Ҳадис: Қай бирингиз гуноҳ ишни кўрса, уни қўли билан ўзгартирсин. Қўли билан кучи етмаса, тили билан қайтарсин! Тили билан ҳам қайтара олмаса, қалби билан нафратлансин! Қалб билан нафратланиш эса, иймоннинг энг заиф ҳолидир

عن أبي سعيد الخُدْريِّ رضي الله عنه قال: سمعت رسول الله صلى الله عليه وسلم يقول:
«‌مَنْ ‌رَأَى ‌مِنْكُمْ ‌مُنْكَرًا فَلْيُغَيِّرْهُ بِيَدِهِ، فَإِنْ لَمْ يَسْتَطِعْ فَبِلِسَانِهِ، فَإِنْ لَمْ يَسْتَطِعْ فَبِقَلْبِهِ، وَذَلِكَ أَضْعَفُ الْإِيمَانِ».
[صحيح] - [رواه مسلم] - [صحيح مسلم: 49]

Абу Саид Худрий разияллоҳу анҳудан ривоят қилинади: «Расулуллоҳ соллаллоҳу алайҳи ва салламнинг шундай деганларини эшитдим:
«Қай бирингиз гуноҳ ишни кўрса, уни қўли билан ўзгартирсин. Қўли билан кучи етмаса, тили билан қайтарсин! Тили билан ҳам қайтара олмаса, қалби билан нафратлансин! Қалб билан нафратланиш эса, иймоннинг энг заиф ҳолидир».
[Тўғри матн] - [Муслим ривояти] - [Саҳиҳи Муслим - 49]

Изоҳ

Бу ҳадисда Пайғамбаримиз соллаллоҳу алайҳи ва саллам мункар, яъни Аллоҳ таоло ва Унинг элчиси таъқиқлаган ишларни қўлдан келгунча ўзгартиришга буюрмоқдалар. Демак, ким мункар ишни кўрса ва қўли билан монеълик қилишга имконияти бўлса, уни қайтариши, агар қўли билан монеълик қилишдан ожиз бўлса, мункар ишни қилаётган кишига ёмонликнинг зарарини баёнлаш ила яхшиликка йўллаб қўйиши лозим. Агар унга ҳам қодир бўлмаса, гуноҳни инкор қилиб, агар уни қайтаришга қодир бўлганида қайтаришини қалбига тугуш билан монеълик қилиши керак. Қалб билан ёмон кўриш эса, гуноҳни инкор қилишнинг энг заиф мақомидир.