حدیث: د خلکو وېره دې ستاسو څخه هیڅوک له حق ویلو څخه منع نه کړي، کله چې هغه حق وویني او یا پرې پوه شي

عَنْ أَبِي سَعِيدٍ الْخُدْرِيِّ رَضِيَ اللَّهُ عَنْهُ عَنِ النَّبِيِّ صَلَّى اللهُ عَلَيْهِ وَسَلَّمَ أَنَّهُ قَالَ:
«لَا يَمْنَعَنَّ رَجُلًا مِنْكُمْ مَخَافَةُ النَّاسِ أَنْ يَتَكَلَّمَ بِالْحَقِّ إِذَا رَآهُ أَوْ عَلِمَهُ».
[صحيح] - [رواه الترمذي وابن ماجه وأحمد] - [مسند أحمد: 11403]

دا ژباړه بیا لیدنې او کره کتنې ته اړتیا لري.

له أبو سعید الخدري رضي الله عنه څخه روایت چې نبي صلی الله علیه وسلم فرمایلي:
«د خلکو وېره دې ستاسو څخه هیڅوک له حق ویلو څخه منع نه کړي، کله چې هغه حق وویني او یا پرې پوه شي»
[صحيح] - [رواه الترمذي وابن ماجه وأحمد] - [د امام احمد مسند - 11403]

تشریح

رسول الله صلی الله علیه وسلم خپلو ملګرو ته خطبه وویله او له هغو سپارښتنو څخه چې خپلو ملګرو ته یې وکړې دا وه چې د خلکو ویره، او ځواک دې یو مسلمان د حق له ویلو یا پرې له امر کولو څخه منع نه کړي، کله چې حق وویني او یا پرې پوه شي».

د حديث له ګټو څخه

1. د حق په ښکاره کولو ټېنګار او دا چې د خلکو له ویرې باید پټ نه کړای شي.
2. د حق ویلو معنی دا نه ده چې په ویلو کې یې ادب مراعات نه شي، او یا په کې حکمت او نیکې وینا ته پام ونه شي.
3. د نارواوو منع کول واجب دي، او دا چې د الله تعالی حق ته د هغو خلکو د ګټو په پرتله لومړیتوب ورکړل شي چې ورسره په ټکر کې دي.