés bàyyi li nëbbu.
Xàjjale yi
Ndollent
- Ab Adiis: ñiy bokk ñépp maa ci gën a doylu, képp ku jëf jenn jëf bokkaale ma ca ak keneen ma bàyyi ko ak bokkaaleem
- Ab Adiis: julliy juróom, ak Àjjuma ba Àjjuma, ak weeru koor ba weeru koor, dañuy far bàkkar yi ci séen diggante bu dee moytu nañu bàkkaar yu mag yi
- Ab Adiis: ñaari jullit bu ñu jaamaarloo ak séen ñaari Jaasi ka raye ak ka ñu ray yépp sawara lañu jëm
- Ab Adiis: Yàlla dafa bind yu rafet yi ak yu ñaaw yi, daal di leeral ko, képp ku yéene jëf i yiw, te defu ko, Yàlla dana ka ko bindal wenn yiw wu mat sëkk, waaye bu ko yéenee ba noppi def ko, mu bindal ko fukki yiw, mannakoo Ful bamu yégg juróom-ñaari téeméeri, ba ci ay full yu bari, waaye képp ku Yéenee jëf lu ñaaw te defu ko Yàlla di na ko bindal wenn yiw wu mat sëkk, bu ko Yéenee nag daldi koy def mu bindal ko wenn ñaawteef
- Ab Adiis: jëf yi mi ngi aju ca yéene ya, te nit ku nekk la mu yéene rekk lay am
- Ab Adiis: Lislaam mooy: nga seede ne amul kenn ku deesi jaamu ku dul Yàlla, seede ne Muhammat ndawul Yàlla la, tey taxawal julli, di woor weeru koor, te aj Màkka benn yoon boo ko manee
- Ab Adiis: yéen sama jaam ñi damaa araamal tooñ ci sama bopp, ma def ko muy lu araam ci seen diggante kon buleen di tooñante