Hadith: “ចូរកុំឲ្យការខ្លាចមនុស្សលោករារាំងអ្នកណាម្នាក់នៃពួកអ្នកមិនឲ្យនិយាយការពិតនៅពេលដែលរូបគេបានឃើញ ឬបានដឹង”។

عَنْ أَبِي سَعِيدٍ الْخُدْرِيِّ رَضِيَ اللَّهُ عَنْهُ عَنِ النَّبِيِّ صَلَّى اللهُ عَلَيْهِ وَسَلَّمَ أَنَّهُ قَالَ:
«لَا يَمْنَعَنَّ رَجُلًا مِنْكُمْ مَخَافَةُ النَّاسِ أَنْ يَتَكَلَّمَ بِالْحَقِّ إِذَا رَآهُ أَوْ عَلِمَهُ».
[صحيح] - [رواه الترمذي وابن ماجه وأحمد] - [مسند أحمد: 11403]

អំពី អាពូសាអ៊ីទ អាល់ឃុទរី رضي الله عنه អំពីណាពី ﷺ ពិតណាស់លោកបានមានប្រសាសន៍ថា៖
“ចូរកុំឲ្យការខ្លាចមនុស្សលោករារាំងអ្នកណាម្នាក់នៃពួកអ្នកមិនឲ្យនិយាយការពិតនៅពេលដែលរូបគេបានឃើញ ឬបានដឹង”។
[صحيح] - [رواه الترمذي وابن ماجه وأحمد] - [مسند أحمد - 11403]

Explanation

ណាពី ﷺ លោកបានថ្លែងសុន្ទរកថាទៅកាន់សហាហ្ពាត់របស់លោក ហើយក្នុងចំណោមអ្វីដែលលោកបានផ្តាំផ្ញើពួកគេនោះ គឺមិនត្រូវឲ្យការភ័យខ្លាច ឬអំណាចរបស់មនុស្សលោករារាំងជនមូស្លីមមិនឲ្យនិយាយការពិត ឬអនុវត្តវានៅពេលដែលរូបគេបានឃើញ ឬបានដឹងនោះឡើយ។

Benefits from the Hadith

1. ជំរុញឲ្យបង្ហាញការពិត និងមិនត្រូវលាក់បាំងវាដោយខ្លាចមនុស្សលោកនោះឡើយ។
2. ការនិយាយពាក្យពិត គឺត្រូវប្រកាន់ខ្ជាប់នូវសុជីវធម៌នៅក្នុងវិធីសាស្ត្រនិយាយរបស់ខ្លួន ហើយត្រូវមានគតិបណ្ឌិត និងមានការណែនាំដោយល្អ។
3. ចាំបាច់ត្រូវហាមឃាត់ពីប្រការអាក្រក់ និងត្រូវផ្តល់អាទិភាពលើសិទ្ធិរបស់អល់ឡោះ លើសពីផលប្រយោជន៍របស់មនុស្សដែលប្រឆាំងជាមួយទ្រង់។