Hadith: “បុគ្គលណាធានាចំពោះខ្ញុំថែរក្សាអវយវៈដែលនៅចន្លោះពុកមាត់និងពុកចង្ការបស់គេ(អណ្តាត) និងអវយវៈដែលនៅចន្លោះជើងទាំងពីររបស់គេ(ប្រដាប់ភេទ) ខ្ញុំនឹងធានាឲ្យជននោះនូវឋានសួគ៌”។

عن سهل بن سعد رضي الله عنه عن رسول الله صلى الله عليه وسلم قال:
«مَنْ يَضْمَنْ لِي مَا بَيْنَ لَحْيَيْهِ وَمَا بَيْنَ رِجْلَيْهِ أَضْمَنْ لَهُ الْجَنَّةَ».
[صحيح] - [رواه البخاري] - [صحيح البخاري: 6474]

អំពី សះល៍ ពិន សាអាត់ رضي الله عنه អំពី រ៉ស៊ូលុលឡោះ ﷺ លោកបានមានប្រសាសន៍ថា៖
“បុគ្គលណាធានាចំពោះខ្ញុំថែរក្សាអវយវៈដែលនៅចន្លោះពុកមាត់និងពុកចង្ការបស់គេ(អណ្តាត) និងអវយវៈដែលនៅចន្លោះជើងទាំងពីររបស់គេ(ប្រដាប់ភេទ) ខ្ញុំនឹងធានាឲ្យជននោះនូវឋានសួគ៌”។
[صحيح] - [رواه البخاري] - [صحيح البخاري - 6474]

Explanation

ណាពី ﷺ លោកបានប្រាប់នូវប្រការពីរ ប្រសិនបើអ្នកមូស្លីមប្រកាន់ខ្ជាប់ប្រការទាំងពីរនេះ រូបគេនឹងបានចូលឋានសួគ៌៖
ទីមួយ៖ ថែរក្សាអណ្ដាតអំពីការនិយាយនូវអ្វីដែលធ្វើឲ្យអល់ឡោះក្រោធខឹង។
ទីពីរ៖ ថែរក្សាប្រដាប់ភេទរបស់ខ្លួនពីការធ្លាក់ចូលទៅក្នុងទង្វើអសីលធម៌។
ព្រោះអវយវៈទាំងពីរនេះច្រើនតែធ្វើឲ្យមានបាបកម្មកើតឡើង។

Benefits from the Hadith

1. ការថែរក្សាអណ្ដាត និងប្រដាប់ភេទ គឺជាផ្លូវមួយនាំទៅកាន់ឋានសួគ៌។
2. ការលើកឡើងពីអណ្តាតនិងប្រដាប់ភេទជាពិសេស ព្រោះអវយវៈទាំងពីរនេះជាប្រភពចម្បងដែលនាំគ្រោះដល់មនុស្សលោក ទាំងក្នុងលោកិយ និងនៅថ្ងៃបរលោក។