Hadiis: Ned ning sẽn wa n yã yel kitgɑ, bɩ a tedg-a ne a noorã, la a sã n ka tõe rẽnda, bɩ a tedg-a ne a zɩlemdã, la a sã n ka tõe rẽnda, bɩ a tedg-a ne a sũurã, la yẽnda n tʋg n yɩɩd ne lɩɩmaɑng sẽn yaa valanga.
عن أبي سعيد الخُدْريِّ رضي الله عنه قال: سمعت رسول الله صلى الله عليه وسلم يقول:
«مَنْ رَأَى مِنْكُمْ مُنْكَرًا فَلْيُغَيِّرْهُ بِيَدِهِ، فَإِنْ لَمْ يَسْتَطِعْ فَبِلِسَانِهِ، فَإِنْ لَمْ يَسْتَطِعْ فَبِقَلْبِهِ، وَذَلِكَ أَضْعَفُ الْإِيمَانِ».
[صحيح] - [رواه مسلم] - [صحيح مسلم: 49]
المزيــد ...
Yii a Abɩɩ Saʿɩɩd Al-ẖʋdriy nengẽ (Wẽnd yard be a yĩnga), a yeelame: mam wʋma Wẽnd Tẽn-tʋʋma, (Wẽnd pʋʋsg la A tɩlgr be a yĩnga), t’a yetẽ:
« Ned ning sẽn wa n yã yel kitgɑ, bɩ a tedg-a ne a noorã, la a sã n ka tõe rẽnda, bɩ a tedg-a ne a zɩlemdã, la a sã n ka tõe rẽnda, bɩ a tedg-a ne a sũurã, la yẽnda n tʋg n yɩɩd ne lɩɩmaɑng sẽn yaa valanga. »
[Naṣʋn Ṣahɩɩhʋn (Gom-sikdem sẽn manege)] - [A Muslim n togs-a] - [Ṣahɩɩh Muslim - 49]
Nabiyaamã, Wẽnd pʋʋsg la A tɩlgr be a yĩnga, ɑ sagendame tɩ b gɩdg yel-kiti wã, bãmb me yaa bũmb fãa Wẽnd la A Tẽn-tʋʋmã sẽn gɩdgã. tɩ b gɩdg rẽnda pãng tõog tεka. Rẽnd ned sã n yã yel-kitga, yaa tɩlae ne-a t’a tedg yel-kãng ne a nugu, t’a sã n tar tõogo. A sã n ka tõog boto, bɩ a tedg-a ne a zelemdã, la woto yaa a sẽn na n gɩdg ned ning sẽn maanda kisgã, la a vẽneg yellã wẽnga n wilga, la a togl-a yel-sõngo sẽn ledsd yel wẽng-kãnga, La a sã n ka tõog boto, bɩ a gɩdg ne a sũurã, ne yẽ mẽngã kisg yel-kisgdg-kãnga, la a loe n wãag a sũurẽ wã, tɩ yẽ sã n da tara tõog sẽ n na n gɩgd-a, a rag n na gɩdgẽ. La gɩdg ne sũurã, yẽnda n yaa sɩd-kũunã sẽn tʋg n paood n yɩɩda, yel-kiti wã gɩdgr pʋgẽ.
Sẽn be Hɑdiisã yõod-rãmbẽ
- Hadiisã yaa yẽgre, n wilgd yel-kiti wã gɩdgrã sẽ n tog n pʋg taab to-to.
- A leb n sagendame, tɩ b kẽng bilf-bilfu, tɩ f sã n rat n na n gɩdg yel-kiti, ned fãa ne a pãng tõog tεka.
- Yel-kiti wã gɩdgre, a yaa ragnoor sẽn yaa bedre, lɩslaangã pʋgẽ, a ka bũmb me sẽn lʋɩt n bas ned baa a yembr ye, a yaa bũmb b sẽn rogl-a lɩslaam fãa, n zems a tõog tεka.
- Sagl ne manegre, la gɩdg ne yel-kiti wã, a bee lɩɩmaangã kõbgẽ, la lɩɩmaang me paasde la a boogdẽ.
- B maana sart tɩ fo sã n wa rat n na n gɩdg yel-kiti, tɩ f tar bãngre tɩ tʋʋm-kãnga yaa bũmb sẽn kisi,
- Leb n yaa sart tɩ yel-kitgã gɩdgr ra yɩ sasab n wa ne yel-kitg sẽn yɩɩd rẽnda ye.
- Yel-kitg gɩdgre, a tara zʋgdo, la sart-rãmba, tɩ sõmb ne lɩslaam t’a karem-ba.
- Yel-kiti wã gɩdgre, a tara tʋlsem ne na-kẽndr rɩkre, la bãngr minim.
- Ned sã n wa ka kisg ne a sũurã, wilgdame tɩ lɩɩmaangã paooda wʋsgo.
Sagsã
Pɑɑgã
- Hadiis: lɩslaangã yaa f maan kaset tɩ soab sẽn na n tũ n tɩlg ka be rẽnda Wẽnde, la a Mʋhammad yaa Wẽnd Tẽn-tʋʋma, la f yals ne Pʋʋsgo la f yãk Zaka n kõ, la f loe Ramadaane, la f kaag Roogã tɩ f sã n paam sor n na n tʋg beenẽ
- Hadiis: Yaa Mam yembse, ad Mam gɩdga wẽgd Mam zugu, n maan-a t'a yaa haraam yãmb ne taab sʋka, bɩ y ra wẽg taab ye
- Hadiis: ned ning sẽn manega lɩslaoongã pʋgẽ, b ka yõkd-a ne bũmb ninga a sẽn tʋm Zɩɩlmã sasa ye, la ned ning sẽn wẽnga lɩslaoongã pʋgẽ, b yõkd-a la ne a rẽenem la a yaoolem tʋʋm fãa
- Hadiis: kõ maam kibare, rẽ yĩnga mam sã n pʋʋs wakat-rãmb a nu wã, la m loe Ramadaanã, la m maan halaalã
- Hadiis: Ad Wẽnd tõe n yaoolga wẽgdã, t'A sã n wa yõk-a a ka põsgd-A ye
- Hadiis: Ned ning sẽn wa yel-soaandɩ togsd nengẽ, n sok-a bũmbu, b ka reegd a Pʋʋsgo, rasem pis-naase
- Hadiis: Lɩɩmaoong yaa kõbg pis-yopoe la zaka, maa pis-yoob la zaka, sẽn tʋg n zẽk n yɩɩde yaa Laa'ɩlaaha ɭllallaah» yeelgo, la sẽn tʋg n paood n yɩɩde, yaa fo sẽn na n rɩk bũmb sẽn namsd nebã n yiis sorã