M kengd-y-la ne Wẽn-zoεεga la sak-n-tũ, la yãmb na n yãa mam poorẽ, yõs taab wʋsgo, bɩ y gãd mam Sũnnah la lεdsdb nins sẽn yaa tẽeg tɩrg-rãmbã sẽn yaa kãndgdbã Sũnnah
Tõnd balma Wẽnd Tẽn-tʋʋmã (Wẽnd pʋʋsg la A tɩlgr be a yĩnga) tɩ d na n wʋmame la d tũ, keelem la yol-yol sasa, d yĩn-wɩsgr la d sẽn ka nong sasa, la d na n leb n yɩɩsa yẽnda d mensã
Nɑnɑmbs n na n wa zĩndi, tɩ yãmb pẽgd b tʋʋmã sãnda la y kisg b tʋʋmã sãnda, la ned ning sẽn maana neerã a soab fãag a menga, la ned ning sẽn gɩdgɑ b tʋʋm wẽnsã a soab tɩlgame, la yellã yaa ned ning sẽn yara, n na n kell n pʋge
Tɑɑs-y mɑm yĩngɑ, bɑɑ tɩ sã n yɑɑ Aɑyɑr ɑ yembre, lɑ y yẽs ɭsrɑɑɩɩl koɑmbã kibɑyã, tɩ tɑɑl kɑ be ye, lɑ ned ning sẽn yɑgɑ n rogl mɑɑm pʋ-toogo bɩ ɑ bɑo ɑ zĩndg zĩig Bugmẽ wã
m Soabã, ned ning sẽn wa n lʋɩ mam poorẽ rãmbã yell taoore, n weoog-ba bɩ F weoog a zugu, la ned ning sẽn wa n lʋɩ mam poorẽ rãmbã yell taoore, n zoe b nimbaanegã, bɩ F zoe a nimbaanega
Ned ka be Wẽnd sẽn na n kõ-a bũmb taoore, t'a wa tʋg n ki raar ning a sẽn kiidã, t'a yaa sẽn zambd a sẽn gũud bũmb ningã, rẽndame tɩ Wẽnd haram-a arzãnã a zugu
Ned ning sẽn wa yãmb nengẽ tɩ yãmb zemsa taab ne naab a yembre, n rat n na n welg yãmb zamã wã, bɩ y kʋ-a
Ned ning sẽn wa n yã yel kitgɑ, bɩ a tedg-a ne a noorã, la a sã n ka tõe rẽnda, bɩ a tedg-a ne a zɩlemdã, la a sã n ka tõe rẽnda, bɩ a tedg-a ne a sũurã, la yẽnda n tʋg n yɩɩd ne lɩɩmaɑng sẽn yaa valanga.
M kengd-y-la ne Wẽnd zoεεga la sak-n-tũ, la yãmb na n yãa mam poorẽ, yõs taab wʋsgo, bɩ y gãd mam Sunnah la lεdsdb nins sẽn yaa tẽeg tɩrg-rãmbã, sẽn yaa kãndgdbã Sunnah
Ad na-nɑmbs yã-beed n na n wa zĩndi, la yεl yãmb sẽn ka rate, tɩ b yeele: Wẽnd Tẽn-tʋʋma, la bõe la fo sagend tõnd wakat-kãngɑ? T'a yeele: «kõ-y hakε ning sẽn zao yãmb zugã la y kos Wẽnd ne hakε ning sẽn yɑɑ yãmb rẽndã
Ned ning sẽn yãs Wẽnd todsẽ wã n ka lʋɩt a pʋgẽ la sẽn lʋɩ a pʋgẽ wã bilgri, yaa wala neb sẽn na n kẽ koglg pʋgẽ, tɩ sãnda paam yĩngrã, tɩ sãnda be tẽngrã
m saam-bila, yeele: Laɑ ɭlɑɑhɑ ɩllɑl-Lɑɑh (soɑb sẽn tũud n tɩlg kɑe rẽndɑ Wẽnde), yaa gom-bil m sẽn tõe n tall-a n gom n sõng foom Wẽnd nengẽ
Ad dĩin-kãngã yaa yol-yole, ad ned ka kengd dĩinã rẽndame t'a wil-a, bɩ y gãd taab kãenkãe, la y pẽneg taaba
M wẽen ne Naab ning mam yõorã sẽn be A Nugẽ wã, keta bilf t'a Maryam biig sig yãmb pʋgẽ, t'a Bʋʋdã yaa tẽeg tɩrga, n kao pikã, la a kʋ kurkuyã, la a bas yõor yaoob reegre, tɩ arzεkã wʋsge, halɩ tɩ ned baa a yembr ka reegd-a ye
Taoor rãmb n na n wa zĩndi, n yagd zĩri la b wẽgda, la ned ning sẽn wa n sɩdg-ba b zĩri-beedã pʋgẽ la a sõng-ba b wẽgdã pʋgẽ, a soab ka be mam sagellã pʋgẽ ye, la ma me toog ka be ne-a ye
Ad fɩtna-rãmb n na n zĩndi, rẽ poorẽ fitna-rãmb n na n zĩndi, ned ning sẽn zĩ Tẽnga a pʋgẽ, yẽ sõmlem n yɩɩd sẽn kẽnda a pʋgẽ, la ned ning sẽn kẽnda a pʋgẽ, yẽ soaba sõmblem n yɩɩd sẽn yãgda a pʋgẽ
