Hadith: “ពិតប្រាកដណាស់ នៅពេលដែលមនុស្សបានឃើញអ្នកប្រព្រឹត្តអយុត្តិធម៌ តែមិនបានទាញដៃគេចេញពីទង្វើនោះទេនោះ បញ្ជាក់ថា អល់ឡោះជិតដាក់ទណ្ឌកម្មលើពួកគេទាំងអស់គ្នាហើយ”។

عَنْ أَبِي بَكْرٍ الصِّدِّيقِ رضي الله عنه أَنَّهُ قَالَ: أَيُّهَا النَّاسُ، إِنَّكُمْ تَقْرَؤُونَ هَذِهِ الآيَةَ: {يَا أَيُّهَا الَّذِينَ آمَنُوا عَلَيْكُمْ أَنْفُسَكُمْ لاَ يَضُرُّكُمْ مَنْ ضَلَّ إِذَا اهْتَدَيْتُمْ}، وَإِنِّي سَمِعْتُ رَسُولَ اللهِ صَلَّى اللَّهُ عَلَيْهِ وَسَلَّمَ يَقُولُ:
«إِنَّ النَّاسَ إِذَا رَأَوْا الظَّالِمَ فَلَمْ يَأْخُذُوا عَلَى يَدَيْهِ أَوْشَكَ أَنْ يَعُمَّهُمُ اللَّهُ بِعِقَابٍ مِنْهُ».
[صحيح] - [رواه أبو داود والترمذي والنسائي في الكبرى وابن ماجه وأحمد] - [سنن الترمذي: 2168]

អំពី អាពូហ្ពាកើរ អាស្ស៊ិទ្ទីក رضي الله عنه ពិតណាស់ គាត់បាននិយាយថា៖ ឱមនុស្សលោកទាំងឡាយ! ជាការពិតណាស់ ពួកអ្នកបានសូត្រអាយ៉ាត់នេះ៖ ﴿يَا أَيُّهَا الَّذِينَ آمَنُوا عَلَيْكُمْ أَنْفُسَكُمْ لَا يَضُرُّكُمْ مَنْ ضَلَّ إِذَا اهْتَدَيْتُمْ ﴾ [سورة المائدة(105)] (ឱបណ្ដាអ្នកមានជំនឿ! ពួកអ្នកត្រូវទទួលខុសត្រូវលើខ្លួនឯង។ អ្នកដែលវងេ្វងមិនអាចបង្កគ្រោះថ្នាក់អ្វីដល់អ្នកបានឡើយ នៅពេលដែលពួកអ្នកទទួលបានការចង្អុលបង្ហាញហើយនោះ។ (អាល់ម៉ាអ៊ីហ្ទះ : ១០៥)។ ពិតណាស់ ខ្ញុំបានឮរ៉ស៊ូលុលឡោះ ﷺ លោកបានមានប្រសាសន៍ថា៖
“ពិតប្រាកដណាស់ នៅពេលដែលមនុស្សបានឃើញអ្នកប្រព្រឹត្តអយុត្តិធម៌ តែមិនបានទាញដៃគេចេញពីទង្វើនោះទេនោះ បញ្ជាក់ថា អល់ឡោះជិតដាក់ទណ្ឌកម្មលើពួកគេទាំងអស់គ្នាហើយ”។
[صحيح] - [رواه أبو داود والترمذي والنسائي في الكبرى وابن ماجه وأحمد] - [سنن الترمذي - 2168]

Explanation

អាពូហ្ពាកើរ អាស្ស៊ិទ្ទីក رضي الله عنه បានប្រាប់ថា មនុស្សម្នាបានសូត្រអាយ៉ាត់នេះ៖
﴿يَا أَيُّهَا الَّذِينَ آمَنُوا عَلَيْكُمْ أَنْفُسَكُمْ لَا يَضُرُّكُمْ مَنْ ضَلَّ إِذَا اهْتَدَيْتُمْ ﴾ [سورة المائدة(105)] (ឱបណ្ដាអ្នកដែលមានជំនឿ! ពួកអ្នកត្រូវទទួលខុសត្រូវលើខ្លួនឯង។ អ្នកដែលវងេ្វងមិនអាចបង្កគ្រោះថ្នាក់អ្វីដល់អ្នកបានឡើយ នៅពេលដែលពួកអ្នកទទួលបានការចង្អុលបង្ហាញហើយនោះ។ (អាល់ម៉ាអ៊ីហ្ទះ៖១០៥)។
តាមរយៈអាយ៉ាត់នេះ ពួកគេយល់ថា មនុស្សម្នាក់ៗត្រូវព្យាយាមកែលម្អតែខ្លួនឯងប៉ុណ្ណោះ ហើយការវង្វេងរបស់អ្នកដទៃ គឺមិនប៉ះពាល់អ្វីដល់គេឡើយ ហើយពួកគេក៏មិនត្រូវបានគេដាក់បទបញ្ជាឱ្យប្រើគ្នាឲ្យធ្វើអំពើល្អ និងហាមឃាត់គ្នាពីអំពើអាក្រក់នោះដែរ។
ដូច្នេះ គាត់បានប្រាប់ពួកគេថា វាពុំមែនដូច្នោះឡើយ ហើយពិតណាស់ គាត់បានឮណាពី ﷺ លោកបានមានប្រសាសន៍ថា៖ ជាការពិតណាស់ នៅពេលមនុស្សឃើញអ្នកដែលបំពាន តែគេមិនហាមឃាត់ជននោះពីការបំពាន ខណៈពួកគេមានសមត្ថភាពក្នុងការហាមឃាត់ជននោះ នោះអល់ឡោះជាម្ចាស់នឹងដាក់ទោសពួកគេទាំងអស់គ្នាដោយទណ្ឌកម្មមកពីទ្រង់ ទាំងអ្នកដែលប្រព្រឹត្តអំពើអាក្រក់ និងទាំងអ្នកដែលស្ងៀមស្ងាត់ចំពោះអំពើអាក្រក់នោះជាមិនខាន។

Benefits from the Hadith

1. ចាំបាច់លើជនមូស្លីមត្រូវផ្តល់ដំបូន្មានដល់គ្នា និងប្រើគ្នាឲ្យប្រព្រឹត្តអំពើល្អ ហើយហាមឃាត់គ្នាពីអំពើអាក្រក់។
2. ទណ្ឌកម្មរបស់អល់ឡោះធ្លាក់ទៅលើអ្នកដែលបំពានព្រោះតែការបំពានរបស់គេ ហើយក៏ធ្លាក់ទៅលើអ្នកដែលនៅស្ងៀមមិនរារាំងផងដែរ ប្រសិនបើគេមានលទ្ធភាពរារាំង។
3. ត្រូវបង្រៀនមនុស្សទូទៅឱ្យយល់ពីគម្ពីរគួរអានឲ្យបានត្រឹមត្រូវ។
4. ចាំបាច់លើមនុស្សត្រូវយកចិត្តទុកដាក់ក្នុងការឈ្វេងយល់ពីគម្ពីររបស់អល់ឡោះជាម្ចាស់ដើម្បីកុំឱ្យមានការយល់ខុសពីអ្វីដែលអល់ឡោះចង់បាន។
5. ការចង្អុលបង្ហាញមិនអាចសម្រេចបានទេប្រសិនបើមិនបង្គាប់ប្រើគ្នាឲ្យធ្វើអំពើល្អ និងហាមឃាត់គ្នាពីអំពើអាក្រក់ទេនោះ។
6. ការបកស្រាយ(តាហ្វសៀរ)ដែលត្រឹមត្រូវចំពោះអាយ៉ាត់ខាងលើគឺ៖ ចូរពួកអ្នកការពារខ្លួនឯងពីអំពើបាប។ ប្រសិនបើពួកអ្នកបានការពារខ្លួនឯងហើយនោះ ភាពវង្វេងរបស់អ្នកដែលប្រព្រឹត្តប្រការដែលគេហាមឃាត់នោះនឹងមិនផ្តល់គ្រោះថ្នាក់ដល់ពួកអ្នកឡើយ ប្រសិនបើពួកអ្នកអសមត្ថភាពក្នុងការបង្គាប់ប្រើឲ្យធ្វើអំពើល្អនិងហាមឃាត់គ្នាពីអំពើអាក្រក់ ខណៈដែលអ្នកបានទទួលការចង្អុលបង្ហាញដើម្បីជៀសវាងការហាមឃាត់បែបនេះ។